‘ದೈತ್ಯಪ್ರತಿಭೆಗಳ ಹೆಗಲ ಮೇಲೆ’ ಕೃತಿ ಅಗೋಚರ ಸೂಕ್ಷ್ಮಜೀವಿ ಲೋಕದ ಅಸಾಮಾನ್ಯ ವಿವರಗಳನ್ನು ಬಿಚ್ಚುತ್ತ ಹೋಗುತ್ತದೆ. ಈ ಕ್ಷೇತ್ರದಲ್ಲಿ ನಾಲ್ಕು ಶತಮಾನಗಳ ಕಾಲ ನಡೆಸಿದ ವೈಜ್ಞಾನಿಕ ಶೋಧದ ಕಥೆಯನ್ನು ನವಿರಾಗಿ ತೆರೆಯುತ್ತದೆ. ಲ್ಯೂವೆನ್ ಹೋಕ್, ಲೂಯಿ ಪಾಶ್ಚರ್, ರಾಬರ್ಟ್ ಕಾಕ್- ಇವರು ತಮ್ಮ ಬದುಕನ್ನೇ ಅಪಾಯಕ್ಕೊಡ್ಡಿಕೊಂಡು ಸೂಕ್ಷ್ಮಜೀವಿಗಳ ಪ್ರಪಂಚವನ್ನು ಜಗತ್ತಿಗೆ ಅನಾವರಣ ಮಾಡಿದರು. ಮನುಕುಲವನ್ನಷ್ಟೇ ಅಲ್ಲ ಇಡೀ ಜೀವಿ ಸಂಕುಲವನ್ನು ಉಳಿಸಲು ಅನೇಕ ಸಾಧಕರು ಹೋರಾಡಿದರು. ಅಗೋಚರ ಶತ್ರುಗಳನ್ನು ಪತ್ತೆಹಚ್ಚಿದರು. ಅವುಗಳನ್ನು ತಮ್ಮ ಅಡಗುತಾಣಗಳಿಂದ ಹೊರಗೆಳೆದರು. ಅವುಗಳ ಬೆನ್ನು ಹತ್ತಿದರು. ಲಸಿಕೆಗಳನ್ನು ಸೃಷ್ಟಿಸಲು ಹೋರಾಡಿ ಗೆದ್ದರು. ಹಾಗಿರದಿದ್ದರೆ ಕಾಲರಾ ರೋಗ ಒಂದೇ ಸಾಕು, ಇಡೀ ಜೀವಿಸಂಕುಲವನ್ನು ಒಂದೇ ಅಲೆಯಲ್ಲಿ ಮುಗಿಸುತ್ತಿತ್ತು. ಈ ಪುಸ್ರಕದಲ್ಲಿ ತಾಂತ್ರಿಕ ಶಬ್ದಗಳ ಗೊಂದಲವಿಲ್ಲ. ಸುಲಭ ಶೈಲಿ. ಆತ್ಮೀಯ ನಿರೂಪಣೆ ಕೃತಿಯುದ್ದಕ್ಕೂ ಓದುಗರನ್ನು ಸೆರೆ ಹಿಡಿಯುತ್ತದೆ. ಮನುಕುಲ ಉಳಿಸಿದ ಈ ದೈತ್ಯಪ್ರತಿಭೆಗಳ ಸಾಹಸಗಾಥೆಗೆ ಈ ಪುಸ್ತಕ ಪ್ರವೇಶವನ್ನು ಒದಗಿಸುತ್ತದೆ.
ಭೂ ವಿಜ್ಞಾನಿ, ಸಂಶೋಧಕ, ಅಂಕಣಕಾರ, ವಿಜ್ಞಾನ ಲೇಖಕ ಟಿ.ಆರ್. ಅನಂತರಾಮು ಅವರು ಜನಿಸಿದ್ದು 1949 ಆಗಸ್ಟ್ 3ರಂದು ತುಮಕೂರು ಜಿಲ್ಲೆ ಶಿರಾ ತಾಲ್ಲೂಕಿನ ತಾಳಗುಂದದಲ್ಲಿ.ತಾಳಗುಂದ ರಾಮಣ್ಣ ಅನಂತರಾಮು ಅವರ ಪೂರ್ಣ ಹೆಸರು. ಸಿರಾದ ಸರ್ಕಾರಿ ಮಾಧ್ಯಮಿಕ ಶಾಲೆಯಲ್ಲಿ ಮಾಧ್ಯಮಿಕ ಶಿಕ್ಷಣ ಪೂರ್ಣಗೊಳಿಸಿದ ಅವರು ಸಿರಾದ ಮುನಿಸಿಪಲ್ ಹೈಸ್ಕೂಲಿನಲ್ಲಿ ಪ್ರೌಢಶಿಕ್ಷಣ ಪೂರ್ಣಗೊಳಿಸಿದ್ದಾರೆ. ಆನಂತರ ತುಮಕೂರಿನ ಸರ್ಕಾರಿ ಕಾಲೇಜಿನಲ್ಲಿ ಪದವಿ, ಮೈಸೂರು ವಿಶ್ವವಿದ್ಯಾಲಯದಲ್ಲಿ ಎಂ.ಎನ್ಸಿ(ಜಿಯಾಲಜಿ) ಪದವಿ ಪಡೆದಿದ್ದಾರೆ. ಭೂ ವಿಜ್ಞಾನ ವಿಷಯದಲ್ಲಿ ಪದವಿ ಪಡೆದ ನಂತನ ಬೆಂಗಳೂರಿನ ಸರ್ಕಾರಿ ವಿಜ್ಞಾನ ಕಾಲೇಜಿನಲ್ಲಿ ಪ್ರಾಧ್ಯಾಪಕರಾಗಿ, ರಾಜ್ಯದ ನಾನಾ ಕಾಲೇಜುಗಳಲ್ಲಿ ಅಧ್ಯಾಪಕರಾಗಿ ಕೆಲಸ ಮಾಡಿದ್ದಾರೆ. ...
READ MORE
Concept & Creation 
©2024 Book Brahma Private Limited.
