‘ಕಡಲು ಮತ್ತು ದಡ’ ನಾಗ ಐತಾಳರ ಸಂಸ್ಮರಣ ಗ್ರಂಥ. ಈ ಮಹತ್ವದ ಕೃತಿಯನ್ನು ಮೈ.ಶ್ರೀ. ನಟರಾಜ, ನಳಿನಿ ಮೈಸೂರು, ಪಿ.ಚಂದ್ರಿಕಾ ಅವರು ಸಂಪಾದಿಸಿದ್ದಾರೆ. ಇದಕ್ಕೆ ಲಕ್ಷ್ಮೀಶ ತೋಲ್ಪಾಡಿಯವರು ಬೆನ್ನುಡಿ ಬರೆದಿದ್ದು 'ಕಡಲೆಂದರೆ ಹತ್ತು ಮಕ್ಕಳ ತಾಯಿಯಲ್ಲವೆ! ಹೌದು. ನಾಗ ಐತಾಳರ ಕೋಟದಲ್ಲಿ 'ಹತ್ತು ಮಕ್ಕಳ ತಾಯಿ' ಎಂಬ ಹೆಸರಿನ ದೇವಸ್ಥಾನವಿದೆ. ಐತಾಳರ ಕುಟುಂಬದ ಎಲ್ಲರೂ ಈ ತಾಯಿಗೆ ನಡೆದುಕೊಳ್ಳುವರು. ಈ ತಾಯಿಯ ಎಲ್ಲ ಮಕ್ಕಳು ಸೇರಬಯಸುವ ದಡವೆಂದರೆ ಅದು ಅಮೆರಿಕಾ! ಐತಾಳರೂ ಸೇರಿಕೊಂಡರು ಈ ದಡವನ್ನು ಪಡುಗಡಲೇ ಹಿಂದೆತ್ತಿ ಬಿಸುಟಂತೆ ಪಶ್ಚಿಮದ ಈ ದಡಕ್ಕೆ ಈ ಮಗುವನ್ನು - ಏನು ಹೇಳಲಿ ನಾನು, ಪಶ್ಚಿಮದ ಭೋರ್ಗರೆತ! ಎಲ್ಲ ಹೆದ್ದೆರೆಗಳೇ ಇಲ್ಲಿ. ವಿದ್ಯೆ, ವಿಜ್ಞಾನ, ಸಂಪತ್ತು, ಸಾಹಸ, ಸಂಬಂಧಗಳ ಹೊಸ ಹಾಸು, ಹೊಸ ಹೊಕ್ಕು, ಹೊಸ ಜಾಲ, ಹೊಸ ವ್ಯೂಹ, ಹೊಸ ಸುಳಿ! ಹೊಸ ಝಣತ್ಕಾರ! ಎಲ್ಲ ನಿಜ, ಎಲ್ಲ ವಸ್ತುಸ್ಥಿತಿ, ವಸ್ತುಸ್ತುತಿ! ಆದರೆ ಐತಾರಳರ ಒಳಗೊಂದು ಎಳೆಜೀವ ನೆನೆಯುತ್ತಲೇ ಇತ್ತು ಹತ್ತು ಮಕ್ಕಳ ತಾಯಿಯನ್ನು! ನೆನೆದಂತೆ ತಬ್ಬಲಿಯಾಗಿ ತಟಸ್ಥವಾಗುತ್ತಿತ್ತು! ಅವರು ಕನ್ನಡಕ್ಕಾಗಿ ಮಾಡಿದ ಎಲ್ಲ ಕೈಂಕರ್ಯವೂ ಕೋಟದ ಕಡಲ ಮೊರೆತ ಮರಳಿ ಕೇಳುವ ಹಂಬಲದಿಂದ ಮಾಡಿದವು ಎಂಬುವುದನ್ನು ಈ ಪುಸ್ತಕದಲ್ಲಿ ಉಲ್ಲೇಖಿಸಲಾಗಿದೆ ಎಂದಿದ್ದಾರೆ.
ಮೈ.ಶ್ರೀ. ನಟರಾಜ-ಹುಟ್ಟೂರು ಹಾಸನ, ಅರವತ್ತರ ದಶಕದ ಕೊನೆಯಲ್ಲಿ ಅಮೆರಿಕೆಗೆ ತೆರಳಿ, ಅಮೆರಿಕದ ಅಣುಶಕ್ತಿ ನಿಯಂತ್ರಣ ಆಯೋಗದಲ್ಲಿ ರಾಕ್ ಮೆಕ್ಯಾನಿಕ್ಸ್ ವಿಭಾಗಾಧಿಕಾರಿ ಮತ್ತಿತರ ಜವಾಬ್ದಾರಿಗಳೊಂದಿಗೆ ಸೇವೆ ಸಲ್ಲಿಸಿ ನಿವೃತ್ತರಾಗಿ ಮೇರೀಲ್ಯಾಂಡಿನಲ್ಲಿ ಪತ್ನಿ ಗೀತಾರೊಂದಿಗೆ ವಾಸವಿದ್ದಾರೆ. ನಾನೂ ಅಮೆರಿಕನ್ ಆಗಿಬಿಟ್ಟೆ, ಮಧುಚಂದ್ರ, ಸಿರಿಕೇಂದ್ರ (ಕವನ ಸಂಕಲನ), ಮೀನಿನ ಹೆಜ್ಜೆ, ಮತ್ತು ನೇಣು, ಪರದೇಶಿಗಳ ಪಾರ್ಟಿ ಮತ್ತು ಇತರ ಮೂರು ನಾಟಕಗಳು. ಮತ್ತು ಐ ಆ್ಯಮ್ ಬ್ರಾಹ್ಮಣ್ (ನಾಟಕಗಳು), ಜಾಲತರಂಗ, ಮತ್ತು ಜಾಲತರಂಗಿಣಿ (ಅಂಕಣ ಬರಹಗಳು) , ಮಾಯಾವಿ ಸರೋವರ (ಅನುವಾದಿತ ನಾಟಕ) The void and the womb (ಬಯಲು-ಬಸಿರು) ...
READ MORE
Concept & Creation 
©2024 Book Brahma Private Limited.
.jpg)
