‘ಕಾಣದ ಲೋಕ’ ಕೊಳ್ಳೇಗಾಲ ಶರ್ಮ ಅವರ ಅನುವಾದ ಕೃತಿಯಾಗಿದ್ದು, ಕಣ್ಣಿಗೆ ಕಾಣದ ಲೋಕದ ಅನಭಿಷಿಕ್ತ ದೊರೆಗಳ ಸ್ವಾರಸ್ಯಕರ ವೃತ್ತಾಂತವನ್ನು ಹೇಳುವ ಪುಸ್ತಕ ಇದಾಗಿದೆ. ಸೂಕ್ಷ್ಮಾತಿಸೂಕ್ಷ್ಮ ಜೀವಿಗಳಿಂದ ಬೃಹತ್‌ ತಿಮಿಂಗಲವರೆಗೆ ಎಲ್ಲವನ್ನೂ ತಾಕುವ, ಅತ್ತ ಜೀವವೂ ಅಲ್ಲದ, ಇತ್ತ ನಿರ್ಜೀವವೂ ಅಲ್ಲದ ವೈರಸ್ಸುಗಳ ವೃತ್ತಾಂತ ಇದು. ಹೂವಿನ ಬಣ್ಣ, ಬೆಳೆಗಳ ರೋಗಗಳು, ನೆಗಡಿ, ಕ್ಯಾನ್ಸರುಗಳಲ್ಲದೆ ಗಂಗಾ ನದಿಯ ರೋಗ ನಿವಾರಕ ಗುಣಕ್ಕೂ ವೈರಸ್ಸುಗಳು ಕಾರಣ ಎಂಬುದು ಗೊತ್ತೇ? ಕಾಣದ ಪ್ರಪಂಚ: ವೈರಸ್‌ ವೃತ್ತಾಂತ ಇಂತಹ ಅತ್ಯಂತ ಸ್ವಾರಸ್ಯಕರ ಸಂಗತಿಗಳನ್ನು ನಮ್ಮೆದುರು ತೆರೆದಿಡುತ್ತಲೇ ಈ ವಿಚಿತ್ರ ಜೀವಿಗಳ ಬಗ್ಗೆ ನಡೆದ ಸಂಶೋಧನೆಗಳ ಚರಿತ್ರೆಯನ್ನೂ ಮನದಟ್ಟು ಮಾಡಿಕೊಡುತ್ತದೆ. ಇದು ವೃತ್ತಾಂತವಲ್ಲ, ವೈರಸ್ಸುಗಳ ಕಥೆ.
ಕೊಳ್ಳೇಗಾಲ ಶರ್ಮ ಅವರು ಮೈಸೂರಿನ ಕೇಂದ್ರ ಆಹಾರ ತಂತ್ರಜ್ಞಾನ ಸಂಶೋಧನಾ ಸಂಸ್ಥೆಯ ಪ್ರಚಾರ ವಿಭಾಗದಲ್ಲಿ ಸೇವೆ ಸಲ್ಲಿಸುತ್ತಿದ್ದಾರೆ. ವಿಜ್ಞಾನ ವಿಷಯಗಳಿಗೆ ಸಂಬಂಧಿಸಿದಂತೆ ಕನ್ಅಂನಡಪ್ಕರಭ ಪತ್ಣರಿಕೆಯಲ್ಲಿ ಅಂಕಣಕಾರರು. ಕನ್ನಡ ವಿಶ್ವವಿದ್ಯಾಲಯ (ಹಂಪಿ) ವಿಜ್ಞಾನ ಸಂಗಾತಿಯ ಗೌರವ ಸಂಪಾದಕರಾಗಿಯೂ ಕೆಲಸ ಮಾಡಿದ್ದಾರೆ. ‘ಸೈನ್ಸ್ ರಿಪೋರ್ಟರ್’ ಸಂಪಾದಕರೂ ಹೌದು. 'ಮರಳ ಮೇಲಿನ ಹೆಜ್ಜೆಗಳು', 'ಭೂಮಿಗುದುರಿತೆ ಜೀವ? ಮತ್ತು ಇತರ ಪ್ರಶ್ನೆಗಳು' ಕೃತಿಗಳನ್ನು ಬರೆದಿದ್ದಾರೆ. ಕರ್ನಾಟಕ ವಿಜ್ಞಾನ ಮತ್ತು ತಂತ್ರಜ್ಞಾನ ಅಕಾಡೆಮಿಯ 'ಶ್ರೇಷ್ಠ ಲೇಖಕ' ಗೌರವ ಲಭಿಸಿದೆ. ...
READ MORE
Concept & Creation 
©2025 Book Brahma Private Limited.
