‘ಸಮಗ್ರ ದಾಸ ಸಾಹಿತ್ಯ ಸಂಪುಟ: 21-ಭಾಗ 2’ ಇಂದಿರೇಶರು ಹಾಗೂ ಧಾರವಾಡ ಪ್ರದೇಶದ ಇತರ ಹರಿದಾಸರ ಕೀರ್ತನೆಗಳು ಕೃತಿಯನ್ನು ಡಾ. ಶ್ರೀನಿವಾಸ ಹಾವನೂರ ಹಾಗೂ ನಳಿನಿ ವೆಂಕಟೇಶ ಅವರು ಸಂಪಾದಿಸಿದ್ದಾರೆ. ಈ ಕೃತಿಯಲ್ಲಿ ಮುನ್ನುಡಿ, ಎರಡು ಮಾತು, ಯೋಜನೆಯನ್ನು ಕುರಿತು, ಪ್ರಕಾಶಕರ ಮಾತು, ಸಂಪಾದಕ ಮಂಡಳಿಯ ನುಡಿ, ಪ್ರಸ್ತಾವನೆ, ಕೀರ್ತನೆಗಳ ಕ್ರಮಸೂಚಿ,ಕೀರ್ತನೆಗಳು ಸೇರಿದಂತೆ ಇಂದಿರೇಶರು(ಪಾಂಡುರಂಗಿ ಹುಚ್ಚಾಚಾರ್ಯರು), ಗುರು ಇಂದಿರೇಶರು, ಗೋಪತಿವಿಠವರು, ರಮಾಪತಿವಿಠಲರು, ಸಿರಿಗೋವಿಂಠಲರು, ರಾಜಗೋಪಾಲದಾಸರು, ತಂದೆ ವರದಗೋಪಾಲವಿಠಲರು, ಗುರುತಂದೆ ವರದಗೋಪಾಲವಿಠಲರು, ಸಿರಿಗುರುತಂದೆವರದಗೋಪಾಲವಿಠಲರು, ತಂದೆವರದವಿಠಲ, ತಂದೆ ಶ್ರೀ ನರಹರಿ, ಐಹೊಳೆವೆಂಕಟೇಶರು, ಸಿರಿವಿಠಲರು, ಗದುಗಿನ ವೀರನಾರಾಯಣರು(ಹುಯಿಲಗೋಳ ನಾರಾಯಣರಾಯರು), ದೀರ್ಘಕೃತಿಗಳು- ಲಕ್ಷ್ಮೀಲೀಲಾಮೃತಸಾರ-ಇಂದಿರೇಶ, ಗುರುಕಥಾಮೃತಸಾರ-ಗುರು ಇಂದಿರೇಶ, ಕೀಚಕವಧವು-ರಾಜಗೋಪಾಲವಿಠಲ, ಶ್ರೀರಾಮ ಪಾರಿಜಾತ- ಪ್ರಹೊಳೆವೆಂಕಟೇಶ, ಅಖಿಲಾಂಡಕೋಟಿಬ್ರಹ್ಮಾಂಡನಾಯಕ- ಸಿರಿ ವಿಠಲ. ಪ್ರಹ್ಲಾದಚರಿತ್ರೆ-ಸಿರಿವಿಠಲ, ಶ್ರೀನಾರಾಯಣ ಪಂಜರವು-ಸಿರಿವಿಠಲ ಸಂಕಲನಗೊಂಡಿದ್ದು, ಅನುಬಂಧದಲ್ಲಿ ಕಠಿಣಶಬ್ದಗಳ ಅರ್ಥ, ಟಿಪ್ಪಣಿಗಳು, ಕೀರ್ತನಗೆಳ ಆಕಾರಾಧಿಸೂಚಿ ಸಂಕಲನಗೊಂಡಿವೆ.
ಕನ್ನಡ ಸಾಹಿತ್ಯಸಂಶೋಧನೆ ಮಾಡಲು ಮೊತ್ತಮೊದಲು ಕಂಪ್ಯೂಟರ್‌ ಬಳಸಿದವರು ಡಾ. ಶ್ರೀನಿವಾಸ ಹಾವನೂರರು (1928-2010). ಕನ್ನಡ ಸಾಹಿತ್ಯಕ್ಕೆ ಅವರ ಕೊಡುಗೆ ಅಪಾರವಾದುದು, ವೈವಿಧ್ಯಮಯವಾದುದು. ಸಣ್ಣ ಕಥೆ, ಲಲಿತ ಪ್ರಬಂಧ, ಜೀವನ ಚರಿತ್ರೆ, ಸಾಹಿತ್ಯ, ಸಂಸ್ಕೃತಿ, ಇತಿಹಾಸ ವಿಮರ್ಶೆ ಮೊದಲಾದ ಪ್ರಕಾರಗಳಲ್ಲಿ 60ಕ್ಕೂ ಮಿಕ್ಕಿ ಕೃತಿಗಳನ್ನು ಹೊರತಂದರು. ವಿದೇಶದಲ್ಲಿದ್ದ ಕನ್ನಡ ಸಾಹಿತ್ಯವನ್ನು ಮರಳಿ ತಾಯ್ನಾಡಿಗೆ ಕರೆತಂದರು. ಹೊಸಗನ್ನಡ ಅರುಣೋದಯದ ಸಾಹಿತ್ಯವನ್ನು ಮತ್ತೆ ತೆರೆದು ತೋರಿಸಿದರು, ಹಿಂದೆ ಮುಂಬಯಿಯ ಟಾಟಾ ಮೂಲಭೂತ ವಿಜ್ಞಾನ ಸಂಸ್ಥೆಯ ಗ್ರಂಥಪಾಲಕರಾಗಿದ್ದರು. ಮುಂದೆ ಮಂಗಳೂರು ಮತ್ತು ಮುಂಬಯಿ ವಿ.ವಿ.ಯ ಕನ್ನಡ ಅಧ್ಯಯನ ಸಂಸ್ಥೆಯ ಮುಖ್ಯಸ್ಥರಾದರು. ಆಮೇಲೆ ಪುಣೆಯಲ್ಲಿ ಮರಾಠಿ ಕನ್ನಡ ಸ್ನೇಹ ಸಂವರ್ಧನೆಯಲ್ಲಿ ಪಾತ್ರವಹಿಸಿದರು.. ಕೊನೆಗೆ ಕರ್ನಾಟಕ ಸರಕಾರದ ಸಮಗ್ರ ದಾಸ ಸಾಹಿತ್ಯ ಸಂಪಾದಕರಾಗಿ ೫೦ ಸಂಪುಟಗಳ ಪ್ರಕಟಣೆಯ ನೇತೃತ್ವ ವಹಿಸಿದರು. ಕನ್ನಡದ ನಾಡೋಜರೆಂದು ಹೆಸರಾದರು. ...
READ MORE
Concept & Creation 
©2024 Book Brahma Private Limited.
