ಲೇಖಕ ಜಿ.ಎಂ. ಕೃಷ್ಣಮೂರ್ತಿ ಅವರು ಶೇಕ್ಸ್ ಪಿಯರನ ನಾಟಕದ ಸಾರ ಸಂಗ್ರಹ ಕೃತಿ ಅಥೆನ್ಸ್ ನ ಟೈಮನ್. ಶೇಕ್ಸ್ ಪಿಯರ್ ನ ಮಕ್ಕಳ ಕಥಾಲೋಕ ಸರಣಿಯಡಿ ಪ್ರಕಟಿಸಲಾಗಿದೆ. ಮಕ್ಕಳಿಗೆ ತಿಳಿಯುವ ರೀತಿಯಲ್ಲಿ ಇಡೀ ನಾಟಕದ ಸಾರವನ್ನು ಸಂಗ್ರಹಿಸಿ ಬರೆದ ನಾಟಕ ಕೃತಿ ಇದು. ಟೈಮನ್ ಎಂಬ ಅಥೆನ್ಸ್ ನ ಶ್ರೀಮಂತ ವ್ಯಕ್ತಿಯ ಕಥೆ ಇದು. ತನ್ನ ಗೆಳೆಯರೊಂದಿಗೆ ಸೇರಿಕೊಂಡು ದುಂದು ವೆಚ್ಚದಲ್ಲಿ ತೊಡಗಿರುತ್ತಿದ್ದ ಈತನಿಗೆ ಮುಂದೆ ಸಂಪತ್ತು ಕರಗಿ ಹೋಗುತ್ತದೆ. ಆಗ ಗೆಳೆಯರಲ್ಲಿ ನೆರವು ಕೇಳುತ್ತಾನೆ. ಯಾವ ಗೆಳೆಯರು ಮುಂದೆ ಬಂದು ಸಹಾಯ ಮಾಡುವುದಿಲ್ಲ. ಆಗ ಆತನಿಗೆ ಅರಿವು ಆಗುತ್ತದೆ. ಮನುಷ್ಯರ ಬಗ್ಗೆ ಆತನಲ್ಲಿ ದ್ವೇಷ ಹುಟ್ಟುತ್ತದೆ ಮತ್ತು ಎಲ್ಲರಿಂದಲೂ ದೂರ ಇರಲು ಬಯಸುತ್ತಾನೆ ಎಂಬುದು ಈ ನಾಟಕದ ವಸ್ತು. ಈ ನಾಟಕದಲ್ಲಿ ಬದುಕಿನ ವಿವಿಧ ಆಯಾಮಗಳನ್ನು ತಿಳಿಯಪಡಿಸಲಾಗಿದೆ. ಮಕ್ಕಳು ಮಾತ್ರವಲ್ಲ; ದೊಡ್ಡವರಿಗೂ ಈ ನಾಟಕದಲ್ಲಿ ಸಂದೇಶವಿದೆ.
ಜಿ.ಎಂ. ಕೃಷ್ಣಮೂರ್ತಿ ಅವರು ಹಿರಿಯ ಲೇಖಕರು, ಅನುವಾದಕರು ಹಾಗೂ ವಿಮರ್ಶಕರು ಆಗಿದ್ದಾರೆ. ಮಹಾಭಾರತದ ಪ್ರಸಿದ್ಧ ಪಾತ್ರಗಳಾದ, ಪಿತಾಮಹ ಭೀಷ್ಮ, ಬಲ ಭೀಮಸೇನ, ಛಲಗಾರ ದುರ್‍ಯೋಧನ, ವೀರ ಅರ್ಜುನ, ಪಾಂಡವ ಪಟ್ಟಮಹಿಷಿ ದ್ರೌಪದಿ, ದಾನಶೂರ ಕರ್ಣ, ಸೂತ್ರಧಾರ ಶ್ರೀ ಕೃಷ್ಣ, ಶೋಕತಪ್ತ ತಾಯಿಕುಂತಿ, ಕುರುಡುದೊರೆ ಧೃತರಾಷ್ಟ್ರ, ಹಿರಿಯಪಾಂಡವ ಧರ್ಮರಾಯರ ಕುರಿತು ಸಾಹಿತ್ಯವನ್ನು ರಚಿಸಿದ್ದಾರೆ. ವಿಜ್ಞಾನ ವಿಚಾರಗಳ ಕುರಿತು ಲೇಖನಗಳನ್ನು ಬರೆದಿರುತ್ತಾರೆ. ಪ್ರಸ್ತುತ ಬೆಂಗಳೂರಿನ ರಾಜಾಜಿನಗರದಲ್ಲಿ ವಾಸವಿದ್ದಾರೆ. ಕೃತಿಗಳು: ಸ್ವಂತ ಉದ್ಯಮ ಆರಂಭಿಸುವುದು ಹೇಗೆ? ಭಗವಾನ ಬುದ್ಧ, ವಿಜ್ಞಾನ ವಿಶ್ವಕೋಶ, ಮಕ್ಕಳ ವಿಶ್ವ ಜ್ಞಾನ ಕೋಶ (ಸರಣಿಗಳು), ಜನಪದ ಸಂಸ್ಕೃತಿಯ ಮಹಾ ...
READ MORE
Concept & Creation 
©2025 Book Brahma Private Limited.
.jpg)
