ಹಿರಿಯ ಸಾಹಿತಿ ಡಾ. ಶಕುಂತಲಾ ಸಿದ್ಧರಾಮ ದುರಗಿ ಅವರು ಸಂಪಾದಿತ ಕೃತಿ-ತೊಟ್ಟಿಲ ಪದಗಳು. ಶೀರ್ಷಿಕೆಯೇ ಸೂಚಿಸುವಂತೆ ಜೋಗುಳದ ಹಾಡುಗಳನ್ನು ಸಂಗ್ರಹಿಸಲಾಗಿದೆ. ಕಲ್ಯಾಣ ಕರ್ನಾಟಕ ಮತ್ತು ಮುಂಬೈ ಕರ್ನಾಟಕ ಪ್ರದೇಶಗಳಲ್ಲಿ ರೂಢಿಯಲ್ಲಿದ್ದ, ಈಗ ಅಳಿವಿನಂಚಿನಲ್ಲಿರುವ ಜೋಗುಳ ಪದಗಳನ್ನು ಒಂದು ಕಡೆ ಸೇರಿಸಲಾಗಿದೆ. ಜನಪದ ಸಂಸ್ಕೃತಿಯಲ್ಲಿ ಹುಟ್ಟನ್ನು ಅತಿ ಹೆಚ್ಚು ಸಂಭ್ರಮಿಸುವ ರೂಢಿ, ಅದು ಹಾಡಿನ ಮೂಲಕ ಹೊರ ಹಾಕಲಾಗುತ್ತಿತ್ತು. ಇಂತಹ ಜನನ, ಮಗು, ತೊಟ್ಟಿಲು, ಜೋಗುಳದ ವಿಷಯಾಧರಿಸಿ, 'ಹದಿಮೂರ ದೇಶಿ ಪದಗಳು', 'ಲಾಲಿ ಪದಗಳು', 'ಪೌರಾಣಿಕ-ಚಾರಿತ್ರಿಕ ಪುರುಷರ ಕುರಿತು ರಚನೆಯಾದ ಪದಗಳನ್ನು ಲಾಲಿ ಪದಗ‍ಳೆಂದು ಹಾಗೂ ಕೊನೆಯ ಭಾಗದಲ್ಲಿ ನಗೆಚಾಟಿಕೆ ಸೂಸುವ ರಚನೆಗಳನ್ನು ಹಾಸ್ಯಪ್ರಧಾನ ಪದಗಳನ್ನು ಸೇರಿಸಿದ್ದಾರೆ.
ಒಡಪುಗಳು, ಪ್ರಾದೇಶಿಕ ಪದಕೋಶ ಇತ್ಯಾದಿ ಅನುಬಂಧದಲ್ಲಿ ಸೇರಿಸಿ ಪ್ರಸ್ತಾವನೆಯಲ್ಲಿ ಅವುಗಳಿಗೊಂದು ತಾತ್ವಿಕ ಪರಿವೇಷ ಕಟ್ಟಿಕೊಟ್ಟಿದ್ದಾರೆ. ಒಟ್ಟು 78 ಪದಗಳನ್ನು ಸಂಗ್ರಹಿಸಿ, ಅರ್ಥ, ಮೌಲ್ಯ ಇತ್ಯಾದಿ ವಿಸ್ತಾರವಾಗಿ ನೀಡಿ, ವ್ಯಕ್ತಿ ಪರಿಚಯ, ಪ್ರಾದೇಶಿಕ ಪದಕೋಶ, ಗ್ರಂಥ ಋಣ, ಇತ್ಯಾದಿ ನೀಡಿ ಕೃತಿಯ ಮಹತ್ವ ಹೆಚ್ಚಿಸಿದ್ದಾರೆ.
ಲೇಖಕಿ ಡಾ. ಶಕುಂತಲಾ ಸಿದ್ಧರಾಮ. ದುರಗಿ ಅವರು ಮೂಲತಃ ಬಾಗಲಕೋಟೆಯವರು. ತಂದೆ ಶಿವಲಿಂಗಪ್ಪ ನಾವಲಗಿ, ತಾಯಿ ಪಾರ್ವತಮ್ಮ.ನಾವಲಗಿ. ಪ್ರಾಥಮಿಕ ಶಿಕ್ಷಣದಿಂದ ಪದವಿ ವರೆಗೆ ಬಾಗಲಕೊಟೆಯಲ್ಲಿ ಶಿಕ್ಷಣ ಪಡೆದು ನಂತರ, ಧಾರವಾಡದಿಂದ ಕರ್ನಾಟಕ ವಿವಿ ಯಿಂದ ಎಂ.ಎ, ನಂತರ ಗುಲಬರ್ಗಾ ವಿವಿಗೆ ‘ಆಧುನಿಕ ಕನ್ನಡ ಮಹಿಳಾ ಸಾಹಿತ್ಯ’ ವಿಷಯವಾಗಿ ಸಲ್ಲಿಸಿದ ಮಹಾಪ್ರಬಂಧಕ್ಕೆ ಪಿಎಚ್ ಡಿ ಲಭಿಸಿದೆ. ಕಲಬುರಗಿಯಲ್ಲಿಯ ಹೈದ್ರಾಬಾದ್ ಕರ್ನಾಟಕ ಶಿಕ್ಷಣ ಸಂಸ್ಥೆಯ ಶ್ರೀಮತಿ ವೀರಮ್ಮ ಗಂಗಸಿರಿ ಮಹಿಳಾ ಮಹಾವಿದ್ಯಾಲಯದಲ್ಲಿ ಕನ್ನಡ ವಿಭಾಗ ಮುಖ್ಯಸ್ಥೆಯಾಗಿ, ಬೀದರನ ಬಿ.ವಿ. ಭೂಮರೆಡ್ಡಿ ಕಾಲೇಜು ಪ್ರಾಂಶುಪಾಲರಾಗಿ, ಈಗ (2001) ನಿವೃತ್ತರು, .ಗುಲಬರ್ಗಾ ವಿವಿ ಪಠ್ಯಪುಸ್ತಕ ಸಮಿತಿ ಸದಸ್ಯೆಯಾಗಿದ್ದರು. ಕೃತಿಗಳು-ಪ್ರಶಸ್ತಿಗಳು: ಮಗ್ಗಲು ಮನೆ ಅತಿಥಿ ...
READ MORE
Concept & Creation 
©2025 Book Brahma Private Limited.
