ಸಿನೆಮಾ ಒಂದು ಭಾಷೆ. ಅದು ಛಾಯಾಗ್ರಹಣ, ಚಿತ್ರಕಲೆ, ಸಾಹಿತ್ಯ, ಸಂಗೀತ, ನೃತ್ಯ ಮತ್ತು ನಾಟಕ ಕಲೆಗಳನ್ನು ಒಳಗೊಂಡಿರುವ, ಮತ್ತು ಬಿಡಿ ಬಿಡಿಯಾಗಿ ಅವೇ ಅಲ್ಲದ, ಐದೂ ಇಂದ್ರಿಯಗಳ ಅನುಭವವನ್ನು ದೃಶ್ಯರೂಪದಲ್ಲಿ ಕಟ್ಟಿಕೊಡುವ ವಿಶಿಷ್ಟ ಭಾಷೆ. ಇಷ್ಟಾದರೂ, ಸಾಹಿತ್ಯ ಕೃತಿಯ ಅಥವಾ ನಾಟಕದ ದೃಶ್ಯರೂಪವಾಗದೆ, ತನ್ನದೇ ಆದ ವ್ಯಾಕರಣ, ನುಡಿಗಟ್ಟು ಮತ್ತು ಪ್ರತಿಮಾವಿಧಾನವನ್ನು ಸಿನೆಮಾ ಹೊಂದಿದೆ. ಸ್ವರೂಪದಲ್ಲಿ ಕಾವ್ಯಕ್ಕೆ ಹತ್ತಿರವಿರುವ ಸಿನೆಮಾ, ಚಿಂತಕರಿಗೆ, ಸಂವೇದನಾಶೀಲರಿಗೆ, ಸೂಕ್ಷ್ಮಜ್ಞರಿಗೆ ಹೇಳಿಮಾಡಿಸಿದ ಕಲಾ ಮಾಧ್ಯಮ. ಈ ಸಂಗತಿಗಳ ಪ್ರಾಥಮಿಕ ಪರಿಚಯವಾದರೂ ಇಲ್ಲದೆ ಸಿನೆಮಾ ಮಾಡುವುದಾಗಲಿ, ನೋಡುವುದಾಗಲಿ ಕಷ್ಟಸಾಧ್ಯ ಎಂಬುದನ್ನು ಈ ಪುಸ್ತಕ ಸಿನೆಮಾ ಕೃತಿಗಳ ಮೂಲಕವೇ ಪರಿಚಯಿಸುತ್ತದೆ.
ಹಾಸನ ಜಿಲ್ಲೆ, ಅರಸೀಕೆರೆ ತಾಲೂಕಿನ (ಜನನ: 06-05-1948) ಲಾಯಲಾಪುರ ಗ್ರಾಮದವರು. ಸಾಹಿತ್ಯ, ತತ್ವಶಾಸ್ತ್ರ, ಸಿನಿಮಾಕಲೆ, ಅನುವಾದ ಮತ್ತು ಎಡಪಂಥೀಯ ರಾಜಕೀಯದಲ್ಲಿ ಗಂಭೀರ ಆಸಕ್ತಿ. ‘ಆನೆ ಬಂತೊಂದಾನೆ’ (ಜಾನಪದ ಶಿಶುಗೀತೆಗಳು) ‘ಕನ್ನಡ ಕಲಿಯಿರಿ’ ( ವಯಸ್ಕರ ಶಿಕ್ಷಣ) ‘ನಿರಂತರ’ (ಸಾಹಿತ್ಯ ವಿಮರ್ಶೆ) ‘ಗಾಂಪ ಮಂಡಲ’ (ವಿಡಂಬನೆ) ‘ಕ್ಯಾಪ್ಟನ್ನನ ಮಗಳು’ (ಅನುವಾದ) ‘ಎರಡು ಕಣ್ಣು ಸಾಲದು’ (ಸಿನಿಮಾ ಕಲಾಮೀಮಾಂಸೆ) 'ಶ್ರಮಶೋಷಣೆಯ ವಿಶ್ವವನ್ನು ಬದಲಾಯಿಸಬೇಕು!' (ಸಹ ಅನುವಾದ) ಪ್ರಕಟಿತ ಕೃತಿಗಳು. ಮಾರ್ಕ್ಸ್ ನ ‘ಕ್ಯಾಪಿಟಲ್’ ಕೃತಿಯ ಅನುವಾದ ಕಾರ್ಯದಲ್ಲಿ ಇತರರೊಂದಿಗೆ ಸಹಯೋಗ. ನಿವೃತ್ತಿಯ ನಂತರ ಮೈಸೂರಿನಲ್ಲಿ ವಾಸ. ...
READ MORE
Concept & Creation 
©2025 Book Brahma Private Limited.
