‘ದೆಸೆಯಿಂದ’ ಜಿಯಾಉಲ್ಲಾ ಕೆ ಹೊಸಹಳ್ಳಿ ಅವರ ರಚನೆಯ ಕವನಸಂಕಲನವಾಗಿದೆ. ಈ ಕವಿಯ ಕವಿತೆಗಳ ಆಳಕ್ಕಿಳಿದು ಧ್ಯಾನಿಸಿದಾಗ ಇವರ ಬಹುತೇಕ ಕವಿತೆಗಳು ಪ್ರೀತಿಯ ಸುತ್ತ ಗಿರಕಿ ಹೊಡೆದಂತೆ ಕಂಡು ಬಂದರೂ ಅಭಿವ್ಯಕ್ತಿಸುವ ರೀತಿಯಲ್ಲಿ ತಮ್ಮದೇ ವಿಭಿನ್ನ, ನೂತನ ಮಾರ್ಗವನ್ನು ಕಂಡುಕೊಳ್ಳುವ ತಹತಹಿಕೆಯಂತೂ ಎದ್ದು ಕಾಣುತ್ತದೆ. ವಿವಿಧ ಬಗೆಯ ರೂಪಕ, ಪ್ರತಿಮೆಗಳ ಪ್ರಯೋಗದ ಮುಖೇನ ಇಲ್ಲಿಯ ನಿರೂಪಕ ಗಮನ ಸೆಳೆಯುತ್ತಾರೆ ಎಂದು ಖ್ಯಾತ ಚಲನಚಿತ್ರ ಸಾಹಿತಿ ಹೃದಯಶಿವ ಅವರು ಪುಸ್ತಕದ ಮುನ್ನುಡಿಯಲ್ಲಿ ತಿಳಿಸಿದ್ದಾರೆ.
ಜಿಯಾಉಲ್ಲಾ ಕೆ ಹೊಸಹಳ್ಳಿ ಅವರು ಮೂಲತಃ ರಾಮನಗರ ಜಿಲ್ಲೆಯ ಕನಕಪುರ ತಾಲ್ಲೂಕಿನ ಕೊಕ್ಕರೆಹೊಸಹಳ್ಳಿಯವರು. ತಂದೆ ಮಹಮ್ಮದ್ ದಸ್ತಗಿರ್ ಸಾಬ್, ತಾಯಿ-ಖುರ್ಷಿದ್ ಉನ್ನೀಸಾ ಪ್ರಾಥಮಿಕ ಶಿಕ್ಷಣ ಸ್ವಗ್ರಾಮದಲ್ಲಿ ಪೂರೈಸಿ. ಮಾಧ್ಯಮಿಕ ಮತ್ತು ಪ್ರೌಢ ಶಿಕ್ಷಣ ಸಂತೇಕೋಡಿಹಳ್ಳಿಯ ಶಾರದಾ ಪ್ರೌಢಶಾಲೆಯಲ್ಲಿ ಪಡೆದರು. ಬಿ.ಎಡ್ ಪದವಿಯನ್ನು ಆರ್.ವಿ ಶಿಕ್ಷಕರ ಮಹಾವಿದ್ಯಾಲಯದಲ್ಲೂ, ಎಂ.ಎ ಪದವಿಯನ್ನು ಬೆಂಗಳೂರು ವಿಶ್ವವಿದ್ಯಾಲಯದಿಂದ ಪಡೆದಿದ್ದಾರೆ. ಪ್ರಸ್ತುತ ಶಾಲಾ ಶಿಕ್ಷಣ ಇಲಾಖೆಯ ಉಪನಿರ್ದೇಶಕರ ಕಛೇರಿಯಲ್ಲಿ ಕನ್ನಡ ಭಾಷಾ ವಿಷಯ ಪರಿವೀಕ್ಷಕರಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಕೃತಿಗಳು: ದೆಸೆಯಿಂದ ...
READ MORE
Concept & Creation 
©2024 Book Brahma Private Limited.
