ಲೇಖಕ ಸಿದ್ದು ಯಾಪಲಪರವಿಯವರು ’ಅಸಂಗತ ಬರಹಗಳು’ ಕೃತಿಯಲ್ಲಿ ತನ್ನ ಬಾಲ್ಯದಲ್ಲಿ ತೀವ್ರವಾಗಿ ಕಾಡಿದ ಘಟನೆಗಳು, ವ್ಯಕ್ತಿಗಳು ಹಾಗೂ ಪ್ರಸಂಗಗಳನ್ನು ದಾಖಲಿಸಿದ್ದಾರೆ. ಕೃತಿಯಲ್ಲಿ ನಾಲ್ಕು ಭಾಗಗಳಿದ್ದು ಬಾಲ್ಯದ ನೆನಪನ್ನು ’ನೆನಪಿನಾಳ’ ಎಂಬ ಭಾಗದಲ್ಲಿ, ಯುವ ಮನಸ್ಸಿನ ಹುಚ್ಚು, ಭ್ರಾಮಕ ತಲ್ಲಣಗಳನ್ನು ’ಲವ್ಕಾಲ’ ಎಂಬ ಭಾಗದಲ್ಲಿ, ವ್ಯಕ್ತಿತ್ವ ವಿಕಸನ ಸಂದಂರ್ಭದಲ್ಲಿನ ಅಂಶಗಳನ್ನು ’ಜಾಯ್ ಫುಲ್ ಲಿವಿಂಗ್’ ನಲ್ಲಿ, ಹಾಗೂ ಸಾರ್ವಜನಿಕ ಜೀವನದಲ್ಲಿ ಸಂಧಿಸಿದವರ ಕುರಿತು, ಸಕಾಲಿಕ ಸಂಗತಿಗಳನ್ನು ’ಸಕಾಲಿಕ’ ಎಂಬ ಭಾಗದಲ್ಲಿ ದಾಖಲಿಸಿದ್ದಾರೆ.
ಸಸ್ಯಶಾಸ್ತ್ರ ವಿಜ್ಞಾನಿ ಡಾ ಆರ್.ಎಂ.ರಂಗನಾಥ ಅವರು ’ಗಂಡು-ಹೆಣ್ಣಿನ ಸಂಬಂಧವನ್ನು ಕಾಮದಾಚೆಗೆ ನೋಡುವ ದೃಷ್ಟಿಕೋನ ಇದೆ. ಕಾಮವನ್ನು ಗ್ರಹಿಸುವ ಮತ್ತು ಅಭಿವ್ಯಕ್ತಿಸುವ ರೀತಿಯಲ್ಲಿ ಹೊಸತನವಿದೆ. ಸಿದ್ದು ಯಾಪಲಪರವಿ ಬರಹಗಳಲ್ಲಿ ಫ್ರೆಂಚ್ ಕಥೆಗಾರ ಗೈದೇ ಮಾಪಸಾ ಹಾಗೂ ಅಮೇರಿಕದ ಚಿಂತಕ ರಾಲ್ಸ್ ವಾಲ್ಲೋ ಎಮರ್ಸನ್‌ರ ಕಥನ ಶೈಲಿಯಿದೆ. ಎಲ್ಲವನ್ನು ಗ್ರಹಿಸುವ, ಅರ್ಥ ಮಾಡಿಕೊಳ್ಳುವ ಜೀವನ್ಮುಖತೆ ಹಾಗೂ ಅನಿಸಿದ್ದನ್ನು ತನ್ನದೇ ಆದ ಶೈಲಿಯಲ್ಲಿ ತಕ್ಷಣ ದಾಖಲಿಸುವ ತೀವ್ರತೆ ಬೆರಗು ಹುಟ್ಟಿಸುತ್ತದೆ’ ಎಂದಿದ್ದಾರೆ.
ಸಿದ್ದು ಯಾಪಲಪರವಿಯವರು ಮೂಲತಃ ಕೊಪ್ಪಳ ಜಿಲ್ಲೆಯ ಕಾರಟಗಿಯವರು. ಸರಕಾರಿ ಶಾಲೆಗಳಲ್ಲಿ, ಧಾರವಾಡದ ಕರ್ನಾಟಕ ಕಾಲೇಜಿನಲ್ಲಿ ಶಿಕ್ಷಣ ಪೂರೈಸಿ ಗದುಗಿನ ಕನಕದಾಸ ಸಮಿತಿಯ ಮಹಾವಿದ್ಯಾಲಯದಲ್ಲಿ ಇಂಗ್ಲಿಷ್ ಪ್ರಾಧ್ಯಾಪಕರಾಗಿ ಕಾರ್ಯನಿರ್ವಹಿಸಿದ್ದಾರೆ. ಬರಹ, ಮಾತು, ತರಬೇತಿ ಹಾಗೂ ಪ್ರವಾಸ ಇವರ ನೆಚ್ಚಿನ ಪ್ರವೃತ್ತಿ. ಉಪನ್ಯಾಸಗಳು, ವಚನ ಚಳವಳಿ, ಸಾಹಿತ್ಯ, ಸಂಸ್ಕೃತಿ, ಸಿನೆಮಾ, ರಾಜಕಾರಣ ಹಾಗೂ ಆಧ್ಯಾತ್ಮ ಕುರಿತು ಚಿಂತನ- ಮಂಥನ ನಡೆಸುತ್ತಾ ದೇಶ-ವಿದೇಶಗಳಿಗೂ ಭೇಟಿ ನೀಡಿ ಜೀವನ ಕೌಶಲ್ಯ ಕುರಿತ ತರಬೇತಿ ನೀಡುತ್ತಾ ಬಂದಿದ್ದಾರೆ. ಕಳೆದ ಒಂದು ದಶಕದಿಂದ ’ಸಿದ್ದು ಕಾಲ' ಎಂಬ ಬ್ಲಾಗಿನ ಮೂಲಕ ಲೇಖನಗಳನ್ನು ಬರೆಯುತ್ತಿದ್ದಾರೆ. 1999-2002 ರವರೆಗೆ ಹಂಪಿ ಕನ್ನಡ ವಿಶ್ವವಿದ್ಯಾಲಯದ ಸೆನೆಟ್ ಸದಸ್ಯರಾಗಿದ್ದರು. ಕಾರಟಗಿ ನೂತನ ತಾಲೂಕಿನ ಪ್ರಥಮ ...
READ MORE
Concept & Creation 
©2025 Book Brahma Private Limited.
.jpg)
