ಹೆಚ್. ಡುಂಡಿರಾಜ್‍ರವರ ಹನಿಗವನ ಪ್ರೇಮ ಚಿರವಾಗಿ ಬಾಳುವಂತದ್ದು. ಹನಿಗವನದಲ್ಲಿ ಸಾಹಿತ್ಯ ಕೃಷಿಯನ್ನು ಮಾಡಿ, ಅದರಲ್ಲೇ ಸಮೃದ್ಧ ಬೆಳೆ ಬೆಳೆದ ಸಾಹಿತ್ಯ ಕೃಷಿಕರಿವರು. ಹನಿಗವನದಲ್ಲಿ ಸಾರ್ಥಕತೆ ಕಂಡವರು. ಗದ್ಯದ ರೂಪದಲ್ಲಿ ಗಂಭೀರವಾಗಿ ಬರೆಲ್ಪಡುವ ವಿಷಯಗಳನ್ನು, ಪ್ರಾಸ ಪದಗಳ ಮೂಲಕ, ಹೊಸ ಓದುಗರಿಗೂ ಅರ್ಥ ಆಗುವ ರೀತಿಯಲ್ಲಿ ನಿರೂಪಿಸುವ ಸಾಹಿತಿ ಡುಂಡಿರಾಜ್. ಇಡಿ ಕಿಡಿ ಕವನಗಳು ಪುಸ್ತಕಗಳಲ್ಲಿ ಕೂಡ ಪದಗಳನ್ನು ಛೇಡಿಸುವ ಚೇಷ್ಟೆಗಳನ್ನು ಮುಂದುವರೆಸಿದ್ದಾರೆ. ಶಬ್ದಗಳ ವಕ್ರ ಸಂಚಾರ, ಸಮಾಜದ ಮೂಲೆ ಮೂಲೆಯನ್ನೂ ಹುಡುಕಿ ಕಲೆಹಾಕಿದ ವಿಷಯಗಳನ್ನು ಅಕ್ಷರಗಳಾಗಿ ರೂಪಾಂತರಿಸುವ ಕಲೆಯನ್ನು ಧಾರಾಳವಾಗಿ ಪ್ರದರ್ಶಿಸಿದ್ದಾರೆ.
ಎಚ್. ಡುಂಡಿರಾಜ್, ಕನ್ನಡದ ಹೆಸರಾಂತ ಚುಟುಕು ಕಾವ್ಯ ಸಾಹಿತಿ. ಈವರೆಗೆ ಸುಮಾರು 45 ಪುಸ್ತಕಗಳನ್ನು ಬರೆದಿರುವ ಇವರು, ತಮ್ಮ ಪುಸ್ತಕಗಳಲ್ಲಿ ಚುಟುಕು ಸಾಹಿತ್ಯದ ಕುರಿತಾಗಿನ ಎಳೆಗಳನ್ನು ಸೂಕ್ಷ್ಮವಾಗಿ ಬಿಡಿಸಿಟ್ಟಿದ್ದಾರೆ. ಸಾಹಿತ್ಯ ಮತ್ತು ಹಾಸ್ಯದ ಸಮ್ಮಿಲನ ಇವರ ಕೃತಿಗಳ ವಿಶೇಷತೆ. ಉಡುಪಿ ಜೆಲ್ಲೆಯ ಹಟ್ಟಿಕುದ್ರುವಿನಲ್ಲಿ 18 ಆಗಸ್ಟ್ 1956ರಲ್ಲಿ ಜನಿಸಿದ ಇವರು, ಬೆಂಗಳೂರಿನ ಕೃಷಿ ವಿಶ್ವವಿದ್ಯಾಲಯದಲ್ಲಿ ಎಂ.ಎಸ್ಸಿ. ಪದವಿಯನ್ನು ಪಡೆದಿದ್ದಾರೆ. ಸದ್ಯಕ್ಕೆ ಮಂಗಳೂರಿನ ಕಾರ್ಪೋರೇಶನ್‍ ಬ್ಯಾಂಕ್‍ನ ಸಹಾಯಕ ಮಹಾ ವ್ಯವಸ್ಥಾಪಕರಾಗಿ ಕಾರ್ಯ ನಿರ್ವಹಿಸುತ್ತಾ ಇದ್ದಾರೆ. 2011ರಲ್ಲಿ ನಡೆದ ಸಂಯುಕ್ತ ಅರಬ್‍ ಸಂಸ್ಥಾನದ ಚುಟುಕು ಸಾಹಿತ್ಯ ಸಮ್ಮೇಳನದ ಅಧ್ಯಕ್ಷರಾಗಿದ್ದ ಇವರು, ...
READ MORE
Concept & Creation 
©2025 Book Brahma Private Limited.
