ಕವಿ ಸಮಯ

`ಕವಿ ಸಮಯ’ ನಾಗೇಶ್ ಜೆ. ನಾಯಕ ಅವರ ಅಂಕಣ ಬರಹವಾಗಿದೆ. ಇದಕ್ಕೆ ಬಿ. ಆರ್. ಲಕ್ಷ್ಮಣರಾವ್ ಅವರ ಬೆನ್ನುಡಿ ಬರಹವಿದೆ; 'ಕವಿ ಸಮಯ' ಶ್ರೀ ನಾಗೇಶ್ ಜೆ. ನಾಯಕ ಅವರ 50 ಅಂಕಣ ಬರಹಗಳ ಸಂಕಲನ. ಈ ಬರಹಗಳು ಈಗಾಗಲೇ ಪ್ರತಿಷ್ಠಿತ 'ಲೋಕ ದರ್ಶನ' ಪತ್ರಿಕೆಯಲ್ಲಿ ಪ್ರಕಟವಾಗಿ ಜನಪ್ರೀತಿ ಗಳಿಸಿವೆ. ಇಲ್ಲಿ ನಾಯಕ್ 50 ಜನಪ್ರಿಯ ಭಾವಗೀತೆಗಳನ್ನು ಓದುಗರಿಗೆ ಪರಿಚಯಿಸಿದ್ದಾರೆ. ಕವಿತೆ ಗಳನ್ನು, ಕತೆಗಳನ್ನು ಓದುಗರಿಗೆ ಪರಿಚಯಿಸುವ ಅಂಕಣ ಬರಹಗಳು ಹಲವಾರು ಪತ್ರಿಕೆಗಳಲ್ಲಿ ಈಗಾಗಲೇ ಬಂದಿವೆ. ಆದರೆ ನನಗೆ ತಿಳಿದ ಮಟ್ಟಿಗೆ ಕನ್ನಡದ ಭಾವಗೀತೆಗಳನ್ನು ಓದುಗರಿಗೆ ಪರಿಚಯಿಸಲೆಂದೇ ಬರೆಯಲಾದ ಅಂಕಣ ಬರಹಗಳು ಇವೇ ಮೊದಲು. ಹೀಗಾಗಿ ಈ ಸಂಕಲನಕ್ಕೆ ಕನ್ನಡದ ಸಾರಸ್ವತಲೋಕದಲ್ಲಿ ಒಂದು ಚಾರಿತ್ರಿಕ ಮಹತ್ವ ತಾನಾಗಿ ಪ್ರಾಪ್ತವಾಗಿದೆ.