ರಾಮಾಯಣದ ಉತ್ತರ ಕಾಂಡದ ಪ್ರಮುಖ ಭಾಗ; ಪರಿತ್ಯಕ್ತಳಾದ ಸೀತೆಯು ಕುಂದಮಾಲೆಯನ್ನು ರಚಿಸಿದ್ದು, ಅದರ ಮೂಲಕವೇ ಸೀತೆ ಬದುಕಿರುವಳೆಂದು ರಾಮನು ಊಹಿಸುವುದು, ರಾಮಾಯಣದ ಈ ಪ್ರಸಂಗವನ್ನು ಎತ್ತಿಕೊಂಡು ಕುಂದಮಾಲೆ ಎಂಬ ಹೆಸರಿನೊಂದಿಗೆ ಕೃತಿ ರಚನೆಗೊಂಡಿದೆ. ದಿಙ್ನಾಗ ಎಂಬ ಕವಿಯು ಸಂಸ್ಕೃತದಲ್ಲಿ ರಚಿಸಿದ ಈ ನಾಟಕವನ್ನು ಇಲ್ಲಿ ಬೆನಗಲ್ ರಾಮರಾವ ಅವರು ಕನ್ನಡಕ್ಕೆ ಅನುವಾದಿಸಿದ್ದಾರೆ.
ಕರ್ನಾಟಕದ ನಕಾಶೆ ರೂಪಿಸಿದ ಬೆನಗಲ್ ರಾಮರಾವ್ ಅವರು “ಕನ್ನಡವನುಳಿದೆನಗೆ ಅನ್ಯ ಜೀವನವಿಲ್ಲ” ಎಂಬ ಕವಿತೆಯ ಮೂಲಕ ಕನ್ನಡ ನಾಡಿನಲ್ಲಿ ಚಿರಪರಿಚಿತರಾದವರು. ಕವಿ, ನಾಟಕಕಾರ ಬೆನಗಲ್ ರಾಮರಾಯರು ಕೋಶರಚನೆ ಹಾಗೂ ಇತಿಹಾಸಕ್ಕೆ ಸಂಬಂಧಿಸಿದ ಕೃತಿಗಳ ಸಂಪಾದಕರೂ ಆಗಿದ್ದರು. ‘ಸುವಾಸಿನಿ’ ಪತ್ರಿಕೆಯ ಸಂಪಾದಕರಾಗಿ ವೃತ್ತಿ ಜೀವನ ಆರಂಭಿಸಿದ್ದರು. ಬೆನಗಲ್ ರಾಮರಾವ್ ತಂದೆ ಮಂಜುನಾಥಯ್ಯ-ತಾಯಿ ರಮಾಬಾಯಿ. ಮುಲ್ಕಿ, ಮಂಗಳೂರು, ಪುತ್ತೂರುಗಳಲ್ಲಿ ವಿದ್ಯಾಭ್ಯಾಸ ಮಾಡಿದ ಅವರು ಜೀವವಿಜ್ಞಾನ, ಭೂಗರ್ಭಶಾಸ್ತ್ರ ಮತ್ತು ಕನ್ನಡ ವಿಷಯಗಳಲ್ಲಿ ಬಿ.ಎ. ಪದವಿ ಗಳಿಸಿದ್ದರು. 1900ರಲ್ಲಿ ಮದರಾಸು ವಿಶ್ವವಿದ್ಯಾಲಯಗಳಲ್ಲಿ ಎಂ.ಎ. ಪದವಿ ಪಡೆದರು. ಮುಂಬಯಿ ವಿಶ್ವವಿದ್ಯಾಲಯದಿಂದ ಎಲ್.ಎಲ್.ಬಿ ಪದವಿ ಪೂರ್ಣಗೊಳಿಸಿದರು. ...
READ MORE
Concept & Creation 
©2024 Book Brahma Private Limited.
.jpg)
