ಲೇಖಕ ನವೀನ ಗಂಗೋತ್ರಿ ಅವರ ಕನ್ನಡ ಅನುವಾದ ಕೃತಿ ʻವೈಯಾಕರಣಭೂಷಣಸಾರʼ. ಮನುಷ್ಯ ದಿನನಿತ್ಯ ಸಂವಹಿಸಲು ಬಳಸುವ ಭಾಷೆ ಅಥವಾ ಶಬ್ದ ಎಂಬ ಸಾಧನದ ಬಗ್ಗೆ, ಅದರ ಮಿತಿ-ಮೇರೆಗಳನ್ನು, ಅರ್ಥಗಳ ಸಂಬಂಧವನ್ನು ಪುಸ್ತಕ ವಿವರಿಸುತ್ತದೆ. ಭಾಷೆ ಮುಂದುವರಿದು ಕಾಲ, ವ್ಯಕ್ತಿ, ಕ್ರಿಯಾ ಇವುಗಳನ್ನು ಒಳಗೊಳ್ಳುವಾಗ ಭಾಷೆ ಪಡೆಯುವ ಸ್ವರೂಪವನ್ನೂ ಇಲ್ಲಿ ಗುರುತಿಸಲಾಗಿದೆ. ಇಂತಹ ಹಲವಾರು ಚಿಂತನೆಗಳನ್ನು ಶಾಸ್ತ್ರೀಯ ಶೈಲಿಯಲ್ಲಿ ನಿರೂಪಿಸುವ, ವ್ಯಾಕರಣವೊಂದೇ ಅಲ್ಲದೆ, ಪುರ್ವೋತ್ತರಮೀಮಾಂಸಾ ಹಾಗೂ ನ್ಯಾಯಶಾಸ್ತ್ರೀಯ ದೃಷ್ಠಿಯನ್ನೂ ಪ್ರಸ್ತುತ ಗ್ರಂಥ ವಿವರಿಸುತ್ತದೆ.
ನವೀನ ಗಂಗೋತ್ರಿ ಅವರು ಉತ್ತರಕನ್ನಡ ಜಿಲ್ಲೆಯ ಶೇವಕಾರದವರು . ಕೇಂದ್ರೀಯ ಸಂಸ್ಕೃತ ವಿಶ್ವವಿದ್ಯಾಲಯದಿಂದ ಪಾಣಿನೀಯ ವ್ಯಾಕರಣದಲ್ಲಿ ಉನ್ನತ ಶಿಕ್ಷಣ ಮತ್ತು ಡಾಕ್ಟರೇಟ್ ಗಳಿಸಿದ್ದಾರೆ. ಪ್ರಸ್ತುತ ಕೊಯಮತ್ತೂರಿನ ಅಮೃತ ವಿಶ್ವವಿದ್ಯಾಲಯದ ಅಮೃತದರ್ಶನ ಅಂತಾರಾಷ್ಟ್ರಿಯ ಕೇಂದ್ರದಲ್ಲಿ ಸಹಾಯಕ ಪ್ರಾಧ್ಯಾಪಕಾರಾಗಿ ಕಾರ್ಯನಿರ್ವಹಿಸುತಿದ್ದಾರೆ. ಸಂಶೋಧನೆ ಹಾಗೂ ಸಂಶೋಧನ ಮಾರ್ಗದರ್ಶನದ ಹೊರತಾಗಿ ಕನ್ನಡ, ಇಂಗ್ಲೀಷ್ ಮತ್ತು ಸಂಸ್ಕೃತ ಭಾಷೆಗಳಲ್ಲಿ ಸಾಹಿತ್ಯನಿರ್ಮಾಣ ಮತ್ತು ಅನುವಾದದಲ್ಲಿ ಪ್ರವೃತ್ತಿ ಪಡೆದಿದ್ದಾರೆ. ನಾಡಿನ ಪ್ರಮುಖ ದಿನಪತ್ರಿಕೆ ಮತ್ತು ಇತರ ನಿಯತಕಾಲಿಕೆಗಳಲ್ಲಿ ಕಥೆಗಳು, ಲೇಖನಗಳು ಮತ್ತು ಚಿಂತನಗಳು ಪ್ರಕಟವಾಗಿವೆ. ಇದುವರೆಗೆ ಒಂದು ಕವಿತಾಸಂಕಲನ (ಅಂಟಿಕೊಳ್ಳದ ಚಿತ್ರಗಳು), ಒಂದು ಕಥಾ ಸಂಕಲನ (ಸಂಕ) ಮತ್ತು ಮೂರು ಅನುವಾದ ಗ್ರಂಥಗಳು ಪ್ರಕಾಶ ಕಂಡಿವೆ. ...
READ MORE
Concept & Creation 
©2025 Book Brahma Private Limited.
