`ಬಹುವಚನ’ ಅಗ್ರಹಾರ ಕೃಷ್ಣಮೂರ್ತಿ ಅವರ ಅಂಕಣ ಬರಹಗಳ ಸಂಕಲನವಾಗಿದೆ. ನವೆಂಬರ್‌ 2003 ರಿಂದ ಸುಮಾರು ಎರಡು ವರ್ಷಗಳ ಕಾಲ ಹದಿನೈದು ದಿನಕ್ಕೊಮ್ಮೆ ಶುಕ್ರವಾರದಂದು ಈ ಅಂಕಣ ಬಹುವಚನ ಎಂಬ ಶೀರ್ಷಿಕೆಯೊಂದಿಗೆ ಪ್ರಕಟವಾಗುತ್ತಿತ್ತು. ಬಹುವಚನ ಎನ್ನುವ ಈ ಅಂಕಣವು ನಿಜದಲ್ಲಿ ಬಹುತ್ವಗಳ ಹುಡುಕಾಟವೇ ಆಗಿದೆ. ವರ್ತಮಾನದ ಸಂಗತಿಗಳಿಗೆ ಸಲ್ಲುವ ಚರಿತ್ರೆಯನ್ನು, ಈ ಎರಡರಿಂದಾಗಿ ಹುಟ್ಟುವ ಭವಿಷ್ಯದ ಕನವರಿಕೆಗಳನ್ನು ಕೃತಿಯಲ್ಲಿ ನೋಡಬಹುದು. ಜನಸಮುದಾಯವನ್ನು ಕಣ್ಣ ಮುಂದೆ, ಬೆನ್ನ ಹಿಂದೆ ಕಾಡುವ, ಪ್ರಭಾವಿಸುವ ಸಂಗತಿಗಳು ಇಲ್ಲಿ ಆದ್ಯತೆ ಪಡೆದಿವೆ. ಅದು ಕನ್ನಡ ರೊಟ್ಟಿ, ಇಂಗ್ಲಿಷ್ ಬೆಣ್ಣೆಯಾಗಬಹುದು, ಕಂಪ್ಯೂಟರ್ ಎಂಬ ಮಹಾ ಮಾಯೆಯಾಗಬಹುದು. ಸಾಮಾಜಿಕ ಎಚ್ಚರವನ್ನು ಉಳಿಸಿಕೊಳ್ಳಬೇಕಾದ ಅಗತ್ಯವನ್ನು ಇಲ್ಲಿನ ಲೇಖನಗಳು ಮತ್ತೆ ಮತ್ತೆ ತಮಗೆ ತಾವೇ ಎಂಬಂತೆ ಹೇಳಿಕೊಳ್ಳುತ್ತಾ ಹೋಗುತ್ತವೆ. ಇಲ್ಲಿನ ಲೇಖನಗಳಿಗೆ ಆಪ್ತಗುಣವೊಂದು ಒದಗಿರುವುದು ಇವು ಉಳಿಸಿಕೊಳ್ಳಲು ಹಂಬಲಿಸುವ ಪ್ರಾಮಾಣಿಕತೆಯಲ್ಲಿ. ಮೂಲತಃ ಅಗ್ರಹಾರ ಭಾರತದ ಬಹುತ್ವಗಳಿಗೆ ಸಮಾನವೇದಿಕೆಯನ್ನು ಹುಡುಕುವ ಹಂಬಲದವರು. ಅದು ಗಾಂಧಿ, ಜನತಾ ವಿಶ್ವವಿದ್ಯಾಲಯದ ಮಹಾಗುರುವಾದ ಎಂ ಡಿ ಎನ್ ಅವರಾಗಲಿ, ಹೂವಾಡಿಗ ಕೆಎಸ್‌ನ ಅವರಾಗಲಿ, ಜಗತ್ತಿನ ಯಾವ ಮೂಲೆಯಿಂದ ಲಾದರೂ ಸರಿ ಅದನ್ನು ಎತ್ತಿ ಹಿಡಿಯುವ ಅಂಶಗಳನ್ನು ಈ ಕೃತಿ ಹುಡುಕುತ್ತದೆ. ಬದುಕಿನ ಆರೋಗ್ಯದಲ್ಲಿ ಆ ಆರೋಗ್ಯವನ್ನು ಹೆಚ್ಚಿಸುವ ಕಲೆಗಳನ್ನು ಮರೆಯಬಾರದು ಎನ್ನುವುದೂ ಇಲ್ಲಿನ ಮತ್ತೊಂದು ಕಾಳಜಿಯಾಗಿದೆ. ಸಾರ್ವಜನಿಕ ವಿಷಯಗಳನ್ನು ಕುರಿತ ಅಂಕಣಗಳಿಗೂ ಕಾವ್ಯಗುಣ ಇರಬಹುದೆನ್ನುವುದನ್ನು ಕಾಣಿಸಿದ ಅಪರೂಪದ ಕೃತಿಗಳಲ್ಲೊಂದು ಬಹುವಚನ.
ಲೇಖಕ ಅಗ್ರಹಾರ ಕೃಷ್ಣಮೂರ್ತಿ ಅವರು 1953 ರ ಜನವರಿ 18 ರಂದು, ತುಮಕೂರು ಜಿಲ್ಲೆಯ ಜೆಟ್ಟಿ ಅಗ್ರಹಾರದಲ್ಲಿ ಜನಿಸಿದರು. ಕರ್ನಾಟಕದ ಅತ್ಯಂತ ಅಲ್ಪಸಂಖ್ಯಾತ ಜಾತಿಗಳಲ್ಲೊಂದಾದ ಜೆಟ್ಟಿ ಜನಾಂಗದ ಏಕಮಾತ್ರ ಲೇಖಕರು ಎನ್ನಬಹುದು. ಎಪ್ಪತ್ತರ ದಶಕದಲ್ಲಿ ಹಲವು ಎಳೆಯ ಲೇಖಕರನ್ನು ಬೆಳೆಸಿದ ಸಮಾಜವಾದಿ ಯುವಜನ ಸಭಾದಲ್ಲಿ ಎಂ.ಡಿ.ನಂಜುಂಡಸ್ವಾಮಿ, ಲಂಕೇಶ್, ಗೋಪಾಲಗೌಡರ ಶಿಷ್ಯರಾಗಿದ್ದ ಅಗ್ರಹಾರ ಕೃಷ್ಣಮೂರ್ತಿ, ಬೆಂಗಳೂರಿನಲ್ಲಿ ಕನ್ನಡ ಎಂ.ಎ. ಪದವೀಧರರು. ಒಂದೆರಡು ವರ್ಷ ಕಾಶಿ ವಿಶ್ವವಿದ್ಯಾಲಯದಲ್ಲಿ ಅಧ್ಯಾಪಕರಾಗಿದ್ದರು. ಕೆಲವು ವರ್ಷ ಆಕಾಶವಾಣಿಯಲ್ಲಿ ಹಾಗೂ ಬೆಂಗಳೂರಿನ ಕೇಂದ್ರ ಸಾಹಿತ್ಯ ಅಕಾಡೆಮಿಯ ಪ್ರಾದೇಶಿಕ ಕಾರ್ಯದರ್ಶಿಯಾಗಿಯೂ ಕಾರ್ಯನಿರ್ವಹಿಸಿದ್ದಾರೆ. ತುಮಕೂರು ಜಿಲ್ಲೆಯ ಜಾನಪದ ಆಚರಣೆಯೊಂದನ್ನು ಅಧ್ಯಯನ ಮಾಡಿ ...
READ MORE
Concept & Creation 
©2025 Book Brahma Private Limited.
