‘ಭಾರತದಲ್ಲಿ ಆಧುನಿಕ ಕಲೆ ಮತ್ತು ಪಾಶ್ಚಾತ್ಯ ಕಲೆ’ ಬಹುಮುಖ ಪ್ರತಿಭೆಯ ಕಲಾವಿದ ಎನ್. ಮರಿಶಾಮಾಚಾರ್ ಅವರ ಕೃತಿ. ಭಾರತೀಯ ಚಿತ್ರಕಲೆಗೆ ಒಂದು ಭವ್ಯ ಇತಿಹಾಸವಿದೆ. ಅನೇಕ ವರ್ಷಗಳಿಂದ ಏಕಪ್ರಕಾರವಾಗಿ ಕಲೆ ಬೆಳೆದು ಬಂದಿದೆ. ಆದರೆ 18ನೆಯ ಶತಮಾನದ ಉತ್ತರಾರ್ಧದಿಂದ ಶಿಥಿಲವಾಗಲು ಪ್ರಾರಂಭವಾಗಿ 19ನೇ ಶತಮಾನದ ಪೂರ್ವಭಾಗದಲ್ಲಿ ನಮ್ಮ ಸಾಂಪ್ರದಾಯಿಕ ಕಲೆಗಳು, ಕುಶಲ ಕಲೆಗಳು ನಶಿಸಿಹೋಗಲು ಪ್ರಾರಂಭವಾಯಿತು. ಕ್ರಿ.ಶ. 1905ರಲ್ಲಿ ಧರ್ಮಶಾಲೆಯ ಭೂಕಂಪನ ಕಾರಣದಿಂದ ಕಾಂಗ್ರದ ನಿವಾಸಿಗಳು ಮತ್ತು ಅಲ್ಲಿಯ ಚಿತ್ರಕಾರರು ನಾಶವಾದಾಗ, ಈ ಶೈಲಿಯು ಸಮಾಪ್ತವಾಯಿತು. ಈ ಶೈಲಿಯ ಕೋಮಲತೆ ಮತ್ತು ಬಣ್ಣಗಳ ಅಲಂಕರಣ ಅದ್ವೀತಿಯ ಹಾಗೂ ಜನ ಸಾಮಾನ್ಯರ ಜೊತೆ ಸಂಬಂಧವಿದ್ದು, ಇಲ್ಲಿ ಪತನವಾದ ಮೇಲೆ ಪಟ್ಟಣಗಳಲ್ಲಿ ಚಿತ್ರಕಲೆ ಅಭಿವೃದ್ದಿ ಹೊಂದುತ್ತಿತ್ತು. ಮೊಗಲರ ಕಲೆ ದೆಹಲಿಯಲ್ಲಿ, ಲಕ್ನೋವಿನ ನವಾಬರಲ್ಲಿ, ಪಟ್ನಾ ಮತ್ತು ಕಲ್ಕತ್ತಾಗಳಲ್ಲಿ ಚಿತ್ರಕಲೆ ಮುಂದುವರೆದರೂ, ಇವುಗಳ ಯುರೋಪಿನ ವ್ಯಾಪಾರಿಗಳ ಆಜ್ಞೆಯಂತೆ ರಚಿಸಲ್ಪಟ್ಟಿದ್ದವು. ಇಂತಹ ರೋಚಕ ಇತಿಹಾಸವನ್ನು ಮರಿಶಾಮಾಚಾರ್ ಅವರು ಈ ಕೃತಿಯಲ್ಲಿ ವಿವರಿಸಿದ್ದಾರೆ. ಭಾರತೀಯ ಕಲೆ ನಡೆದುಬಂದ ಹಾದಿಯನ್ನು ಈ ಕೃತಿಯ ಮೂಲಕ ಅರ್ಥೈಸಿಕೊಳ್ಳಬಹುದು.
ಕರ್ನಾಟಕದ ಕಲಾವಲಯದ ಹಿರಿಯರು ’ಮರಿ’ ಎಂದು ಕರೆಯುತ್ತಿದ್ದ ಎನ್. ಮರಿಶಾಮಾಚಾರ್ ಅವರು ರಾಜ್ಯದ ಅಪರೂಪದ ಕಲಾಪರಿಚಾರಕ-ಲೇಖಕ. ಕರ್ನಾಟಕ ಶಿಲ್ಪಕಲಾ ಅಕಾಡೆಮಿ ರಿಜಿಸ್ಟ್ರಾರ್‌ ಆಗಿ ಕಾರ್ಯ ನಿರ್ವಹಿಸಿ ನಿವೃತ್ತರಾಗಿದ್ದ ಮರಿಶಾಮಾಚಾರ್ ಅವರು ಕಲಾಸಾಹಿತಿ. ’ನಡೆದಾಡುವ ಕಲಾಕೋಶ’ ಎಂದು ಕಲಾವಲಯದಲ್ಲಿ ಅವರನ್ನು ಗುರುತಿಸಲಾಗುತ್ತಿತ್ತು. ವಿಜಯಪುರದಲ್ಲಿ 1951ರ ಮೇ 15ರಂದು ಜನಿಸಿದ ಮರಿಶಾಮಾಚಾರ್ ಅವರು ಜಯನಗರದ ಆರ್‌.ವಿ. ಹೈಸ್ಕೂಲಿನಲ್ಲಿ ಓದುತ್ತಿರುವಾಗ ಡ್ರಾಯಿಂಗ್ ಮಾಡಲು ಆರಂಭಿಸಿದ್ದರು. ಅವರ ಅಣ್ಣ ಕೆನ್‌ ಶಾಲೆಯ ವಿದ್ಯಾರ್ಥಿಯಾಗಿದ್ದ. ಕಲೆಯ ಅಭಿರುಚಿ ಬಂದದ್ದು ಅವರ ಅಣ್ಣನಿಂದಲೇ. ಅಣ್ಣನ ಮೂಲಕ ಪರಿಚಯವಾದ ಕಲಾಗುರು ಆರ್‌.ಎಂ. ಹಡಪದ ಅವರ ಶಿಷ್ಯರಾಗಿದ್ದ ’ಮರಿ’ ಅವರು ಅವರ ಬಳಿ ಐದು ವರ್ಷ ...
READ MORE
Concept & Creation 
©2024 Book Brahma Private Limited.
.jpg)
