ಶೆಕ್ಸ್ ಪಿಯರನ ಪ್ರಸಿದ್ಧ ನಾಟಕಗಳ ಪೈಕಿ ‘ದಿ ಮರ್ಚೆಂಟ್ಸ್ ಆಫ್ ವೆನಿಸ್ ಒಂದು. ‘ವೆನಿಸ್ ನ ವರ್ತಕ’ ಎಂಬ ಶೀರ್ಷಿಕೆಯಡಿ ಪ್ರೊ. ಎಲ್.ಎಸ್. ಶೇಷಗಿರಿರಾವ್ ಅವರ ಈ ನಾಟಕದ ಸಣ್ಣ ವೃತ್ತಾಂತ ಎಂಬಂತೆ ಮಕ್ಕಳಿಗೂ ತಿಳಿಯುವ ಹಾಗೆ ಸರಳ ಭಾಷೆಯಲ್ಲಿ ರಚಿಸಿದ್ದಾರೆ. ರೋಮ್ಯಾಂಟಿಕ್ ಕಾಮಿಡಿಯ ನಾಟಕವಿದು. ಇಟಲಿಯ ಶ್ರೀಮಂತ ಆಂಟೊನಿಯೋ ಹಾಗೂ ಶ್ರೀಮಂತ ಯಹೂದಿಗಳಾದ ಷೈಲಾಕ್ ಹಾಗೂ ಫೋರ್ಷಿಯಾ ಹೀಗೆ ಮೂವರ ಮಧ್ಯೆ ನಡೆಯುವ ಚಟುವಟಿಕೆಯು ಈ ನಾಟಕದ ವಸ್ತು. ಷೈಲ್ಯಾಕ್ ಸಾಲಗಾರ. ಆಂಟೋನಿಯೋ ನಿಂದ ಷೈಲ್ಯಾಕ್ ಸಾಲ ಪಡೆಯುತ್ತಾನೆ. ನಿಗದಿತ ಸಮಯದಲ್ಲಿ ಸಾಲ ಹಿಂತಿರುಗಿಸದಿದ್ದರೆ ತನ್ನ ದೇಹದ ಒಂದು ಅಂಗದ ಒಂದು ಪೌಂಡ್ ಮಾಂಸವನ್ನು ಕೊಡಬೇಕೆಂದು ಷರತ್ತು ಆಗಿರುತ್ತದೆ. ಆದರೆ, ಬುದ್ದಿವಂತಳಾದ ಫೋರ್ಷಿಯಾ ಷೈಲ್ಯಾಕ್ ನೆರವಿಗೆ ಬರುತ್ತಾಳೆ. ಸ್ವತಃ ಮಕ್ಕಳು, ಓದಬಹುದು. ಪಾಲಕರು ಓದಿ ಮಕ್ಕಳಿಗೆ ಹೇಳಬಹುದು. ಶಿಕ್ಷಕರು ಈ ಕೃತಿಯನ್ನು ಓದಿ ಸರಳವಾಗಿ ಮಕ್ಕಳಿಗೆ ತಿಳಿ ಹೇಳಬಹುದು. ಪ್ರಸಿದ್ಧ ನಾಟಕವೊಂದರ ಸರಳ ನಿರೂಪಣೆಯು ಈ ಕೃತಿಯ ವೈಶಿಷ್ಟ್ಯ.
ಇಂಗ್ಲಿಷ್ ಪ್ರಾಧ್ಯಾಪಕರಾಗಿದ್ದ ಎಲ್.ಎಸ್. ಶೇಷಗಿರಿರಾವ್ ಅವರು ಪ್ರಬುದ್ಧ ವಿಮರ್ಶಕರೆಂದೇ ಖ್ಯಾತರು. ತಂದೆ ಸ್ವಾಮಿರಾವ್- ತಾಯಿ ಕಮಲಾಬಾಯಿ. 1925ರ ಫೆಬ್ರುವರಿ 16ರಂದು ಜನಿಸಿದರು. ಬೆಂಗಳೂರು ಮೈಸೂರುಗಳಲ್ಲಿ ವಿದ್ಯಾಭ್ಯಾಸ ಮಾಡಿದ ಇವರು ನಾಗಪುರ ವಿ.ವಿ.ಯಲ್ಲಿ ಇಂಗ್ಲಿಷ್ ಎಂ.ಎ. ಪದವೀಧರರಾದರು. ಕಾಲೇಜು ಶಿಕ್ಷಣ ಇಲಾಖೆಗೆ ಸೇರಿ ಕೋಲಾರ, ಮಡಿಕೇರಿ, ಬೆಂಗಳೂರುಗಳಲ್ಲಿ ಕಾಲೇಜು ಅಧ್ಯಾಪಕರಾಗಿ ಕೊನೆಯಲ್ಲಿ ಕೆಲವುಕಾಲ ಬೆಂಗಳೂರು ವಿಶ್ವವಿದ್ಯಾಲಯದಲ್ಲಿ ಸೇವೆ ಸಲ್ಲಿಸಿ ನಿವೃತ್ತರಾದರು. 1947-50ರಲ್ಲಿ ಕನ್ನಡ ಸಾಹಿತ್ಯ ಪರಿಷತ್ತಿನ ಗೌರವ ಕಾರ್ಯದರ್ಶಿಗಳಾಗಿ ಬಿ.ಎಂ.ಶ್ರೀ ಸ್ಮಾರಕ ಪ್ರತಿಷ್ಠಾನದ ಅಧ್ಯಕ್ಷರಾಗಿ ಕನ್ನಡ ಪುಸ್ತಕ ಪ್ರಾಧಿಕಾರದ ಪ್ರಥಮ ಅಧ್ಯಕ್ಷರಾಗಿ ಕೆಲಸ ಮಾಡಿದ್ದಾರೆ. ಕೇಂದ್ರ ಸಾಹಿತ್ಯ ಅಕಾಡೆಮಿ ...
READ MORE
Concept & Creation 
©2025 Book Brahma Private Limited.
.jpg)
