‘ಸೊಳ್ಳೆ ಫ್ರೆಂಡು ಒಳ್ಳೆ ಫ್ರೆಂಡು’ ಲೇಖಕ ಗುಂಡುರಾವ್ ದೇಸಾಯಿ ಅವರು ಬರೆದಿರುವ ಮಕ್ಕಳ ಕಾದಂಬರಿ. ಈ ಕೃತಿಗೆ ಡಾ. ಆನಂದ ಪಾಟೀಲ, ರಾಜಶೇಖರ ಕುಕ್ಕುಂದಾ, ತಮ್ಮಣ್ಣ ಬೀಗಾರ ಅವರ ಬೆನ್ನುಡಿ ಬರಹಗಳಿವೆ. ಪುಸ್ತಕದ ಕುರಿತು ಬರೆದಿರುವ ತಮ್ಮಣ್ಣ ಬೀಗಾರ ಅವರು ಓದುಗನನ್ನು ಸೆಳೆದು ಆವರಿಸಿಕೊಳ್ಳುವ ಈ ಕಾದಂಬರಿ ಸೊಳ್ಳೆಯ ಮೂಲಕ ಗೆಲುವಾಗಿಯೇ ಒಳಿತನ್ನು ಬಿತ್ತುತ್ತದೆ. ಆನಂದ ಪಾಟೀಲರ ‘ಪುಟ್ಟಾರಿ ಆನೆ ಪುಟ್ ಪುಟ್’ ನೆನಪಿಸುವ ಈ ಸೊಳ್ಳೆ ಫ್ರೆಂಡು ಒಳ್ಳೆ ಫ್ರೆಂಡು ಕಾದಂಬರಿ ತನ್ನದೇ ಆದ ರೀತಿಯಲ್ಲಿ ಓದುಗನ ಫ್ರೆಂಡ್ ಆಗುತ್ತದೆ. ಈಗಾಗಲೇ ಮಕ್ಕಳೇನು ಸಣ್ಣವರಲ್ಲ ಎನ್ನುವ ಕಥಾ ಸಂಕಲನದಲ್ಲಿ ಹೊಸ ಉಣಿಸನ್ನು ತಂದಿದ್ದ ಗುಂಡುರಾವ್ ದೇಸಾಯಿ ಅವರು ಇಲ್ಲಿ ಪ್ಯಾಂಟಸಿಯನ್ನು ಬಳಸಿಕೊಂಡು ತನ್ನದೇ ಆದ ವಿಶಿಷ್ಟ ಶೈಲಿಯಲ್ಲಿ ಓದುಗರಿಗೆ ಮತ್ತಷ್ಟು ಖುಷಿಯ ಉಣಿಸನ್ನು ನೀಡಿದ್ದಾರೆ. ಕನ್ನಡದ ಮಕ್ಕಳ ಲೋಕದ ಖುಷಿಯನ್ನು ಈ ಕಾದಂಬರಿ ವಿಸ್ತರಿಸುವುದರಲ್ಲಿ ಯಾವುದೇ ಸಂಶಯವಿಲ್ಲ ಎಂದಿದ್ದಾರೆ.
ಕವಿ ಗುಂಡುರಾವ್ ದೇಸಾಯಿ ಮೂಲತಃ ರಾಯಚೂರು ಜಿಲ್ಲೆ ಮಸ್ಕಿ ಪಟ್ಟಣದವರು. ಎಂ.ಎ, ಬಿ.ಇಡಿ ಪದವೀಧರರು. ಸಾಹಿತ್ಯ ಮತ್ತು ಸಾಂಸ್ಕೃತಿಕ ಚಟುವಟಿಕೆಗಳಲ್ಲಿ ಕ್ರಿಯಾಶೀಲರು. ಕೃತಿಗಳು: ನಾನೇ ಸತ್ತಾಗ-(ಹಾಸ್ಯ ಬರಹ-2004), ಮುತ್ತಿನ ಹನಿ(ಸಂಪಾದಿತ ಕಾವ್ಯ-2009), ಸಿಟಿಯೊಳಗೊಂದು ಮನೆಯ ಮಾಡಿ-(ಲಲಿತ ಪ್ರಬಂಧ-2010), ಡಯಟಿಂಗ್ ಪುರಾಣ-(ಹಾಸ್ಯ ಬರಹ-2012), ಸಾದ್ವಿ ಶಿರೊಮಣಿ ತುರಡಗಿ ತಿಮ್ಮಮ್ಮನವರು(ಚರಿತ್ರೆ-2012), ವೆಂಕಟೇಶ ವೈಭವ (ಸಂಪಾದನೆ-2012), ಅಶೋಕ ಸಿರಿ(8ನೇ ಜಿಲ್ಲಾ ಸಾಹಿತ್ಯ ಸಮ್ಮೇಳನದ ನೆನಪಿನ ಸಂಚಿಕೆ-204), ಗಚ್ಚಿನಶ್ರೀ(ಮಸ್ಕಿ ಗಚ್ಚಿನ ಮಠದ ರುದ್ರದೇವರ ಪಟ್ಟಾಧಿಕಾರದ ನೆನಪಿನ ಸಾಹಿತ್ಯಿ ಸಂಚಿಕೆ-2016), ಸರ್ಜರಿಯ ಆ ಸುಖ-(ಲಲಿತ ಪ್ರಬಂಧ-2016), ವಚನ ಪ್ರಸೂನಮಾಲಾ -(ಸಂಪಾದನೆ- 2017), ಹಿತೋಪದೇಶ-(ಇತರರೊಂದಿಗೆ ಸಂಪಾದನೆ-2017), ಅಜ್ಜನ ಹಲ್ಲುಸೆಟ್ಟು(ಮಕ್ಕಳ ...
READ MORE
Concept & Creation 
©2024 Book Brahma Private Limited.
