ಪಾ.ವೆಂ. ಆಚಾರ್ಯರು ಬರೆದ ಹರಟೆಗಳ ಸಂಕಲನ-ಓದುಗರೊಡನೆಯ ಹರಟೆಗಳು. ಶ್ರೀನಿವಾಸ ಹಾವನೂರು ಸಂಪಾದಿಸಿದ್ದಾರೆ. ಇಲ್ಲಿಯ ಪ್ರತಿ ಹರಟೆಯೂ ಸಾಹಿತ್ಯಕ ಅಂಶ-ಗುಣಲಕ್ಷಣಗಳನ್ನು ಹೊಂದಿವೆ. ಈ ಹರಟೆಗಳು ಮನಸ್ಸಿಗೆ ಮುದ ನೀಡುತ್ತವೆ ಅಷ್ಟೇ ಅಲ್ಲ; ಸಮಾಜದ ಓರೆ-ಕೋರೆಗಳನ್ನು ವ್ಯಂಗ್ಯವಾಗಿ ಕಂಡು, ಅದನ್ನು ತಿದ್ದುಕೊಳ್ಳಲೂ ಸಹ ಸೂಚಿಸುವಷ್ಟು ಸಾಮರ್ಥ್ಯ ಪಡೆದಿವೆ.
ಕನ್ನಡ ಕನ್ನಡ ಇದೆಲ್ಲಾವುಂ ಎನ್ನಡ?, ಪಂಪ ಹಾಗೂ ಪಂಪ್, ಶಬ್ದಚ್ಛಟ ಎಂಬ ರೋಗ, ಶೇಕ್ಸ್ಪೀಯರನನ್ನು ಯಾರು ಬರೆದರು?, ಸಕ್ಕರೆ ಗೀತ, ಇಸು ಸಮೃದ್ಧಿ, ಮಂತ್ರಿಗಳು ಮತ್ತು ಅವರ ವಾಕ್ ಸ್ವಾತಂತ್ಯ್ರ ಹೀಗೆ ಒಟ್ಟು ವಿದ್ವತ್ ಪೂರ್ಣವಾದ ಮನಸ್ಸಿಗೆ ಮುದ ನೀಡುವ 25 ಹರಟೆಗಳು ಇಲ್ಲಿ ಸಂಕಲನಗೊಂಡಿವೆ.
ಕನ್ನಡ ಸಾಹಿತ್ಯಸಂಶೋಧನೆ ಮಾಡಲು ಮೊತ್ತಮೊದಲು ಕಂಪ್ಯೂಟರ್‌ ಬಳಸಿದವರು ಡಾ. ಶ್ರೀನಿವಾಸ ಹಾವನೂರರು (1928-2010). ಕನ್ನಡ ಸಾಹಿತ್ಯಕ್ಕೆ ಅವರ ಕೊಡುಗೆ ಅಪಾರವಾದುದು, ವೈವಿಧ್ಯಮಯವಾದುದು. ಸಣ್ಣ ಕಥೆ, ಲಲಿತ ಪ್ರಬಂಧ, ಜೀವನ ಚರಿತ್ರೆ, ಸಾಹಿತ್ಯ, ಸಂಸ್ಕೃತಿ, ಇತಿಹಾಸ ವಿಮರ್ಶೆ ಮೊದಲಾದ ಪ್ರಕಾರಗಳಲ್ಲಿ 60ಕ್ಕೂ ಮಿಕ್ಕಿ ಕೃತಿಗಳನ್ನು ಹೊರತಂದರು. ವಿದೇಶದಲ್ಲಿದ್ದ ಕನ್ನಡ ಸಾಹಿತ್ಯವನ್ನು ಮರಳಿ ತಾಯ್ನಾಡಿಗೆ ಕರೆತಂದರು. ಹೊಸಗನ್ನಡ ಅರುಣೋದಯದ ಸಾಹಿತ್ಯವನ್ನು ಮತ್ತೆ ತೆರೆದು ತೋರಿಸಿದರು, ಹಿಂದೆ ಮುಂಬಯಿಯ ಟಾಟಾ ಮೂಲಭೂತ ವಿಜ್ಞಾನ ಸಂಸ್ಥೆಯ ಗ್ರಂಥಪಾಲಕರಾಗಿದ್ದರು. ಮುಂದೆ ಮಂಗಳೂರು ಮತ್ತು ಮುಂಬಯಿ ವಿ.ವಿ.ಯ ಕನ್ನಡ ಅಧ್ಯಯನ ಸಂಸ್ಥೆಯ ಮುಖ್ಯಸ್ಥರಾದರು. ಆಮೇಲೆ ಪುಣೆಯಲ್ಲಿ ಮರಾಠಿ ಕನ್ನಡ ಸ್ನೇಹ ಸಂವರ್ಧನೆಯಲ್ಲಿ ಪಾತ್ರವಹಿಸಿದರು.. ಕೊನೆಗೆ ಕರ್ನಾಟಕ ಸರಕಾರದ ಸಮಗ್ರ ದಾಸ ಸಾಹಿತ್ಯ ಸಂಪಾದಕರಾಗಿ ೫೦ ಸಂಪುಟಗಳ ಪ್ರಕಟಣೆಯ ನೇತೃತ್ವ ವಹಿಸಿದರು. ಕನ್ನಡದ ನಾಡೋಜರೆಂದು ಹೆಸರಾದರು. ...
READ MORE
Concept & Creation 
©2024 Book Brahma Private Limited.
