ಪ್ರಾಣಿ ಪ್ರಪಂಚದ ವಿಸ್ಮಯಗಳು-ಈ ಕೃತಿಯನ್ನು ಡಾ. ಶಿವರಾಮ ಕಾರಂತ ಅವರು ರಚಿಸಿದ್ದಾರೆ. ಜಗತ್ತಿನ ಚರಾಚರವಸ್ತುಗಳ ಕಡೆಗೆ ಮಕ್ಕಳಿಗೆ ವಿಶೇಷ ಆಸಕ್ತಿ. ಜೀವ ಜಗತ್ತಿನೆಡೆಗೆ ಕೂತೂಹಲವನ್ನು ಹೆಚ್ಚಿಸುವ ಅಂಶಗಳು, ಪ್ರಾಣಿ ಪ್ರಪಂಚದ ಹಲವು ವಿಸ್ಮಯಕರ ವಿಚಾರಗಳನ್ನು ಈ ಪುಸ್ತಕ ಒಳಗೊಂಡಿದೆ. ಪ್ರಾಣಿ, ಪಕ್ಷಿಗಳ ವಾಸ, ವಲಸೆ, ಸಂಘಟನೆ, ಸಂಸಾರಿಕ ಜೀವನದಿಂದ ಹುಟ್ಟು ಸಾವಿನವರೆಗೂ ಅವುಗಳ ಜೀವನ ಪರಿಸರವನ್ನು ಬರೆದಿದ್ದಾರೆ ಪ್ರಾಣಿ ಸಮಾಜದ ವೈಶಿಷ್ಟತೆ, ವ್ಯವಸ್ಥೆ, ಜೀವನ ಕ್ರಮ, ಪ್ರಾಣಿ-ಮನುಷ್ಯ ಮಧ್ಯೆದ ಸ್ನೇಹ, ಪ್ರಾಣಿಯಲ್ಲಿರುವ ಕ್ರೌರ್ಯ, ಸ್ನೇಹ, ಅವುಗಳ ಬಳಗದಲ್ಲಿಯ ಸ್ಥಾನಮಾನಗಳ ವ್ಯವಸ್ಥೆ, ಪಕ್ಷಿಗಳ ಪ್ರಣಯ, ದಾಂಪತ್ಯ ಜೀವನ, ಸಾಕು ಪ್ರಾಣಿ-ಪಕ್ಷಿಗಳು ಹೀಗೆ ಎಲ್ಲವನ್ನೂ ನಿರೂಪಿಸಿದ್ದು ಬರವಣಿಗೆ ಮಾತ್ರವಲ್ಲ; ಸಂಗ್ರಹಿಸಿದ ಮಾಹಿತಿಯು ಬೆರಗು ಹುಟ್ಟಿಸುತ್ತದೆ. ಸ್ವತಃ ಲೇಖಕರು ಬಿಡಿಸಿದ ಚಿತ್ರಗಳು ಓದುಗರ ಗಮನ ಸೆಳೆಯುತ್ತವೆ. ಈ ಪುಸ್ತಕವು ಕೇವಲ ಮಕ್ಕಳಲ್ಲದೇ ಜೀವ ಜಾಲದ ಬಗ್ಗೆ ಆಸಕ್ತಿ ಇರುವ ಎಲ್ಲ ವಯೋಮಾನದವರು ಓದಬಹುದಾದ ಪುಸ್ತಕ.
ಕಾರ್ಗಲ ಕಾಲೊನಿಯ ರವೀಂದ್ರ ಪುಸ್ತಕಾಲಯವು 1984ರಲ್ಲಿ (ಪುಟ: 92) ಈ ಕೃತಿಯನ್ನು ಮೊದಲ ಬಾರಿಗೆ ಪ್ರಕಟಿಸಿತ್ತು.
ತಮ್ಮ ಬಹುಮುಖ ಪ್ರತಿಭೆಯಿಂದ ಕನ್ನಡ ಸಾಹಿತ್ಯ ಶ್ರೀಮಂತಗೊಳಿಸಿದ ಕೋಟ ಶಿವರಾಮ ಕಾರಂತರ ಕೊಡುಗೆ ಅನನ್ಯ- ಅಭೂತಪೂರ್ವ. 1902ರ ಅಕ್ಟೋಬರ್ 10ರಂದು ಜನಿಸಿದರು. ತಂದೆ ಶೇಷ ಕಾರಂತ ತಾಯಿ ಲಕ್ಷ್ಮಮ್ಮ. ಕುಂದಾಪುರದಲ್ಲಿ ಪ್ರೌಢಶಾಲಾ ವ್ಯಾಸಂಗವನ್ನು ಮುಗಿಸಿ ಮಂಗಳೂರಿನ ಸರ್ಕಾರಿ ಕಾಲೇಜನ್ನು ಸೇರಿದಾಗಲೆ ಗಾಂಧೀಜಿಯವರ ಅಸಹಕಾರ ಚಳುವಳಿಗೆ ಧುಮುಕಿದರು. ಆಡು ಮುಟ್ಟದ ಸೊಪ್ಪಿಲ್ಲ ಎಂಬಂತೆ ಕಾರಂತರು ಪ್ರವೇಶಿಸದ ಕ್ಷೇತ್ರವಿಲ್ಲ. ಅವರು ಸರ್ಕಾರದಲ್ಲಿ ಅಥವಾ ಇತರರ ಆಶ್ರಯದಲ್ಲಿ ದುಡಿಯಲಿಲ್ಲ. ಒಂಟಿಸಲಗದಂತೆ ನಡೆದರು, ವ್ಯಾಪಾರ ಮಾಡಿದರು, ವಸಂತ, ವಿಚಾರವಾಣಿ ಪತ್ರಿಕೆ ನಡೆಸಿದರು. ಬಾಲವನ ಸ್ಥಾಪಿಸಿದ್ದರು. ಚಲನಚಿತ್ರ , ಯಕ್ಷಗಾನ ಪ್ರಯೋಗಗಳನ್ನು ನಡೆಸಿದ್ದರು, ಹೀಗೆ ...
READ MORE
Concept & Creation 
©2024 Book Brahma Private Limited.
