ಲೇಖಕ ಪಾ.ವೆಂ. ಆಚಾರ್ಯ ಅವರ ನಾಲ್ಕನೇ ನಗೆ ಬರಹಗಳ ಸಂಗ್ರಹ ’ವಕ್ರ ದೃಷ್ಟಿ’. ಸುಮಾರು ಎರಡೂವರೆ ದಶಕಗಳ ಕಾಲ ’ಕರ್ಮವೀರ’, ’ತುಷಾರ’, ’ಸುಧಾ’, ’ಪ್ರಜಾವಾಣಿ’,’ ’ವಿಜಯವಾಣಿ’ ಹಾಗೂ ’ತರಂಗ’ಗಳಲ್ಲಿ ಪ್ರಕಟಿತ ಹಾಗೂ ಆಕಾಶವಾಣಿಗಳಲ್ಲಿ ಬಿತ್ತರವಾದ ಲಘುಬರಹಗಳ ಸಂಗ್ರಹವಾಗಿದೆ. ಹಾಸ್ಯ ಮೀಮಾಂಸೆ, ನಿಮ್ಮ ಅಲರ್ಜಿ ಯಾವುದು?, ಎಷ್ಟು ಕರ್ನಾಟಕ?, ಭಾವಿ ಜಗತ್ತಿನಲ್ಲಿ ಮಹಿಳೆಯರ ಸ್ಥಾನ, ಕಪ್ಪು ಕಪ್ಪೆಂದೇಕೆ ಬೀಳುಗಳೆವಿರಿ?. ವಾಲ್ಮೀಕಿಯ ಸಂತಾನ, ಮದುವೆಯಾದರೂ ಸುಖ ಹೇಗೆ ಪಡೆಯಬೇಕು, ದೇವತಾ ಚಟಗಳು, ವಾನರಾಯಣ ಸೇರಿದಂತೆ 33 ಲಘು ಬರಹಗಳಿವೆ.
ಲಾಂಗೂಲಾಚಾರ್ಯ ಎಂದು ಖ್ಯಾತರಾಗಿದ್ದ ಪಾಡಿಗಾರು ವೆಂಕಟರಮಣ ಆಚಾರ್‍ಯರು ಜನಿಸಿದ್ದು 1933ರಲ್ಲಿ. ಉಡುಪಿಯವರಾದ ಪಾ.ವೆಂ. ಅವರ ತಂದೆ ಲಕ್ಷ್ಮೀರಮಣಾಚಾರ್ಯ, ತಾಯಿ ಸೀತಮ್ಮ. ಶಿಕ್ಷಣವನ್ನು ಉಡುಪಿಯಲ್ಲಿ ಪಡೆದ ಅವರು ಶಾಲೆಯಲ್ಲಿ ಕಲಿತಿದ್ದು ಕೇವಲ ಮ್ಯಾಟ್ರಿಕ್ ವರೆಗೆ ಮಾತ್ರ. ಮನೆಯ ಆರ್ಥಿಕ ಸ್ಥಿತಿ ಹೆಚ್ಚಿನ ವ್ಯಾಸಂಗಕ್ಕೆ ಅನುವು ಮಾಡಿಕೊಡಲಿಲ್ಲ. ಕೆಲ ಕಾಲ ಅಂಗಡಿ ಹಾಗೂ ಹೊಟೇಲುಗಳಲ್ಲಿ ಗುಮಾಸ್ತರಾಗಿ ಮತ್ತು ಕೆಲವೆಡೆ ಶಿಕ್ಷಕರಾಗಿ ವೃತ್ತಿ ಜೀವನ ನಡೆಸಿದರು. 1937 ರಲ್ಲಿ ಆರಂಭವಾದ ಉಡುಪಿಯ 'ಅಂತರಂಗ' ಪತ್ರಿಕೆಯ ಸಂಪಾದಕ ಮಂಡಳಿಯ ಸದಸ್ಯರಾಗಿ ಪತ್ರಿಕೋದ್ಯಮಕ್ಕೆ ಬಂದ ಪಾವೆಂ ಅವರು 1941ರಲ್ಲಿ 'ಲೋಕ ಶಿಕ್ಷಣ ಟ್ರಸ್ಟ್' ಸೇರಿದರು. ...
READ MORE
Concept & Creation 
©2025 Book Brahma Private Limited.
