ಭಾರತೀಯ ಮಹಾಕಾವ್ಯಗಳ ಪೈಕಿ ಮಹಾಭಾರತ ಅದ್ವಿತೀಯ ಕೃತಿ. ವಿಶೇಷವಾಗಿ ಭಗವದ್ಗೀತೆ ಕುರಿತು ಬಂದ ವ್ಯಾಖ್ಯಾನ ಕೃತಿಗಳು ಜಗತ್ತಿನ ಯಾವ ಕೃತಿಗಳಿಗೂ ಬಂದಿಲ್ಲ ಎಂಬುದು ಅತಿಶಯೋಕ್ತಿಯಲ್ಲ. ಮನುಷ್ಯರ ಮನೋವ್ಯಾಪಾರವನ್ನು ಚಿತ್ರಿಸುವ ಬೃಹತ್ ಕಥೆ-ಮಹಾಭಾರತ. ಭರತೀಯ ಸಂಸ್ಕೃತಿಯ ಬಹುತೇಕ ಜೀವನ ಅಂಶಗಳು, ಮೌಲ್ಯಗಳು, ರೀತಿ-ನೀತಿಗಳು ಈ ಮಹಾಕಾವ್ಯವನ್ನೇ ಆಧರಿಸಿವೆ. ಅಹಂಕಾರದಿಂದ ಹೇಗೆ ಸಹೋದರ ಮನೆತನಗಳು ಕಾದಾಡಿ ಹಾಳಾದವು ಮಾತ್ರವಲ್ಲ 18 ಅಕ್ಷೋಹಿಣಿ ಸೈನ್ಯವನ್ನೂ ಸಹ ಬಲಿ ಪಡೆದಿದ್ದು ಮಹಾಭಾರತ ಯುದ್ಧದ ಕಥೆ ಉತ್ತಮ ಸಂದೇಶ ನೀಡುತ್ತದೆ. ಕೇವಲ 40 ಪುಟದ ಈ ಕಿರು ಹೊತ್ತಗೆಯು 1 ಲಕ್ಷ ಶ್ಲೋಕದ ಸಾರವನ್ನು ನೀಡಿದ್ದು, ಕನ್ನಡಿಯಲ್ಲಿ ಆನೆಯನ್ನು ತೋರಿಸಿರುವ ಕಲೆ ಸಿದ್ಧಿಸಿರುವುದನ್ನು ಕಾಣಬಹುದು.
ಈ ಭಗವದ್ಗೀತೆಯು ಬದುಕನ್ನು ಹೇಗೆ ಬಾಳಬೇಕು, ಬದುಕಿನ ವಾಸ್ತವತೆಗೂ ಬದುಕಿನ ಆದರ್ಶಕತೆಗೂ ಇರುವ ವ್ಯತ್ಯಾಸ ಮಾತ್ರವಲ್ಲ; ಯಾವುದನ್ನು ಎಷ್ಟು ಬಳಸಬೇಕು, ಯಾವಾಗ ಬಳಸಬೇಕು ಎಂಬ ಜ್ಞಾನವನ್ನು, ಬದುಕುವ ಕಲೆಯನ್ನು ತಿಳಿಸುತ್ತದೆ. ಇಂತಹ ಕೃತಿಯನ್ನು ಸರಳವಾಗಿ ಬರೆಯುವುದೆಂದರೆ ಸಾಹಸವೇ ಸರಿ. ಅದನ್ನು ಡಾ. ಕೆ. ಕೃಷ್ಣಮೂರ್ತಿ ಅವರು ತೋರಿದ್ದು, ಈ ಕೃತಿಯು ಕನ್ನಡಿಗರಿಗೆ ದಕ್ಕಿದ್ದು ಹೆಮ್ಮೆಯ ಸಂಗತಿಯೇ ಆಗಿದೆ.
ಕೆ.ಕೃಷ್ಣಮೂರ್ತಿ- ಹುಟ್ಟಿದ್ದು ಹಾಸನ ಜಿಲ್ಲೆ ಕೇರಳಾಪುರದಲ್ಲಿ. ಮಹಾರಾಜ ಕಾಲೇಜಿನಲ್ಲಿ ಬಿ.ಎ ಮತ್ತು ಎಂ.ಎ. ಕನ್ನಡ, ಇಂಗ್ಲಿಷ್, ಸಂಸ್ಕೃತ ಭಾಷೆಗಳಲ್ಲಿ ಸರ್ವಪ್ರಾವಿಣ್ಯ. ಬೊಂಬಾಯಿ ವಿಶ್ವವಿದ್ಯಾಲಯದಿಂದ ಧ್ವಾನ್ಯಾಲೋಕ ಮತ್ತು ಅದರ ವಿಮರ್ಶೆ ಡಾಕ್ಟರೇಟ್ ಪದವಿ. ಕರ್ನಾಟಕ ವಿಶ್ವ ವಿದ್ಯಾಲಯದಲ್ಲಿ ಸಂಸ್ಕೃತ ವಿಭಾಗದ ಪ್ರಾಧ್ಯಾಪಕರಾಗಿ, ಮುಖ್ಯಸ್ಥರಾಗಿ ಕೆಲಸ. ಸಂಸ್ಕೃತದಿಂದ ಕನ್ನಡಕ್ಕೆ ಅನುವಾದಿಸಿದ ಮುಖ್ಯಪುಸ್ತಕಗಳು ಧ್ವನ್ಯಾಲೋಕ ಮತ್ತು ಆನಂದವರ್ಧನನ ಕಾವ್ಯಮೀಮಾಂಸೆ, ಮಮ್ಮಟನ ಕಾವ್ಯ ಪ್ರಕಾಶ. ರಾಜಶೇಖರನ ಕಾವ್ಯ ಮೀಮಾಂಸೆ, ದಂಡಿಯ ಕಾವ್ಯದರ್ಶನ, ವಾಮನನ ಕಾವ್ಯಲಂಕರಸೂತ್ರವೃತ್ತಿ, ಕ್ಷೇಮೇಂದ್ರನ ಕವಿಕಂಠಾಭರಣ, ಔಚಿತ್ಯಚರ್ಚೆ, ಭಾಮಹನ ಕಾವ್ಯಾಲಂಕಾರ, ಹಾಗೆಯೇ ಇಂಗ್ಲಿಷಿನಲ್ಲಿ ವಕ್ರೋಕ್ತಿಜೀವಿತ, ಧ್ವನ್ಯಾಲೋಕ, ನಾಟ್ಯಶಾಸ್ತ್ರ ಮತ್ತು ಅಭಿನವ ಭಾರತಿ, ...
READ MORE
Concept & Creation 
©2024 Book Brahma Private Limited.
.jpg)
