ನಿಮಗೂ ಈ ಅನುಭವವಾಗಿರಬಹುದು: ಕ್ಯೂ ಬದಲಾಯಿಸಿ, ಇನ್ನೊಂದು ಕ್ಯೂಗೆ ನೀವು ಓಡಿದೊಡನೆ ಅದೇ ಉದ್ದವಾಗುತ್ತ ಹೋಗುತ್ತದೆ. ಕಂಪ್ಯೂಟರ್ ಮೆಕ್ಯಾನಿಕ್ ರಿಪೇರಿ ಮಾಡಿ ಆಚೆ ಹೋಗುತ್ತಲೇ ನಿಮ್ಮ ಕಂಪ್ಯೂಟರ್ ಮತ್ತೆ ಕೈಕೊಡುತ್ತದೆ. ಇಡೀ ದಿನ ಆಫೀಸಿನಲ್ಲಿ ಕೂತು ಕತ್ತೆಯಂತೆ ಕೆಲಸಮಾಡಿ ಒಂದೇ ಒಂದು ಸಲ ಆಕಳಿಸುವಾಗಲೇ ನಿಮ್ಮ ಬಾಸ್ ವಕ್ಕರಿಸುತ್ತಾನೆ. ಇಂಥ ಅನುಭವಗಳಿಗೆ ಏನು ಉತ್ತರ ಕೊಡಬೇಕು? ಉತ್ತರವೇ ಇಲ್ಲ. ಏಕೆಂದರೆ ಇದು ಜೀವನ, ಇದು ಬದುಕು. ಇಂಥ ಸಂಗತಿಗಳೆಲ್ಲ ಇದ್ದರೇನೇ ಬದುಕು ಚೆನ್ನ. `ಮರ್ಫಿಲಾ’ ಇಂಥ ಅನುಭವಗಳನ್ನು ಕೆದಕುತ್ತದೆ.
ಜಗತ್ತು ಕೆಲವೊಮ್ಮೆ ಉಲ್ಟಾಪಲ್ಟವಾದರೆ ನಿಮ್ಮನ್ನು ಹಾಸ್ಯಕ್ಕೆ ದೂಡುತ್ತದೆ, ನಿಧಾನವಾಗಿ ನೀವು ತತ್ತ್ವಜ್ಞಾನಿಯಾಗುತ್ತೀರಿ. ಇಲ್ಲಿ ಇನ್ನೊಂದು ಅನುಭವವನ್ನು ನೋಡಿ. `ಎಷ್ಟೇ ತಿಪ್ಪರಲಾಗ ಹಾಕಿದರೂ ನೆಲದಿಂದ ಕೆಳಕ್ಕೆ ನೀವು ಬೀಳುವುದಿಲ್ಲ’. `ನೀವು ಸ್ನಾನ ಮಾಡುವಾಗಲೇ ನಿಮ್ಮ ಟೆಲಿಫೋನ್ ರಿಂಗಾಗುತ್ತದೆ’. ಇದಕ್ಕೆ ಏನನ್ನುವಿರಿ? ಇಂಥ ಹತ್ತಾರು ಪ್ರಸಂಗಗಳನ್ನು ಈ ಪುಸ್ತಕದಲ್ಲಿ ಓದಿ ನೀವು ನಕ್ಕುಬಿಡಿ.
ಭೂ ವಿಜ್ಞಾನಿ, ಸಂಶೋಧಕ, ಅಂಕಣಕಾರ, ವಿಜ್ಞಾನ ಲೇಖಕ ಟಿ.ಆರ್. ಅನಂತರಾಮು ಅವರು ಜನಿಸಿದ್ದು 1949 ಆಗಸ್ಟ್ 3ರಂದು ತುಮಕೂರು ಜಿಲ್ಲೆ ಶಿರಾ ತಾಲ್ಲೂಕಿನ ತಾಳಗುಂದದಲ್ಲಿ.ತಾಳಗುಂದ ರಾಮಣ್ಣ ಅನಂತರಾಮು ಅವರ ಪೂರ್ಣ ಹೆಸರು. ಸಿರಾದ ಸರ್ಕಾರಿ ಮಾಧ್ಯಮಿಕ ಶಾಲೆಯಲ್ಲಿ ಮಾಧ್ಯಮಿಕ ಶಿಕ್ಷಣ ಪೂರ್ಣಗೊಳಿಸಿದ ಅವರು ಸಿರಾದ ಮುನಿಸಿಪಲ್ ಹೈಸ್ಕೂಲಿನಲ್ಲಿ ಪ್ರೌಢಶಿಕ್ಷಣ ಪೂರ್ಣಗೊಳಿಸಿದ್ದಾರೆ. ಆನಂತರ ತುಮಕೂರಿನ ಸರ್ಕಾರಿ ಕಾಲೇಜಿನಲ್ಲಿ ಪದವಿ, ಮೈಸೂರು ವಿಶ್ವವಿದ್ಯಾಲಯದಲ್ಲಿ ಎಂ.ಎನ್ಸಿ(ಜಿಯಾಲಜಿ) ಪದವಿ ಪಡೆದಿದ್ದಾರೆ. ಭೂ ವಿಜ್ಞಾನ ವಿಷಯದಲ್ಲಿ ಪದವಿ ಪಡೆದ ನಂತನ ಬೆಂಗಳೂರಿನ ಸರ್ಕಾರಿ ವಿಜ್ಞಾನ ಕಾಲೇಜಿನಲ್ಲಿ ಪ್ರಾಧ್ಯಾಪಕರಾಗಿ, ರಾಜ್ಯದ ನಾನಾ ಕಾಲೇಜುಗಳಲ್ಲಿ ಅಧ್ಯಾಪಕರಾಗಿ ಕೆಲಸ ಮಾಡಿದ್ದಾರೆ. ...
READ MORE
Concept & Creation 
©2025 Book Brahma Private Limited.
