ವೆಂಕಟೇಶ ತಿರಕೋ ಕುಲಕರಣಿ (ಗಳಗನಾಥ) ಅವರು ಬರೆದ ಕೃತಿ-ಮಹಾಭಾರತದ ಸಭಾಪರ್ವದೊಳಗಿನ ರಹಸ್ಯಗಳು. ಮಹಾಭಾರತದ ಕಥೆಯಲ್ಲಿ ಅತ್ಯಂತ ಪ್ರಮುಖ ಭಾಗಗಳಾಗಿ ಅನೇಕ ರಹಸ್ಯಗಳಿವೆ. ಈ ಕಾರಣಗಳಿಗಾಗಿಯೇ ಮಹಾಭಾರತವು ಶ್ರೇಷ್ಠ ಕೃತಿಯಾಗಿ ನಿಲ್ಲುತ್ತದೆ. ಮಹತ್ವದ ರಹಸ್ಯಗಳನ್ನು ತಿಳಿಯುವುದರಿಂದ ಮಹಾಭಾರತವನ್ನು ಬೇಗ ಬೇಗ ಅರ್ಥ ಮಾಡಿಕೊಳ್ಳಬಹುದು.
ಕೃತಿಯಲ್ಲಿ ಧಾರ್ಮಿಕತೆಯೇ ನಿಜವಾದ ಸೌಜನ್ಯವು, ಧರ್ಮದ ಪ್ರಗತಿಗೆ ಬಾಧಕವಲ್ಲ; ಸಾಧಕವು, ರಾಷ್ಟ್ರೀಯರ ಕರ್ತವ್ಯಚ್ಯುತಿಯು ರಾಷ್ಟ್ರ ವಿಘಾತಕವು, ಹಳ್ಳಿಯ ಉತ್ಕರ್ಷವೇ ರಾಷ್ಟ್ರದ ಉತ್ಕರ್ಷವು, ಅವಿವೇಕಿ ಲೋಕಮತವು ಅನರ್ಥಕಾರಿಯು ಹಾಗೂ ರಾಜನ ವರ್ಣಾನುರಾಗವು ಉಜ್ವಲ ಪ್ರಜಾನುರಾಗ ದ್ಯೋತಕವು ಹೀಗೆ ವಿವಿಧ ಅಧ್ಯಾಯಗಳಿದ್ದು, ಮಹಾಭಾರತದ ಕಾವ್ಯದಲ್ಲಿಯ ಬಹುತೇಕ ರಹಸ್ಯಗಳನ್ನು ಪರಿಚಯಿಸುತ್ತದೆ.
ವಿಪುಲವಾದ ಕನ್ನಡ ಬರೆವಣಿಗೆಯಿಂದ ಇಡೀ ನಾಡಿನಲ್ಲಿ ಭಾಷಾ ಜಾಗೃತಿಯನ್ನುಂಟುಮಾಡಿದ ಪ್ರಸಿದ್ಧ ಲೇಖಕರಲ್ಲೊಬ್ಬರು ವೆಂಕಟೇಶ ತಿರಕೋ ಕುಲಕರ್ಣಿ. ’ಗಳಗನಾಥ’ ಅವರ ಕಾವ್ಯನಾಮ. ಹುಟ್ಟಿದ್ದು ಧಾರವಾಡ ಜಿಲ್ಲೆಯ ಹಾವೇರಿ ತಾಲ್ಲೂಕಿನ ಗಳಗನಾಥ ಎಂಬ ಹಳ್ಳಿ. ಗಳಗನಾಥರ ಮೊದಲ ಕಾದಂಬರಿ ’ಪದ್ಮನಯನೆಗೆ ಬಹುಮಾನ’. 1898ರಿಂದ 1942ರವರೆಗೆ ಅವ್ಯಾಹತ ಬರವಣಿಗೆಯಲ್ಲಿ ತೊಡಗಿಕೊಂಡವರು. ’ಕಮಲಕುಮಾರಿ, ಮೃಣಾಲಿನಿ, ವೈಭವ, ಕನ್ನಡಿಗರ ಕರ್ಮಕಥೆ’ ಮುಂತಾದ ಕಾದಂಬರಿಗಳ ರಚಿಸಿದ್ಧಾರೆ. ’ಗಿರಿಜಾ ಕಲ್ಯಾಣ, ಉತ್ತರರಾಮ ಚರಿತ್ರೆ, ಚಿದಂಬರ ಚರಿತ್ರೆ ಮುಂತಾದ ಪೌರಾಣಿಕ ಕಥೆಗಳು, ಸತ್ಪುರುಷರ ಚರಿತ್ರೆಗಳು, ನಿಬಂಧ-ಪ್ರಬಂಧಗಳ ರಚನೆ, ಪ್ರಕಟಣೆ. 1907ರಲ್ಲಿ ಸದ್ಬೋಧ ಚಂದ್ರಿಕಾ ಮಾಸಪತ್ರಿಕೆ ಪ್ರಾರಂಭಿಸಿದರು.. ‘ಮಾಧವ ಕರುಣಾವಿಲಾಸ’ ...
READ MORE
Concept & Creation 
©2024 Book Brahma Private Limited.
.jpg)
