‘ಕನಕದಾಸರ ಕೀರ್ತನೆಗಳ ಶಬ್ಧ- ಪ್ರಯೋಗ ಕೋಶ’ ‘ಕೃತಿಯು ಶಬ್ದ ಪಯೋಗ ಕೋಶ ಕೃತಿಯಾಗಿದೆ. ಹಿರಿಯ ವಿದ್ವಾಂಸರಾದ ಶ್ರೀನಿವಾಸ ಹಾವನೂರು ಹಾಗೂ ವಿ.ಕೃಷ್ಣ ಅವರು ಸಂಪಾದಿಸಿದ್ದಾರೆ. ಕೃತಿಯ ಬೆನ್ನುಡಿಯಲ್ಲಿ ತಿಳಿಸಿರುವಂತೆ ‘ಶಬ್ದ ಪಯೋಗ ಕೋಶ’ ಎಂದರೆ ಗ್ರಂಥವೊಂದರಲ್ಲಿಯ ನಿರ್ದಿಷ್ಟ ಶಬ್ದಗಳನ್ನು, ಆ ಗ್ರಂಥದಲ್ಲಿ ಅವು ಕಾಣಿಸಿಕೊಂಡ ಪ್ರಯೋಗ ವಾಕ್ಯಗಳ ಸಹಿತವಾಗಿ, ಆಕಾರಾದಿ ಕ್ರಮದಲ್ಲಿ ಕೊಡುವುದು. ಬರೀ ಶಬ್ದಗಳನ್ನು ಮಾತ್ರ ಪಟ್ಟಿ ಮಾಡಿದರೆ ಅದು ಶಬ್ದಸೂಚಿ ಎನಿಸಿಕೊಳ್ಳುತ್ತದೆ. ಆದರೆ ಅದು ಪಯೋಗವಾದ ವಾಕ್ಯದ ಸಹಿತವಾಗಿ ಕೊಟ್ಟರೆ ಅದು ಶಬ್ದ - ಪಯೋಗ ಎನಿಸಿಕೊಳ್ಳುತ್ತದೆ. ಇಲ್ಲಿ ಬಂದಿರುವ ಶಬ್ದಗಳೊಂದೊಂದಕ್ಕೂ ವಿಶೇಷಾರ್ಥಗಳನ್ನೂ ವೈವಿಧ್ಯವನ್ನೂ ಕಲ್ಪಿಸಿ ಕನಕದಾಸರು ತಮ್ಮ ಕ ರ್ತೃತ್ವಶಕ್ತಿಯನ್ನು ಮೆರೆದಿದ್ದಾರೆ. "ಎನಿಸು" ಎನ್ನುವ ಸಾದಾ ಕ್ರಿಯಾಪದಕ್ಕೆ ಜೋಡಿಸಿದ ದೂರದ ಸಂದರ್ಭಗಳನ್ನೂ ಈ ದೃಷ್ಟಿಯಿಂದ ಗಮನಿಸುವುದು. ಅದರಂತೆ ’ಪಡು’ ಎಂಬುದು ಕ್ರಿಯಾಪದ ಹಾಗೇನೇ ‘ಅನ್ಯ’ ಎಂಬುದು ಬಳಕೆಯಲ್ಲಿ ತೀರ ಸಾಮಾನ್ಯವಾದ ಈ ಶಬ್ದ ಬಂದಲ್ಲಿ ಕನಕದಾಸರು ಪೌರಾಣಿಕ ಕಥಾನಕವನ್ನೂ ನೀತಿಯ ಮಾತುಗಳನ್ನು ತಂದಿದ್ದಾರೆ.
ಕನ್ನಡ ಸಾಹಿತ್ಯಸಂಶೋಧನೆ ಮಾಡಲು ಮೊತ್ತಮೊದಲು ಕಂಪ್ಯೂಟರ್‌ ಬಳಸಿದವರು ಡಾ. ಶ್ರೀನಿವಾಸ ಹಾವನೂರರು (1928-2010). ಕನ್ನಡ ಸಾಹಿತ್ಯಕ್ಕೆ ಅವರ ಕೊಡುಗೆ ಅಪಾರವಾದುದು, ವೈವಿಧ್ಯಮಯವಾದುದು. ಸಣ್ಣ ಕಥೆ, ಲಲಿತ ಪ್ರಬಂಧ, ಜೀವನ ಚರಿತ್ರೆ, ಸಾಹಿತ್ಯ, ಸಂಸ್ಕೃತಿ, ಇತಿಹಾಸ ವಿಮರ್ಶೆ ಮೊದಲಾದ ಪ್ರಕಾರಗಳಲ್ಲಿ 60ಕ್ಕೂ ಮಿಕ್ಕಿ ಕೃತಿಗಳನ್ನು ಹೊರತಂದರು. ವಿದೇಶದಲ್ಲಿದ್ದ ಕನ್ನಡ ಸಾಹಿತ್ಯವನ್ನು ಮರಳಿ ತಾಯ್ನಾಡಿಗೆ ಕರೆತಂದರು. ಹೊಸಗನ್ನಡ ಅರುಣೋದಯದ ಸಾಹಿತ್ಯವನ್ನು ಮತ್ತೆ ತೆರೆದು ತೋರಿಸಿದರು, ಹಿಂದೆ ಮುಂಬಯಿಯ ಟಾಟಾ ಮೂಲಭೂತ ವಿಜ್ಞಾನ ಸಂಸ್ಥೆಯ ಗ್ರಂಥಪಾಲಕರಾಗಿದ್ದರು. ಮುಂದೆ ಮಂಗಳೂರು ಮತ್ತು ಮುಂಬಯಿ ವಿ.ವಿ.ಯ ಕನ್ನಡ ಅಧ್ಯಯನ ಸಂಸ್ಥೆಯ ಮುಖ್ಯಸ್ಥರಾದರು. ಆಮೇಲೆ ಪುಣೆಯಲ್ಲಿ ಮರಾಠಿ ಕನ್ನಡ ಸ್ನೇಹ ಸಂವರ್ಧನೆಯಲ್ಲಿ ಪಾತ್ರವಹಿಸಿದರು.. ಕೊನೆಗೆ ಕರ್ನಾಟಕ ಸರಕಾರದ ಸಮಗ್ರ ದಾಸ ಸಾಹಿತ್ಯ ಸಂಪಾದಕರಾಗಿ ೫೦ ಸಂಪುಟಗಳ ಪ್ರಕಟಣೆಯ ನೇತೃತ್ವ ವಹಿಸಿದರು. ಕನ್ನಡದ ನಾಡೋಜರೆಂದು ಹೆಸರಾದರು. ...
READ MORE
Concept & Creation 
©2024 Book Brahma Private Limited.
