‘ಆಕಸ್ಮಿಕ ಆವಿಷ್ಕಾರಗಳು’ ಎ.ಓ.ಆವಲ ಮೂರ್ತಿಯವರ ಕೃತಿಯಾಗಿದೆ. ಇದಕ್ಕೆ ಲೇಖಕರ ಬೆನ್ನುಡಿ ಬರಹವಿದೆ; ಬೆಂಕಿ ಕಡ್ಡಿ, ವ್ಯಾಸಲೀನ್, ವೆಲ್ಲೊ, ಚೂಯಿಂಗ್ ಗಮ್, ಸೇಫ್ಟಿ ಪಿನ್, ಐಸ್ ಕ್ರೀಂ ಕೋನ್, ಪೆನಿಸಿಲಿನ್ ಮುಂತಾದ ಆವಿಷ್ಕಾರಗಳು ನಮ್ಮ ಬದುಕನ್ನು ಸುಲಭಗೊಳಿಸಿವೆ, ಹೆಚ್ಚು ಸಹ್ಯಗೊಳಿಸಿವೆ ಮತ್ತು ಆನಂದಮಯವಾಗಿಸಿವೆ. ಆಶ್ಚರ್ಯವೆಂದರೆ ಈ ಚತುರ ಉಪಜ್ಞೆಗಳೆಲ್ಲ ಉದ್ದೇಶಪೂರ್ವಕವಾಗಿ, ಪುನಃ ಪುನಃ ಪ್ರಯತ್ನಿಸಿ, ಕಂಡುಹಿಡಿದವುಗಳಲ್ಲ. ಇವುಗಳೆಲ್ಲ ಏನನ್ನೋ ಕಂಡುಹಿಡಿಯಲು ಹೋಗಿ, ಆಕಸ್ಮಿಕವಾಗಿ ಮತ್ತೇನೋ ಉಪಯುಕ್ತವಾದದ್ದನ್ನು ಕಂಡುಹಿಡಿದದ್ದರ ಫಲವಾಗಿವೆ-ಅದೃಷ್ಟದ ಝಲಕ್ಕೇನೋ ಎಂಬಂತೆ! ಖಚಿತ ದಾರಿಯಲ್ಲಿ ನಡೆಯುವ ವಿಜ್ಞಾನದ ಅನ್ವೇಷಣೆಯಲ್ಲಿ ಅದೃಷ್ಟದಂಥ ಅತೀಂದ್ರಿಯ ಪರಿಕಲ್ಪನೆಗೆ ಯಾವುದಾದರೂ ಸ್ಥಾನವಿದೆಯೆ? ಕೇವಲ ಅದೃಷ್ಟದಿಂದಲೇ ಮಹತ್ತರವಾದದ್ದನ್ನು ಕಂಡು ಹಿಡಿಯುವುದು ಸಾಧ್ಯವೆ? ಮೇಲ್ನೋಟಕ್ಕೆ ಆವೈಜ್ಞಾನಿಕ ರೀತಿಯಲ್ಲಾದ ಈ ವೈಜ್ಞಾನಿಕ ಅನ್ವೇಷಣೆಗಳನ್ನು ವಿವರಿಸುವುದು ಹೇಗೆ? ವಿಜ್ಞಾನಿಗಳ ಮತ್ತು ವಿಜ್ಞಾನದ ಇತಿಹಾಸಕಾರರ ಕುತೂಹಲವನ್ನು ಸಮನಾಗಿ ಕೆರಳಿಸಿರುವ, ವಿಜ್ಞಾನದ ಅಡಿಗಲ್ಲುಗಳನ್ನೇ ಅಲ್ಲಾಡಿಸಿ ಮಾನವ ಕೋಟಿಯ ಬದುಕನ್ನೆ ಬದಲಿಸಿರುವ ಈ ಆಕಸ್ಮಿಕ ಪತ್ತೆಗಳ ಹಿಂದಿನ ತಾಕತ್ತು ಅಡಗಿರುವುದೆಲ್ಲಿ ? ಓದುಗರ ಕುತೂಹಲವನ್ನು ಕೆರಳಿಸಬಲ್ಲ ಇಂಥ 50 ಆಕಸ್ಮಿಕ ಆವಿಷ್ಕಾರಗಳನ್ನು ಇಲ್ಲಿ ಪರಿಚಯಿಸಲಾಗಿದೆ ಎಂಬುವುದನ್ನು ಈ ಪುಸ್ತಕದಲ್ಲಿ ಉಲ್ಲೇಖಿಸಲಾಗಿದೆ.
ಎ.ಓ. ಆವಲಮೂರ್ತಿ ಅವರು ಭೌತ ವಿಜ್ಞಾನದ ವಿಶ್ರಾಂತ ಅಧ್ಯಾಪಕರು. ಕಳೆದ ಕೆಲವು ವರ್ಷಗಳಿಂದ ಮಕ್ಕಳ ಪರಿಪೂರ್ಣ ಬೆಳವಣಿಗೆಗೆ ಶಿಕ್ಷಕರು, ಪೋಷಕರು ಮತ್ತು ಮಕ್ಕಳು ಏನು ಮಾಡಬೇಕು ಎಂಬುದನ್ನು ಕುರಿತು ಚಿಂತನೆ, ಅಧ್ಯಯನ, ಪ್ರಯೋಗಗಳು ಮತ್ತು ಬರವಣಿಗೆ ಮಾಡುವ ಕಾಯಕದಲ್ಲಿ ನಿರತರಾಗಿದ್ದಾರೆ. ಹಲವು ಜನಪ್ರಿಯ ವಿಜ್ಞಾನ ಪುಸ್ತಕಗಳನ್ನು ಬರೆದಿದ್ದಾರೆ. ಜನಪ್ರಿಯ ವಿಜ್ಞಾನ ಸಾಹಿತ್ಯವನ್ನು ಕುರಿತೇ ಸಂಶೋಧನ ಪ್ರಬಂಧವನ್ನು ಬರೆದು ಬೆಂಗಳೂರು ವಿಶ್ವವಿದ್ಯಾಲಯದಿಂದ ಡಾಕ್ಟರೇಟ್ ಪದವಿ ಪಡೆದಿದ್ದಾರೆ. ಅಲ್ಲದೆ ಮಕ್ಕಳ ಶಿಕ್ಷಣಕ್ಕೆ ಸಂಬಂಧಿಸಿದಂತೆಯೂ ಅನೇಕ ಕೃತಿಗಳನ್ನು ರಚಿಸಿದ್ದಾರೆ. ಇವೆಲ್ಲದರ ಮುಂದುವರಿದ ಭಾಗವಾಗಿ, ಇಂದಿನ ಶಿಕ್ಷಣದಲ್ಲಿ ಇರುವ ಚಿಂತನಶೀಲತೆಯನ್ನು ಮೈಗೂಡಿಸುವುದನ್ನೇ ಪ್ರಮುಖ ...
READ MORE
Concept & Creation 
©2024 Book Brahma Private Limited.
