‘ಸುಂದರಕಾಂಡ ಸುಂದರ’ ಕೆ.ಜಿ ರಾಘವನ್ ಅವರ ಇಂಗ್ಲಿಷ್ ಕೃತಿಯನ್ನು ಕನ್ನಡಕ್ಕೆ ಎಂ.ಸಿ. ಪ್ರಕಾಶ್ ಅವರು ಅನುವಾದ ಮಾಡಿದ್ದಾರೆ. ಇದಕ್ಕೆ ಲೇಖಕರ ಬೆನ್ನುಡಿ ಬೆಹವಿದೆ: ಪ್ರವೃತ್ತಿಯಿಂದ ಕಾನೂನುತಜ್ಣರಾದ ಶ್ರೀ ರಾಘವನ್ ಅವರು ಪ್ರವೃತ್ತಿಯಿಂದ ರಾಮಾಯಣವಾಚಕರು, ಅದರ ಉಪಾಸಕರು ಮತ್ತು ರಾಮಾಯಣದ ಸಂದೇಶ ಇಂದಿನ ಜನರಿಗೆ ತಲುಪಬೇಕೆಂಬ ಹಂಬಲವುಳ್ಳವರು, ಅದಕ್ಕಾಗಿ ತಮ್ಮ ತನು-ಮನ-ಧನಗಳನ್ನು ಅರ್ಪಿಸಿಕೊಂಡರು. ಹಲವು ವರ್ಷಗಳಿಂದ ರಾಮಾಯಣದ ಮೇಲೆ ಉಪನ್ಯಾಸಗಳನ್ನು ನೀಡುತ್ತಾ ಬಂದಿದ್ದಾರೆ ಎಂಬುವುದನ್ನು ನಾನು ಕೇಳಿ ತಿಳಿದಿದ್ದೇನೆ, ಅದಕ್ಕಾಗಿ ಅವರನ್ನು ಮೆಚ್ಚಿದ್ದೇನೆ. ಮೂಲ ‘ವಾಲ್ಮಿಕಿ ರಾಮಾಯಣ’ವಲ್ಲದೆ, ‘ಆಧ್ಯಾತ್ಮ ರಾಮಾಯಣ’. ‘ತುಲಸೀ ರಾಮಾಯಣ’, ಶ್ರೀ ರಾಮಾಯಣ ದರ್ಶನಂ’ ಮತ್ತಿತರ ರಾಮಾಯಣಾಧಾರಿತ ಕಾವ್ಯಗಳನ್ನು ಯಥಾಶಕ್ತಿ ಅಧ್ಯಯನ ಮಾಡಿದ್ದಾರೆ. ಅವುಗಳ ಆಧಾರದ ಮೇಲೆ ರಾಮಾಯಣದ ತಮ್ಮ ಓದನ್ನು ಬೆಳೆಸಿಕೊಂಡಿದ್ದಾರೆ. ಅದನ್ನು ಉತ್ಸಾಹ, ಉಲ್ಲಾಸ, ಭಕ್ತಿಗಳಿಂದ ಜನರೊಂದಿಗೆ ಹಂಚಿಕೊಳ್ಳುತ್ತಾರೆ. ಒಬ್ಬ ಹನುಮಂತನ ಪಾತ್ರವೆಂದರೆ ಅವರಿಗೆ ಆತನ ಹೆಸರಿನ ಮೂಲ, ಆತನ ಹುಟ್ಟಿನ ಮೂಲ, ಆತನ ಶಕ್ತಿಯ ಮೂಲ ಇವುಗಳನ್ನು ಅರಿಯುವ ಸಂಶೋಧಕನ ತಣಿಯದ ಕುತೂಹಲ ಎಂಬುವುದನ್ನು ಈ ಪುಸ್ತಕದಲ್ಲಿ ನೋಡಬಹುದು.
ಲೇಖಕ ಎಂ.ಸಿ, ಪ್ರಕಾಶ್ ಅವರು ಮೈಸೂರಿನ ಮಹಾರಾಜ ಕಾಲೇಜು ಮತ್ತು ಮಾನಸ ಗಂಗೋತ್ರಿಗಳಲ್ಲಿ ಬಿ.ಎ. ಮತ್ತು ಇಂಗ್ಲಿಷ್ ಎಂ.ಎ. ಪದವಿ ಪಡೆದಿದ್ದಾರೆ. ಬೆಂಗಳೂರು ವಿಶ್ವವಿದ್ಯಾನಿಲಯದಿಂದ 'ದಿ ಥಿಯರಿ ಆಫ್ ದಿ ಅಬ್ಬರ್ಡ್ ಇನ್ ವೆಸ್ಟರ್ನ್ ಲಿಟರೇಚರ್ ಆಂಡ್ ಇಟ್ಸ್ ಇನ್ ಫ್ಲುಯೆನ್ಸ್ ಆನ್ ಕನ್ನಡ ಲಿಟರೇಚರ್'’ ವಿಷಯದ ಮೇಲೆ ಬರೆದ ಪ್ರೌಢ ಪ್ರಬಂಧಕ್ಕೆ ಡಾಕ್ಟರೇಟ್ ಪದವಿ, ಬೆಂಗಳೂರಿನ ವಿದ್ಯಾ ವರ್ಧಕ ಸಂಸ್ಥೆಯ ಪ್ರಥಮ ದರ್ಜೆ ಕಾಲೇಜಿನಲ್ಲಿ 37 ವರ್ಷಗಳು ಇಂಗ್ಲಿಷ್ ಅಧ್ಯಾಪಕರಾಗಿ ಸೇವೆಸಲ್ಲಿಸಿದ್ದಾರೆ. ಸಾಹಿತ್ಯಕ್ಕೆ ಸಂಬಂಧಿಸಿದಂತೆ ಅನುವಾದದಲ್ಲಿ ಹೆಚ್ಚು ತೊಡಗಿಕೊಂಡಿದ್ದಾರೆ. ನರಸಿಂಹಸ್ವಾಮಿಯವರ 50 ಹಾಗೂ 25 ಕವನಗಳ ಅನುವಾದಗಳನ್ನೊಳಗೊಂಡ 'ಬ್ರೆಡ್ ಕಮ್ಸ್ ಹೋಂ' ಮತ್ತು 'ಸಾಂಗ್ ...
READ MORE
Concept & Creation 
©2025 Book Brahma Private Limited.
