‘ಆಕಾಶಕ್ಕೊಂದು ಏಣಿ’ ಶಿಲ್ಪಾ ಮ್ಯಾಗೇರಿಯವರ ಚುಟುಕು ಸಂಕಲನವಾಗಿದೆ. ಇದಕ್ಕೆ ಎ.ಎಸ್. ಮಕಾನದಾರ ಅವರ ಬೆನ್ನುಡಿ ಬರಹವಿದೆ; ಆಕಾಶಕ್ಕೊಂದು ಏಣಿ ಹಾಕಿ ಓದುಗ ಪ್ರಭು ಜಾರದಂತೆ, ಒಂದೊಂದು ಚುಟುಕು ಕಾವ್ಯವೂ ಗಂಭೀರ ವಸ್ತುವಿಷಯವನ್ನೊಳಗೊಂಡು ಭಾಷೆಯಲ್ಲಿ ಸರಳತೆ, ವಿಚಾರ ಸ್ಪಷ್ಟತೆ, ಅಭಿವ್ಯಕ್ತಿಯ ಸೌಂದರ್ಯ ಶಿಲ್ಪಾರವರ ಚುಟುಕುಗಳಲ್ಲಿ ಕಾಣಬಹುದು. ಕೃತ್ರಿಮತೆ ಇಲ್ಲದ ಕಾವ್ಯದ ವಸ್ತು ನನಗೆ ಇಷ್ಟವಾಗಿದೆ. ಹೊಸ ಉಪಮೆಗಳೊಂದಿಗೆ ಕಾವ್ಯಕುಸುರಿ ಹೆಣೆಯಲು ಪ್ರಯತ್ನಿಸುತ್ತಿರುವ ಮಹಿಳೆಯರ ವಿವಿಧ ಆತಂಕ, ತಲ್ಲಣ, ತಳಮಳಗಳಿಗೆ ಕಾವ್ಯದ ಮುಲಾಮು ಸವರಲು ಯತ್ನಿಸಿದ ಕವಯಿತ್ರಿ ಶಿಲ್ಪಾ ಮ್ಯಾಗೇರಿಯವರಿಗೆ ಅಭಿನಂದನೆ ಸಲ್ಲಿಸಿದ್ದಾರೆ.
ಶಿಲ್ಪಾ ಮ್ಯಾಗೇರಿ ಅವರು ಮೂಲತಃ ಗದಗ ಜಿಲ್ಲೆಯವರು, ತಾಯಿಯ ಮನೆ ಕೊಪ್ಪಳ ಅಲ್ಲಿಂದಲೇ ಸಾಹಿತ್ಯದ ನಂಟು ಬೆಸೆದುಕೊಂಡ ಶಿಲ್ಪಾ ಮ್ಯಾಗೇರಿ ಅವರು ಎಂ.ಎ. ಬಿ.ಎಡ್. ಪೂರ್ಣಗೊಳಿಸಿ ಸದ್ಯ ತೋಂಟದಾರ್ಯ ಶಿಕ್ಷಣ ಸಂಸ್ಥೆಯ ಬಸವೇಶ್ವರ ಮಹಾವಿದ್ಯಾಲಯದಲ್ಲಿ ಕನ್ನಡ ಉಪನ್ಯಾಸಕಿಯಾಗಿ ಕಾರ್ಯನಿರ್ವಹಿಸುತ್ತಿದ್ದಾರೆ. ಓದು, ಬರವಣಿಗೆ, ಚಿತ್ರಕಲೆ, ಕಸೂತಿಕಲೆಗಳನ್ನು ತಮ್ಮ ಹವ್ಯಾಸವಾಗಿಸಿಕೊಂಡಿರುವ ಅವರು ಮೂರು ಕೃತಿಗಳನ್ನು ಪ್ರಕಟಿದ್ದಾರೆ. ಕೃತಿಗಳು: 1 ಭಾರತಾಂಬೆ ಪ್ರಥಮ ಕವನ ಸಂಕಲನ 2015 ರಲ್ಲಿ. 2 ಆಕಾಶಕ್ಕೊಂದು ಏಣಿ ಚುಟುಕು ಸಂಕಲನ. 3 ಮಾತು ಮೌನದ ನಡುವೆ ಕವನ ಸಂಕಲನ. ...
READ MORE
Concept & Creation 
©2025 Book Brahma Private Limited.
