ಕವಿ ಹಾಗೂ ಕಲಾವಿದ ಬಾಗೂರು ಮಾರ್ಕಾಂಡೇಯ ಅವರು ಬರೆದ ಕೃತಿ-ರೇಖೆಗಳು. ಇದು ಚಿತ್ರಕಲೆಯ, ರೇಖೆಗಳ ಕುರಿತಾದ ಪುಸ್ತಕ. ನನ್ನ ಅನುಭವವನ್ನು ನಾನು ಕಲಿತು ಅಭಿವ್ಯಕ್ತಿಸುವುದನ್ನು ಇನ್ನಿತರರು ಕಲಿತುಕೊಳ್ಳಬೇಕು ಎಂಬ ಆಶಯದಿಂದ ಈ ಕೃತಿ ರಚಿಸಲಾಗಿದೆ.
ಚಿತ್ರಕಲೆಯಲ್ಲಿ ರೇಖೆಗಿರುವ ಮಹತ್ವವನ್ನು ಸಾರಲೆಂದೇ ಈ ರೇಖೆಗಳು ಪುಸ್ತಕ ಬರೆದು ರೇಖೆಗಳಲ್ಲಿನ ಪ್ರಕಾರಗಳು ಅವುಗಳು ಚಿತ್ರಾಕೃತಿಯಾಗುವ ವಿಸ್ಮಯವನ್ನು ನಿರೂಪಿದ್ದೇನೆ. ಬಿಂದು ರೇಖೆಯಾಗುವುದು, ರೇಖೆ ಆಕಾರಗಳನ್ನು ಪಡೆದಾಗ ಚಿತ್ರವಾಗುವುದು, ಚಿತ್ರ ಅರ್ಥಗಳನ್ನು ಪ್ರತಿಧ್ವನಿಸುವುದು. ಭಾವ ಭಾಷೆಯ ಅಂತರಂಗವನ್ನು ಕೆಲವೇ ರೇಖೆಗಳ ಮೂಲಕ ಪ್ರತಿಫಲಿಸುವುದು, ವಿಶೇಷ ಅರ್ಥವನ್ನು ನೋಡುಗನಿಗೆ ಸವಾಲೆನಿಸುವಂತೆ ತೋರುವುದು... ಹೀಗೆ ರೇಖೆಗಳ ಭಾವಯಾನವನ್ನು ಅವುಗಳ ವಿಶಿಷ್ಟ ವ್ಯಾಪಕತೆಯನ್ನು ಅನಾವರಣಗೊಳಿಸಿರುವ ವಿಶಿಷ್ಟ ಕೃತಿ.
ಕವಿ, ಕಲಾವಿದ, ಬಾಗೂರು ಮಾರ್ಕಾಂಡೇಯ ಅವರು ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲೂಕಿನ (ಜನನ: 28-06-1966) ಬಾಗೂರು ಗ್ರಾಮದವರು. ಪರಿಸರ, ಮಕ್ಕಳ ಸಾಹಿತ್ಯ, ಚಿತ್ರಕಲೆ ಸೇರಿದಂತೆ ಸುಮಾರು 54ಕ್ಕೂ ಅಧಿಕ ಕೃತಿಗಳನ್ನು ರಚಿಸಿದ್ದಾರೆ. ಏಕ ವ್ಯಕ್ತಿ ಚಿತ್ರಕಲಾ ಪ್ರದರ್ಶನ, ಬೇರುಗಳು ಚಿತ್ರ ಸರಣಿ ಮೂಲಕ ಪರಿಸರ ಜಾಗೃತಿಗೆ ಶ್ರಮಿಸಿದವರು, ‘ರೇಖೆಗಳಲ್ಲಿ ಭಾವಗೀತೆಗಳು’ ಮೂಲಕ ನೂತನ ಪ್ರಯೋಗಶೀಲತೆ ರೂಢಿಸಿಕೊಂಡವರು. ಕನ್ನಡದ ಸುಲಭ ಕಲಿಕೆಗೆ “ಕನ್ನಡ ಸೌರಭ” ತಂತ್ರಾಂಶ ತಯಾರಿಸಿದ್ದಾರೆ. “ಬಾಗೂರು ಕಲಾ ವೇದಿಕೆ ಟ್ರಸ್ಟ್” ರಚಿಸಿಕೊಂಡು ‘ಕಲಾ ಭೂಷಣ’ ಪ್ರಶಸ್ತಿ ನೀಡುತ್ತಾ ಬಂದಿದ್ದಾರೆ ಕವನ ಸಂಕಲನಗಳು: ರೇಖಾಂತರಂಗದ ಭಾವಗುಸುಮ, ಭಾವಶಿಲ್ಪ, ಭಾವೋನ್ಮಾದಿನಿ, ಭಾವಸಮ್ಮಿಲನ, ಕೊಳಲದನಿ, ಕಾವ್ಯಕನ್ನಿಕೆ, ಚೈತ್ರ ಚೆಲುವು, ಸುವರ್ಣಪುತ್ಥಳಿ, ಸ್ವರಸಿರಿಯ ಸ್ನೇಹಲತೆ, ರಾಧಾ ಮಾಧವರ ಒಲುಮೆ ...
READ MORE
Concept & Creation 
©2024 Book Brahma Private Limited.
.jpg)
