ಡುಂಡಿರಾಜ್‍ರವರ ಹನಿಕವನಗಳನ್ನೊಳಗೊಂಡ ಮತ್ತೊಂದು ಪುಸ್ತಕ ಹನಿ ಗಣಿ. ಇಂಗ್ಲೀಷ್‍ನಲ್ಲಿ ಹನಿ ಎಂದರೆ ಜೇನು ಎಂದರ್ಥ. ಜೇನಿನಂತೆ ಸಿಹಿಯಾದ ಚುಟುಕುಗಳನ್ನು ತಮ್ಮ ಲೇಖನಿಯಿಂದ ಗಣಿಗಾರಿಕೆ ಮಾಡಿದಾಗ ಮೂಡಿಬಂದ ಕೃತಿಯೇ ಹನಿ ಗಣಿ. ತಮ್ಮ ಸಾಂಪ್ರದಾಯಿಕ ಶೈಲಿಯಾದ ಹಾಸ್ಯ ಚುಟುಕುಗಳ ಮೂಲಕ ಓದುಗರನ್ನು ರಂಜಿಸುವುದಲ್ಲದೇ, ಚುಟುಕು ಸಾಹಿತ್ಯದ ಕುರಿತಾದ ಜನಾಭಿಪ್ರಯಕ್ಕೆ ಕೂಡ ಈ ಪುಸ್ತಕವು ಹೊಸ ಆಯಾಮ ನೀಡುತ್ತದೆ. ಪ್ರಾಸ ಪದಗಳ ಯಥೇಚ್ಛ ಬಳಕೆಯನ್ನು ಈ ಪುಸ್ತಕದಲ್ಲಿ ಕಾಣಬಹುದು. ಕನ್ನಡದ ಪದಗಳೊಂದಿಗಿನ ಆಟ, ಶ್ಲೇಷೆಯ ಬಳಕೆ, ಪದಗಳ ವಿಘಟನೆ ಮತ್ತು ಪ್ರಾಸಗಳ ಸೃಷ್ಠಿ ಈ ಪುಸ್ತಕದಲ್ಲಿ ಕಾಣಬಹುದು.
ಎಚ್. ಡುಂಡಿರಾಜ್, ಕನ್ನಡದ ಹೆಸರಾಂತ ಚುಟುಕು ಕಾವ್ಯ ಸಾಹಿತಿ. ಈವರೆಗೆ ಸುಮಾರು 45 ಪುಸ್ತಕಗಳನ್ನು ಬರೆದಿರುವ ಇವರು, ತಮ್ಮ ಪುಸ್ತಕಗಳಲ್ಲಿ ಚುಟುಕು ಸಾಹಿತ್ಯದ ಕುರಿತಾಗಿನ ಎಳೆಗಳನ್ನು ಸೂಕ್ಷ್ಮವಾಗಿ ಬಿಡಿಸಿಟ್ಟಿದ್ದಾರೆ. ಸಾಹಿತ್ಯ ಮತ್ತು ಹಾಸ್ಯದ ಸಮ್ಮಿಲನ ಇವರ ಕೃತಿಗಳ ವಿಶೇಷತೆ. ಉಡುಪಿ ಜೆಲ್ಲೆಯ ಹಟ್ಟಿಕುದ್ರುವಿನಲ್ಲಿ 18 ಆಗಸ್ಟ್ 1956ರಲ್ಲಿ ಜನಿಸಿದ ಇವರು, ಬೆಂಗಳೂರಿನ ಕೃಷಿ ವಿಶ್ವವಿದ್ಯಾಲಯದಲ್ಲಿ ಎಂ.ಎಸ್ಸಿ. ಪದವಿಯನ್ನು ಪಡೆದಿದ್ದಾರೆ. ಸದ್ಯಕ್ಕೆ ಮಂಗಳೂರಿನ ಕಾರ್ಪೋರೇಶನ್‍ ಬ್ಯಾಂಕ್‍ನ ಸಹಾಯಕ ಮಹಾ ವ್ಯವಸ್ಥಾಪಕರಾಗಿ ಕಾರ್ಯ ನಿರ್ವಹಿಸುತ್ತಾ ಇದ್ದಾರೆ. 2011ರಲ್ಲಿ ನಡೆದ ಸಂಯುಕ್ತ ಅರಬ್‍ ಸಂಸ್ಥಾನದ ಚುಟುಕು ಸಾಹಿತ್ಯ ಸಮ್ಮೇಳನದ ಅಧ್ಯಕ್ಷರಾಗಿದ್ದ ಇವರು, ...
READ MORE
Concept & Creation 
©2024 Book Brahma Private Limited.
