‘ಕತ್ತಾಲ ದಾರಿ ದೂರ’ ಎಂಬುದು ಹಿರಿಯ ಲೇಖಕ ಕೃಷ್ಣಮೂರ್ತಿ ಹನೂರು ಅವರ ಕೃತಿ. ಜನಪದದ 11 ಕಥನಗೀತೆಗಳ ಸಂಕಲನವಿದು. ಸತಿ ನೆಪದಲ್ಲಿ ಬೆಂಕಿಗೆ ಬೀಳುವುದು, ಕೆರೆಗೆ ಹಾರದ ನೆಪದಲ್ಲಿ ಬಲಿ ಕೊಡುವುದು ಇಂತಹ ಕಥನಗೀತೆಗಳ ಸಂಗ್ರಹವಿದೆ. ದೇವತೆಗಳ ಹೆಸರಿನಲ್ಲಿ ಹೆಣ್ಣುಮಕ್ಕಳನ್ನೇ ಬಲಿ ತೆಗೆದುಕೊಳ್ಳುವ ಇಂತಹ ಸಂಪ್ರದಾಯಗಳು ಹಾಗೂ ಈ ಸಂಪ್ರದಾಯಗಳಿಗೆ ಅಧೀನಭಾವ ತಳೆಯುವ ಹೆಣ್ಣುಮಕ್ಕಳು, ಬಲಿಗೆ ತಯಾರಾಗುವ ಹೆಣ್ಣಿನ ವರ್ಣನೆಯಿಂದ ಗಮನ ಸೆಳೆಯುವ ಕಥನ ಗೀತೆಗಳು ಹೆಣ್ಣೊಬ್ಬಳ ಮನಸ್ಸಿನೊಳಗೆ ವ್ಯಕ್ತವಾಗುವ ವಿರೋಧವನ್ನೂ ಸೂಕ್ಷ್ಮವಾಗಿ ಹೊರಗೆಡುತ್ತವೆ ಎಂಬುದು ಗಮನಾರ್ಹ. ಪುರುಷ ಪ್ರದಾನ ಸಮಾಜವು ಹೆಣ್ಣುಗಳನ್ನು ತಮ್ಮ ಪ್ರತಿಷ್ಠೆಗಾಗಿ ಹೇಗೆ ಬಳಸಿಕೊಂಡಿತ್ತು ಎಂಬುದರ ವಿವರವಾಗಿಯೂ ಈ ಕಥನಗೀತೆಗಳಿವೆ.
ಜಾನಪದ ತಜ್ಞ, ಕತೆಗಾರ, ಕಾದಂಬರಿಕಾರ ಕೃಷ್ಣಮೂರ್ತಿ ಹನೂರು ಮೈಸೂರು ವಿಶ್ವವಿದ್ಯಾಲಯದ ಕುವೆಂಪು ಅಧ್ಯಯನ ಸಂಸ್ಥೆಯ ಪ್ರಾಧ್ಯಾಪಕರಾಗಿ ಕಾರ್ಯನಿರ್ಹಸಿದ್ದಾರೆ. 40 ಕ್ಕೂ ಹೆಚ್ಚು ಪುಸ್ತಕಗಳನ್ನು ಪ್ರಕಟಿಸಿದ್ದಾರೆ. ಅವರ ಆಜ್ಞಾತನೊಬ್ಬನ ಆತ್ಮ ಚರಿತ್ರೆ ಕಾದಂಬರಿ ಓದುಗರ ಮೇರೆಯಿಲ್ಲದ ಮೆಚ್ಚುಗೆ ಪಡೆದಿದೆ. ಅದೀಗ ಇಂಗ್ಲೀಷ್ ಗೆ ಅನುವಾದಗೊಂಡು ಪ್ರಕಟವಾಗಿದೆ. ಕೇರಿಗೆ ಬಂದ ಹೋರಿ, ಕತ್ತಲಲ್ಲಿ ಕಂಡ ಮುಖ ಮತ್ತು ಕಳೆದ ಮಂಗಳವಾರ ಮುಸ್ಸಂಜೆ ಅವರ ಕಥಾಸಂಕಲನಗಳು. ಬಾರೋ ಗೀಜಗನೆ, ನಿಕ್ಷೇಪ ಅವರ ಕಾದಂಬರಿಗಳು. ಜಾನಪದಕ್ಕೆ ಸಂಬಂಧಿಸಿದಂತೆ ಹಲವಾರು ಕೃತಿಗಳನ್ನು ಸಂಪಾದಿಸಿದ್ದಾರೆ. ಅವರು ಸಂಪಾದಿಸಿದ ವಿಶ್ವಕೋಶ ಎನ್ ಸೈಕ್ಲೋಪೀಡಿಯಾ ಆಫ್ ಫೋಕ್ ಕಲ್ಚರ್ ಆಫ್ ...
READ MORE
Concept & Creation 
©2025 Book Brahma Private Limited.
