ಹದಿನಾರನೇ ಶತಮಾನದಲ್ಲಿ ವಿಜಯನಗರದ ದೊರೆ ವೆಂಕಟಪತಿರಾಯನ 77 ಮಂದಿ ಪಾಳೇಗಾರರಲ್ಲಿ ಒಬ್ಬನಾಗಿದ್ದ ಇಮ್ಮಡಿ ಚಿಕ್ಕಭೂಪಾಲನ ಕುರಿತ ಕೃತಿ ಇದು. ಸಂಶೋಧಕರಾದ ಡಾ.ಎಂ.ಎಂ. ಕಲಬುರ್ಗಿ ಮತ್ತು ಡಾ. ವೀರಣ್ಣ ರಾಜೂರ ಅವರ ಪ್ರಕಾರ ಕಾವ್ಯಾತ್ಮಕವಾಗಿ ಇದಕ್ಕೆ ಅಷ್ಟೇನೂ ಮಹತ್ವ ಇರದಿದ್ದರೂ ಸ್ಥಳನಾಮ, ವ್ಯಕ್ತಿನಾಮ, ರಾಜಕೀಯ ಸಂಘರ್ಷದ ಜೊತೆಗೆ ಪ್ರಜಾ ಪರಿಸರದ ಸ್ಪಷ್ಟ ಚಿತ್ರಣ ನೀಡುವ ಕಾರಣಕ್ಕೆ ಮುಖ್ಯವೆನಿಸುತ್ತದೆ.
ಚಿಕ್ಕಭೂಪಾಲನ ಬ್ರಹ್ಮವಿರಚನೆ, ಹಿರಿಯ ಮಗ ತೋಂಟದರಾಯವೀರನ ಸ್ವರ್ಗಾರೋಹಣ ಈತನ ಕಿರಿಯ ಮಗ ಸಪ್ಪೇಂದ್ರ ಕಟ್ಟಿಸಿದ ಮಲ್ಲೇಶ ದೇವಾಲಯ ನಿರ್ಮಾಣ ಇತನ ಕಣ್ಣಮುಂದೆಯೇ ಜರುಗಿರಬೇಕು ಎಂದು ಕೃತಿಕಾರರು ಹೇಳಿದ್ದಾರೆ. ಧಾರವಾಡದ ಶ್ರೀಮುರುಘಾಮಠದ ಶ್ರೀಬಾಲಲೀಲಾ ಮಹಾಂತಶಿವಯೋಗೀಶ್ವರ ಗ್ರಂಥಮಾಲೆಯ ಮೂಲಕ ಮೊದಲ ಬಾರಿಗೆ ಪ್ರಕಟವಾಗಿದ್ದ ಕೃತಿಯನ್ನು ಸಪ್ನ ಬುಕ್‌ ಹೌಸ್ ಮರುಮುದ್ರಣ ಮಾಡಿದೆ.
ಕರ್ನಾಟಕದಲ್ಲಿ ಸಂಶೋಧನಾ ಕ್ಷೇತ್ರದ ಪ್ರಮುಖ ಹೆಸರು ಎಂ.ಎಂ. ಕಲಬುರ್ಗಿ. ಶಾಸನಶಾಸ್ತ್ರ, ಸಾಹಿತ್ಯ ಚರಿತ್ರೆ, ಛಂದಸ್ಸು, ಇತಿಹಾಸ, ವಾಸ್ತುಶಿಲ್ಪ, ಗ್ರಂಥಸಂಪಾದನೆ, ಹಸ್ತಪ್ರತಿಶಾಸ್ತ್ರ, ಜಾನಪದ, ಸ್ಥಳನಾಮಗಳ ಅಧ್ಯಯನ, ಸಾಹಿತ್ಯ ವಿಮರ್ಶೆ ಕ್ಷೇತ್ರಗಳಲ್ಲಿ ಹರಡಿಕೊಂಡಿವೆ. ಮಲ್ಲೇಶಪ್ಪ ಮಡಿವಾಳಪ್ಪ ಕಲಬುರ್ಗಿಯವರು ಬಿಜಾಪುರ ಜಿಲ್ಲೆಯ ಸಿಂದಗಿ ತಾಲ್ಲೂಕಿನ ಯರಗಲ್ಲ ಗ್ರಾಮದಲ್ಲಿ 1938ರ ನವೆಂಬರ್ 28ರಂದು ಜನಿಸಿದರು. ತಾಯಿ ಗುರಮ್ಮ; ತಂದೆ ಮಡಿವಾಳಪ್ಪ. ಕಲಬುರ್ಗಿಯವರು ಕರ್ನಾಟಕ ವಿಶ್ವವಿದ್ಯಾಲಯದಿಂದ ಬಿ.ಎ (1960) ಮತ್ತು ಎಂ.ಎ (1962) ಪದವಿ ಪಡೆದ ಅವರು ಸಲ್ಲಿಸಿದ ‘ಕವಿರಾಜಮಾರ್ಗ ಪರಿಸರದ ಕನ್ನಡ ಸಾಹಿತ್ಯ’ (1968) ಎಂಬ ಮಹಾಪ್ರಬಂಧಕ್ಕೆ ಪಿ.ಎಚ್.ಡಿ. ಪದವಿ ಸಂದಿತ್ತು. ಕರ್ನಾಟಕ ಕಾಲೇಜಿನಲ್ಲಿ ...
READ MORE
Concept & Creation 
©2024 Book Brahma Private Limited.
