ಪಾ.ವೆಂ. ಆಚಾರ್ಯರ ಸಮಗ್ರ ಸಾಹಿತ್ಯ ಸಂಪುಟದ ಭಾಗ-2ರ ಸರಣಿಯಲ್ಲಿ ಆಯ್ದ ನಗೆ ಬರೆಹಗಳು ಶೀರ್ಷಿಕೆಯಡಿ ಚಿಂತಕರಾದ ಶ್ರೀನಿವಾಸ ಹಾವನೂರು ಹಾಗೂ ಪ್ರೊ. ಅ.ರಾ. ಮಿತ್ರ ಅವರು ಸಂಪಾದಿಸಿದ ಕೃತಿ ಇದು. ಪಾ.ವೆಂ. ಆಚಾರ್ಯರು ದೇಶ ವಿದೇಶದ ವಿಸ್ಮಯಕಾರಿ, ಕುತುಹಲಕಾರಿ ಘಟನೆ, ಮಾನವಾಸಕ್ತಿಯ ಅಂಶಗಳ ಬಗ್ಗೆ ನೂರಾರು ಲೇಖನಗಳನ್ನು ಬರೆದಿದ್ದಾರೆ.ಜೊತೆಗೆ ನಗೆ ಬರೆಹಗಳೂ ಇವೆ. ಆ ಪೈಕಿ, ರಾಜಕಾರಣ, ಸಾಮಾಜಿಕ ಸನ್ನಿವೇಶ, ಶಿಕ್ಷಣ ವಲಯ ಹೀಗೆ ಹತ್ತು ಹಲವು ವಲಯದಲ್ಲಿ ನಗೆ ಬರೆಹಗಳನ್ನು ಬರೆದಿರುವುದು ಅವರ ಓದು ಹಾಗೂ ಸಾಮಾಜಿಕ ಸಂಪರ್ಕದ ವೈಶಾಲ್ಯತೆಯನ್ನು ಗುರುತಿಸಬಹುದು. ಈ ಕೃತಿಯಲ್ಲಿ ಬೀದಿಯಲ್ಲಿ ಕಾಮಣ್ಣರು, ಅಮ್ಮಾವ್ರ ಗಂಡಾಯಣ, ಸಾಯಲಿಕ್ಕೆ ಪುರುಷೊತ್ತಾಗಲಿಲ್ಲ, ಮಂಗಾಯಣಂ, ಸೀರೆ ಮತ್ತು ಮಹಾಭಾರತ, ಮದುವೆಯಾದರೂ ಸುಖ ಪಡುವುದು ಹೇಗೆ? ಇಂತಹ ಒಟ್ಟು 17 ನಗೆಬರಹಗಳನ್ನು ಈ ಸಂಕಲನವು ಒಳಗೊಂಡಿದೆ.
ಕನ್ನಡ ಸಾಹಿತ್ಯಸಂಶೋಧನೆ ಮಾಡಲು ಮೊತ್ತಮೊದಲು ಕಂಪ್ಯೂಟರ್‌ ಬಳಸಿದವರು ಡಾ. ಶ್ರೀನಿವಾಸ ಹಾವನೂರರು (1928-2010). ಕನ್ನಡ ಸಾಹಿತ್ಯಕ್ಕೆ ಅವರ ಕೊಡುಗೆ ಅಪಾರವಾದುದು, ವೈವಿಧ್ಯಮಯವಾದುದು. ಸಣ್ಣ ಕಥೆ, ಲಲಿತ ಪ್ರಬಂಧ, ಜೀವನ ಚರಿತ್ರೆ, ಸಾಹಿತ್ಯ, ಸಂಸ್ಕೃತಿ, ಇತಿಹಾಸ ವಿಮರ್ಶೆ ಮೊದಲಾದ ಪ್ರಕಾರಗಳಲ್ಲಿ 60ಕ್ಕೂ ಮಿಕ್ಕಿ ಕೃತಿಗಳನ್ನು ಹೊರತಂದರು. ವಿದೇಶದಲ್ಲಿದ್ದ ಕನ್ನಡ ಸಾಹಿತ್ಯವನ್ನು ಮರಳಿ ತಾಯ್ನಾಡಿಗೆ ಕರೆತಂದರು. ಹೊಸಗನ್ನಡ ಅರುಣೋದಯದ ಸಾಹಿತ್ಯವನ್ನು ಮತ್ತೆ ತೆರೆದು ತೋರಿಸಿದರು, ಹಿಂದೆ ಮುಂಬಯಿಯ ಟಾಟಾ ಮೂಲಭೂತ ವಿಜ್ಞಾನ ಸಂಸ್ಥೆಯ ಗ್ರಂಥಪಾಲಕರಾಗಿದ್ದರು. ಮುಂದೆ ಮಂಗಳೂರು ಮತ್ತು ಮುಂಬಯಿ ವಿ.ವಿ.ಯ ಕನ್ನಡ ಅಧ್ಯಯನ ಸಂಸ್ಥೆಯ ಮುಖ್ಯಸ್ಥರಾದರು. ಆಮೇಲೆ ಪುಣೆಯಲ್ಲಿ ಮರಾಠಿ ಕನ್ನಡ ಸ್ನೇಹ ಸಂವರ್ಧನೆಯಲ್ಲಿ ಪಾತ್ರವಹಿಸಿದರು.. ಕೊನೆಗೆ ಕರ್ನಾಟಕ ಸರಕಾರದ ಸಮಗ್ರ ದಾಸ ಸಾಹಿತ್ಯ ಸಂಪಾದಕರಾಗಿ ೫೦ ಸಂಪುಟಗಳ ಪ್ರಕಟಣೆಯ ನೇತೃತ್ವ ವಹಿಸಿದರು. ಕನ್ನಡದ ನಾಡೋಜರೆಂದು ಹೆಸರಾದರು. ...
READ MORE
Concept & Creation 
©2025 Book Brahma Private Limited.
