`ಕುಮಾರವ್ಯಾಸ ಭಾರತ ಓದು' ಇದು ಸಿ ಪಿ ನಾಗರಾಜ ಅವರ ಕೃತಿಯಾಗಿದ್ದು, ವ್ಯಾಸಭಾರತಕ್ಕೂ ವಿಭಿನ್ನವಾದ ಕುಮಾರವ್ಯಾಸ ಭಾರತದ ವಿರಾಟಪರ್ವದ ಎರಡು ಪ್ರಸಂಗಗಳನ್ನು ಓದುಗರಿಗೆ ನಾಟಕರೂಪದಲ್ಲಿ ಜೋಡಿಸಿಕೊಟ್ಟಿರುವ ಈ ಕೃತಿಯಲ್ಲಿ 'ಮೂಲ ಪಠ್ಯದ ನಾಟಕ ರೂಪ, ಪದವಿಂಗಡಣೆ ಮತ್ತು ತಿರುಳು ಜತೆಗೂಡಿದೆ. ಪಂಪ, ರನ್ನ. ಜನ್ನ, ರಾಘವಾಂಕ, ಕನಕದಾಸ, ಲಕ್ಷ್ಮೀಶ, ಕುಮಾರವ್ಯಾಸ ಮುಂತಾದ ಮಹಾಕವಿಗಳ ಸೃಜನಶೀಲ ಸಂಕಥನಗಳನ್ನು ನಮ್ಮ ಕಾಲದಲ್ಲಿಯೂ ಮೂಲರೂಪದಲ್ಲಿಯೇ ಓದಲು ಮತ್ತು ಅರ್ಥಮಾಡಿಕೊಳ್ಳಲು ನೆರವಾಗುವ ಇಂತಹ ಬರಹಗಳ ಪುಟಗಳು ಹೆಚ್ಚಾದರೂ ಓದುಗರಿಗೆ ಮತ್ತು ರಂಗಕರ್ಮಿಗಳಿಗೆ ತುಂಬಾ ಉಪಯುಕ್ತವಾಗಿದೆ. ಈ ಕೃತಿಯು ಸಿ. ಪಿ. ನಾಗರಾಜ ಅವರು ಕನ್ನಡ ರಂಗಭೂಮಿಗೆ ನೀಡಿರುವ ಒಂದು ಒಳ್ಳೆಯ ಕೊಡುಗೆ.
ಬರಹಗಾರ ಸಿ.ಪಿ ನಾಗರಾಜು ಅವರು 1945ರಲ್ಲಿ ಪುಟ್ಟೇಗೌಡ-ಲಕ್ಷ್ಮೀ ದೇವಮ್ಮ ದಂಪತಿಯ ಮಗನಾಗಿ ಜನಿಸಿದರು. ಎಂ.ಎ, ಪಿಎಚ್.ಡಿ ವ್ಯಾಸಂಗ ಮಾಡಿ ಸ್ತುತ ಮಹಾರಾಣಿ ಲಕ್ಷ್ಮಿ ಅಮ್ಮಣ್ಣಿ ಕಾಲೇಜಿನಲ್ಲಿ ಕನ್ನಡ ಉಪನ್ಯಾಸಕರಾಗಿ ಸೇವೆ ಸಲ್ಲಿಸುತ್ತಿದ್ದಾರೆ. ಮುದ್ರಿತ ನಾಟಕ ಕೃತಿಗಳು: ಭಾಗೀರಥಿ, ಅಂಬೆ, ಹಾವು, ಅಂಗಿಬಟ್ಟೆ, ಒಂದು ರೂಪಾಯಿ, ಕಳ್ಳರಿದ್ದಾರೆ ಎಚ್ಚರಿಕೆ, ಹೆಣದ ಹಣ, ಮೂರು ಸಾಮಾಜಿಕ ನಾಟಕಗಳು. ಮುದ್ರಿತ ಗದ್ಯ ಕೃತಿಗಳು: ಕರಿಯನ ಪುರಾಣ, ಕನಕನ ಅವ್ವ, ಹಳ್ಳಿಗಾಡಿನ ರೂವಾರಿ, ಡಾ.ಬಂದೀಗೌಡ, ಆಣೆ ಪ್ರಮಾಣಗಳು, ಬಯ್ಗುಳ, ಸರ್ವಜ್ಞ ವಚನಗಳ ಓದು, ಅಲ್ಲಮ ವಚನಗಳ ಓದು, ಶಿವಶರಣೆಯರ ವಚನಗಳ ಓದು, ಶಿವಶರಣರ ವಚನಗಳ ಓದು, ಬಸವಣ್ಣನ ...
READ MORE
Concept & Creation 
©2024 Book Brahma Private Limited.
