*ಕಲಿಗುಲ” ಕೆ ವಿ ತಿರುಮಲೇಶರ ಎರಡನೆಯ ನಾಟಕ; ಮೊದಲ ನಾಟಕ 'ಟೈಬೀರಿಯಸ್' ಬರೆದ ಬೆನ್ನಲ್ಲೇ ಅವರು ಇದನ್ನು ರಚಿಸಿದ್ದಾರೆ.
ರೋಮಿನ ಅತಿ ಕ್ರೂರಿ ರಾಜರುಗಳಲ್ಲಿ ಕಲಿಗುಲನಿಗೆ ಬಹುಶಃ ಮೊದಲನೆ ಸ್ಥಾನ ದೊರಕುತ್ತದೆ. ಕೇವಲ ಕ್ರೌರ್ಯಕ್ಕಷ್ಟೇ ಅವನು ಹೆಸರಾದವನಲ್ಲ, ವಿಕೃತಕಾಮದಲ್ಲೂ ಅವನನ್ನು ಮೀರಿಸುವವರು ಕಡಿಮೆ ಎನ್ನಲಾಗುತ್ತದೆ. ಇಂಥ ಮನುಷ್ಯನೊಬ್ಬನಿಗೆ ಅಧಿಕಾರ ಸಿಕ್ಕಿದಾಗ ಪ್ರಜೆಗಳ ಪಾಡೇನು ಎನ್ನುವುದನ್ನು ಊಹಿಸಬೇಕು. ಕಲಿಗುಲನ ಪಾಪಗಳಿಗೆ ಸಾಮಾಜಿಕ, ಮನೋವೈಜ್ಞಾನಿಕ, ಅನಾರೋಗ್ಯವೇ ಮೊದಲಾದ ಬಾಹ್ಯ ಕಾರಣಗಳನ್ನು ನೀಡಿ ಅವನನ್ನು ಹಿಂಸಕನಲ್ಲ, ಹಿಂಸಿತನು' ಎಂದು ಸಾಧಿಸಬಹುದು. ಆದರೆ ಆ ಕಾರ್ಯಕ್ಕೆ ತಿರುಮಲೇಶರು ಮುಂದಾಗುವುದಿಲ್ಲ. ಯಾಕೆಂದರೆ, ಹೀಗೆ ನಿರಂಕುಶ ಪ್ರಭುಗಳನ್ನು ಮುಕ್ತರಾಗಿಸುತ್ತ ಹೋದರೆ, ಯಾವ ಅಪರಾಧವನ್ನೂ ಅಪರಾಧವೆಂದು ಅಪರಾಧವೆಂದು ಕರೆಲು ಸಾಧ್ಯವಾಗುವುದಿಲ್ಲ ಎಂಬ ಕಾರಣಕ್ಕೆ.
ಕಾವ್ಯ, ಕತೆ, ಕಾದಂಬರಿ ಹೀಗೆ ಹಲವು ಸಾಹಿತ್ಯ ಪ್ರಕಾರಗಳಲ್ಲಿ ಕೆಲಸ ಮಾಡಿರುವ ಕೆ.ವಿ. ತಿರುಮಲೇಶ್ ಸಾಹಿತ್ಯ ವಿಮರ್ಶೆ ಮತ್ತು ಭಾಷಾ ವಿಜ್ಞಾನ ಕ್ಷೇತ್ರಗಳಲ್ಲಿಯೂ ಕೆಲಸ ಮಾಡಿದವರು. ತಮ್ಮ ಬಾಲ್ಯವನ್ನು (ಜ. 1940) ಕಾಸರಗೋಡಿನ ಕಾರಡ್ಕದಲ್ಲಿ ಮಲೆಯಾಳಿಗಳ ನಡುವೆ ಕಳೆದ ತಿರುಮಲೇಶ್ ಅವರು ತಮ್ಮ ಜೀವನದ ಬಹುತೇಕ ಅವಧಿಯನ್ನು ಕರ್ನಾಟಕದಿಂದ ಹೊರಗಡೆಯೇ ಇದ್ದು ಕಳೆದಿದ್ದಾರೆ. ಹೈದರಾಬಾದ್ ನ ಸೆಂಟ್ರಲ್ ಇನ್ಸ್ ಟಿಟ್ಯೂಟ್ ಆಫ್ ಇಂಗ್ಲಿಷ್ ಆ್ಯಂಡ್ ಫಾರಿನ್ ಲ್ಯಾಂಗ್ವೇಜಸ್’ ನಲ್ಲಿ ಪ್ರಾಧ್ಯಾಪಕರಾಗಿ ಕಾರ್ಯ ನಿರ್ವಹಿಸಿ ನಿವೃತ್ತರಾಗಿದ್ದಾರೆ. ‘ಮುಖವಾಡಗಳು’, ‘ವಠಾರ’, ‘ಮಹಾಪ್ರಸ್ಥಾನ’, ಮುಖಾಮುಖಿ’, ‘ಅವಧ’, ‘ಪಾಪಿಯೂ’ ಕವನ ಸಂಕಲನಗಳು. ತಿರುಮಲೇಶ್ ...
READ MORE
Concept & Creation 
©2025 Book Brahma Private Limited.
1.jpg)
