ಚಿಂತಕ ಪಾ.ವೆಂ. ಆಚಾರ್ಯರು ಲಾಂಗೂಲಾಚಾರ್ಯ ಎಂಬ ಹೆಸರಿನಿಂದ ಬರೆದ ಹರಟೆಗಳು ಈ ಕೃತಿಯ ಜೀವಾಳ. ಕರ್ಮವೀರ ಸಾಪ್ತಾಹಿಕದಲ್ಲಿ ಓದುಗರೊಡನೆಯ ಹರಟೆಗಳು ಎಂಬ ಸ್ಥಿರ ಶೀರ್ಷಿಕೆಯಡಿ ಬರೆದ ಹರಟೆಗಳನ್ನು ಸಂಗ್ರಹಿಸಿ ಕೊಡಲಾಗಿದೆ. ಇಲ್ಲಿಯ ಬಹುತೇಕ ಲೇಖನಗಳು ಕಸ್ತೂರಿ ಮಾಸ ಪತ್ರಿಕೆಯಲ್ಲೂ ಪ್ರಕಟವಾದಂತಹವು. ಲಾಂಗೂಲಾಚಾರ್ಯರ ಹರಟೆಗಳೇಂದೇ ಇವು ಪ್ರಸಿದ್ಧಿ ಪಡೆದಿವೆ.
ಕೃತಿಯಲ್ಲಿ ಶ್ರೀ ಗಣೇಶಾಯ ನಮಃ, ಸ್ವಲ್ಪ ಅವಿವೇಕವಿರಲಿ, ಸೀರೆ ಮತ್ತು ಮಹಾಭಾರತ, ಬಫೆಲೋಲ್ಯಾಂಡ್, ಪಿಟೀಲು ಬಾರಿಸಿ ಬೆಳೆ ಹೆಚ್ಚಿಸಿರಿ, ಹೆಂಗಸರನ್ನು ಹೇಗೆ ಅರ್ಥ ಮಾಡಿಕೊಳ್ಳಬೇಕು?, ಮಾಸ್ತರರಿಗೆ ಮದುವೆ ಬೇಕು ಇತ್ಯಾದಿ ಹೀಗೆ ಒಟ್ಟು 21 ಹರಟೆಗಳು ಸಂಕಲನಗೊಂಡಿವೆ.
ಲಾಂಗೂಲಾಚಾರ್ಯ ಎಂದು ಖ್ಯಾತರಾಗಿದ್ದ ಪಾಡಿಗಾರು ವೆಂಕಟರಮಣ ಆಚಾರ್ಯರು ಜನಿಸಿದ್ದು 1933ರಲ್ಲಿ. ಉಡುಪಿಯವರಾದ ಪಾ.ವೆಂ. ಅವರ ತಂದೆ ಲಕ್ಷ್ಮೀರಮಣಾಚಾರ್ಯ, ತಾಯಿ ಸೀತಮ್ಮ. ಶಿಕ್ಷಣವನ್ನು ಉಡುಪಿಯಲ್ಲಿ ಪಡೆದ ಅವರು ಶಾಲೆಯಲ್ಲಿ ಕಲಿತಿದ್ದು ಕೇವಲ ಮ್ಯಾಟ್ರಿಕ್ ವರೆಗೆ ಮಾತ್ರ. ಮನೆಯ ಆರ್ಥಿಕ ಸ್ಥಿತಿ ಹೆಚ್ಚಿನ ವ್ಯಾಸಂಗಕ್ಕೆ ಅನುವು ಮಾಡಿಕೊಡಲಿಲ್ಲ. ಕೆಲ ಕಾಲ ಅಂಗಡಿ ಹಾಗೂ ಹೊಟೇಲುಗಳಲ್ಲಿ ಗುಮಾಸ್ತರಾಗಿ ಮತ್ತು ಕೆಲವೆಡೆ ಶಿಕ್ಷಕರಾಗಿ ವೃತ್ತಿ ಜೀವನ ನಡೆಸಿದರು. 1937 ರಲ್ಲಿ ಆರಂಭವಾದ ಉಡುಪಿಯ 'ಅಂತರಂಗ' ಪತ್ರಿಕೆಯ ಸಂಪಾದಕ ಮಂಡಳಿಯ ಸದಸ್ಯರಾಗಿ ಪತ್ರಿಕೋದ್ಯಮಕ್ಕೆ ಬಂದ ಪಾವೆಂ ಅವರು 1941ರಲ್ಲಿ 'ಲೋಕ ಶಿಕ್ಷಣ ಟ್ರಸ್ಟ್' ಸೇರಿದರು. ...
READ MORE
Concept & Creation 
©2025 Book Brahma Private Limited.
