ಸ್ವಿಸ್‌ ನಾಟಕಕಾರ ಮತ್ತು ಕಾದಂಬರಿಕಾರ ಮ್ಯಾಕ್ಸ್ ಫ್ರಿಶ್ ಅವರ ʻಫೈರ್‌ ರೈಸರ್ಸ್‌ʼ ಎಂಬ ವ್ಯಂಗ್ಯ ನಾಟಕ ಕೃತಿಯ ಕನ್ನಡ ಅನುವಾದ ʻನಮ್ಮೂರ ಬೆಂಕಿಬಾಕರುʼ. ಲೇಖಕ ಎಸ್. ಸುರೇಂದ್ರನಾಥ್ ಅವರು ರೂಪಾಂತರಿಸಿದ್ದಾರೆ. 1958ರಲ್ಲಿ ಪ್ರಕಟವಾದ ಮೂಲ ಕೃತಿಯು ಸಾಮಾನ್ಯ ನಾಗರಿಕರ ಮೇಲೆ ದುಷ್ಟರು ಮಾಡುವ ದಾಳಿ, ಪ್ರಭಾವದ ಬಗ್ಗೆ ಹೇಳುತ್ತದೆ. ಕತೆಯನ್ನು ನಿಯಮಿತವಾಗಿ ಅಗ್ನಿಯಿಂದ ದಾಳಿಗೊಳಗಾದ ಪಟ್ಟಣದಲ್ಲಿ ಚಿತ್ರಿಸಲಾಗಿದೆ. ಪ್ರೇಗ್‌ನಲ್ಲಿ ಕಮ್ಯುನಿಸ್ಟ್ ಸ್ವಾಧೀನಕ್ಕೆ ಪ್ರತಿಕ್ರಿಯೆಯಾಗಿ ನಾಜಿಸಂ ಮತ್ತು ಫ್ಯಾಸಿಸಂನ ರೂಪಕವಾಗಿ ಈ ಪುಸ್ತಕವನ್ನು ನೋಡಲಾಗುತ್ತದೆ. ಮ್ಯಾಕ್ಸ್ ಫ್ರಿಶ್ ತಮ್ಮ ನಾಟಕಗಳಲ್ಲಿ ಸದಾ ಅಸ್ಮಿತೆಯನ್ನು, ವೈಯಕ್ತಿಕತೆ ಮತ್ತು ವ್ಯಕ್ತಿಯ ಬದುಕಿನ ಜವಾಬ್ದಾರಿಗಳನ್ನು ಕುರಿತು ಹರಿತ ವ್ಯಂಗ್ಯದಿಂದ ಚರ್ಚಿಸುವವರು. ಪ್ರಸ್ತುತ ಕೃತಿಯಲ್ಲೂ ಗಂಭೀರ ವಿಚಾರಗಳನ್ನು ಹಾಸ್ಯದ ಮೂಲಕ ಓದುಗರ ಮುಂದಿಟ್ಟಿದ್ದಾರೆ.
ಸುರೇಂದ್ರನಾಥ್ ಅವರು ಹುಟ್ಟಿದ್ದು ಮೂಡಬಿದರೆಯ ಸಮೀಪದ ಒಂದು ಹಳ್ಳಿಯಲ್ಲಿ. ಓದಿದ್ದು ಬೆಳೆದಿದ್ದು ದಾವಣಗೆರೆಯಲ್ಲಿ. ಓದಿನ ಸಮಯದಲ್ಲೇ ಸಾಹಿತ್ಯ, ನಾಟಕದ ಗೀಳು ಹತ್ತಿಸಿಕೊಂಡ ಅವರು ದೆಹಲಿಯ ನ್ಯಾಷನಲ್ ಸ್ಕೂಲ್ ಆಫ್ ಡ್ರಾಮಾದಲ್ಲಿ ನಾಟಕದ ತರಬೇತಿ ಪಡೆದರು. ಹೊಟ್ಟೆಪಾಡಿಗಾಗಿ ಒಂದಿಷ್ಟು ವರ್ಷಗಳು ಹಲವಾರು ಪತ್ರಿಕೆಗಳಲ್ಲಿ, ಜಾಹೀರಾತು ಕಂಪೆನಿಗಳಲ್ಲಿ ದುಡಿದಿದ್ದಾರೆ. ಬೆಂಗಳೂರಿನ ಸಂಕೇತ್ ತಂಡದಲ್ಲಿ ಸೇರಿ ಹಲವು ನಾಟಕಗಳನ್ನು ನಿರ್ದೇಶಿಸಿದ್ದಾರೆ. ಆನಂತರ ಈಟಿವಿ ಸಂಸ್ಥೆಯನ್ನು ಸೇರಿದ ಅವರು ಹದಿಮೂರು ವರ್ಷಗಳ ಕಾಲ ಹೈದರಾಬಾದಿನಲ್ಲಿ ಕಾರ್ಯನಿರ್ವಹಿಸಿದ್ದಾರೆ. ವೃತ್ತಿ, ರಂಗಭೂಮಿ ಒಡನಾಟಗಳೊಂದಿಗೆ ಸಾಹಿತ್ಯ ಕ್ಷೇತ್ರದಲ್ಲೂ ಛಾಪು ಮೂಡಿಸಿರುವ ಸುರೇಂದ್ರನಾಥ್ ಎರಡು ಕಥಾಸಂಕಲನಗಳು - ಕಟ್ಟು ...
READ MORE
Concept & Creation 
©2025 Book Brahma Private Limited.
