ಉತ್ತರ ಕರ್ನಾಟಕ ಜನಪದ ಸಾಹಿತ್ಯದ ಕೆನೆಯಂತೆ ಇರುವ ಕೃತಿ ಸಂಗ್ಯಾ-ಬಾಳ್ಯಾ. ಇದನ್ನು ಆಧರಿಸಿ ಡಾ. ಕಲಬುರ್ಗಿ ರಚಿಸಿರುವ ಸಣ್ಣಾಟ ’ಖರೇ ಖರೇ ಸಂಗ್ಯಾ ಬಾಳ್ಯಾ’.
ಸಂಗ್ಯಾ-ಬಾಳ್ಯಾ ಕೃತಿಗಳು ಹಲವು ಇರುವಾಗ, ಕಲಬುರ್ಗಿ ಇದನ್ನೇಕೆ ಬರೆದರು ಮತ್ತು ’ಖರೇ ಖರೇ’ ಎಂಬ ಶೀರ್ಷಿಕೆ ಏಕೆ ಕೊಟ್ಟರು ಎಂಬುದು ಕುತೂಹಲದ ಸಂಗತಿ. ಪತ್ತಾರ ಮಾಸ್ತರನ 'ಸಂಗ್ಯಾ-ಬಾಳ್ಯಾ' ಪಠ್ಯದಲ್ಲಿ ಚಿತ್ರಿತವಾಗಿರುವ ಗಂಗಾ, ಸಂಗ್ಯಾನೊಂದಿಗೆ ಅನೈತಿಕ ಸಂಬಂಧ ಹೊಂದಿದ ಹೆಣ್ಣು. ಆದರೆ ಇದನ್ನು ಸ್ಪಷ್ಟವಾಗಿ ಅಲ್ಲಗಳೆಯುವ ಮೌಖಿಕ ಸಾಹಿತ್ಯ ತನಗೆ ದಕ್ಕದ ಗಂಗಾಳ ಮೇಲಿನ ಸೇಡು ತೀರಿಸಿಕೊಳ್ಳಲು ಪತ್ತಾರ ಮಾಸ್ತರ ಆಟ ಬರೆದನೆಂದು ಹೇಳುತ್ತದೆ. ಕಲಬುರ್ಗಿ ಅವರ ನಾಟಕ ಮೌಖಿಕ ಸಾಹಿತ್ಯದ ನಿಲುವನ್ನು ಸಮರ್ಥಿಸುವಂತಿದೆ.
ಕರ್ನಾಟಕದಲ್ಲಿ ಸಂಶೋಧನಾ ಕ್ಷೇತ್ರದ ಪ್ರಮುಖ ಹೆಸರು ಎಂ.ಎಂ. ಕಲಬುರ್ಗಿ. ಶಾಸನಶಾಸ್ತ್ರ, ಸಾಹಿತ್ಯ ಚರಿತ್ರೆ, ಛಂದಸ್ಸು, ಇತಿಹಾಸ, ವಾಸ್ತುಶಿಲ್ಪ, ಗ್ರಂಥಸಂಪಾದನೆ, ಹಸ್ತಪ್ರತಿಶಾಸ್ತ್ರ, ಜಾನಪದ, ಸ್ಥಳನಾಮಗಳ ಅಧ್ಯಯನ, ಸಾಹಿತ್ಯ ವಿಮರ್ಶೆ ಕ್ಷೇತ್ರಗಳಲ್ಲಿ ಹರಡಿಕೊಂಡಿವೆ. ಮಲ್ಲೇಶಪ್ಪ ಮಡಿವಾಳಪ್ಪ ಕಲಬುರ್ಗಿಯವರು ಬಿಜಾಪುರ ಜಿಲ್ಲೆಯ ಸಿಂದಗಿ ತಾಲ್ಲೂಕಿನ ಯರಗಲ್ಲ ಗ್ರಾಮದಲ್ಲಿ 1938ರ ನವೆಂಬರ್ 28ರಂದು ಜನಿಸಿದರು. ತಾಯಿ ಗುರಮ್ಮ; ತಂದೆ ಮಡಿವಾಳಪ್ಪ. ಕಲಬುರ್ಗಿಯವರು ಕರ್ನಾಟಕ ವಿಶ್ವವಿದ್ಯಾಲಯದಿಂದ ಬಿ.ಎ (1960) ಮತ್ತು ಎಂ.ಎ (1962) ಪದವಿ ಪಡೆದ ಅವರು ಸಲ್ಲಿಸಿದ ‘ಕವಿರಾಜಮಾರ್ಗ ಪರಿಸರದ ಕನ್ನಡ ಸಾಹಿತ್ಯ’ (1968) ಎಂಬ ಮಹಾಪ್ರಬಂಧಕ್ಕೆ ಪಿ.ಎಚ್.ಡಿ. ಪದವಿ ಸಂದಿತ್ತು. ಕರ್ನಾಟಕ ಕಾಲೇಜಿನಲ್ಲಿ ...
READ MORE
Concept & Creation 
©2024 Book Brahma Private Limited.
1.jpg)
