‘ಆನ್ ಲೈನ್- ಆಫ್ ಲೈನ್ ಕಲಿಕೆ’ ಲೇಖಕ ಬೇದ್ರೆ ಮಂಜುನಾಥ ಅವರ ಕೃತಿ. ಐಸಾಕ್ ಅಸಿಮೋವ್ ಕಾಣ್ಕೆ ನಿಜವಾಗಿದೆ. ಆಲ್ವಿನ್ ಟಾಫ್ಲರ್ ನ ಫ್ಯೂಚರ್ ಷಾಕ್ ತಲ್ಲಣಗೊಳಿಸಿದೆ. ಆನ್ ಲೈನ್ ಶಿಕ್ಷಣ ಕ್ರಾಂತಿ ಕಾಲಿಟ್ಟಿದೆ. ಇ- ಲರ್ನಿಂಗ್ ಜಾಯ್ ಲರ್ನಿಂಗ್ ಸಾಕ್ಷಾತ್ಕಾರಗೊಂಡಿದೆ. ಡಿಜಿಟಲ್ ಮೋಸಗಾರರೂ ಹುಟ್ಟಿಕೊಂಡಿದ್ದಾರೆ. ಗೂಗಲ್, ಯೂಟ್ಯೂಬ್ ಗಳು ಶಿಕ್ಷಣ ಕ್ಷೇತ್ರದಲ್ಲಿ ಊಹಿಸಲಿಕ್ಕೂ ಸಾಧ್ಯವಾಗದ ವಿನೂತನ ಬದಲಾವಣೆಗಳನ್ನು ತಂದಿವೆ. ಡಿಜಿಟಲ್ ಅಸಿಸ್ಟೆಂಟ್ ಗಳು ನಮ್ಮ ದಿನಚರಿಯನ್ನು ನಿಯಂತ್ರಿಸುತ್ತಿವೆ. ಮಲ್ಟಿಮೀಡಿಯಾ ಟೀಚಿಂಗ್ ದೈನಂದಿನ ಆಕರ್ಷಣೆಯಾಗಿದೆ. ಇಷ್ಟ ಬಂದದ್ದನ್ನು ಕಲಿಯಲು ಸಾಧ್ಯಮಾಡುವ ಲಿಬರಲ್ ಆರ್ಟ್ಸ್ ಎಜುಕೇಷನ್ ರಾಷ್ಟ್ರೀಯ ಶಿಕ್ಷಣ ನೀತಿ 2020 ರಲ್ಲಿ ಸ್ಥಾನಪಡೆದಿದೆ. ಈ ಎಲ್ಲಾ ವಿಷಯಗಳೊಂದಿಗೆ ನೂರಾರು ವೆಬ್ ಸೈಟ್ ಗಳ ಸಹಿತ ಹೊಸ ಹೊಸ ಕಲಿಕೆಯ ಮಾರ್ಗಗಳ ಅನ್ವೇಷಣೆ ಆರಂಭವಾಗಿದೆ. ಆನ್ ಲೈನ್- ಆಫ್ ಲೈನ್ ಕಲಿಕೆಯ ಪ್ರಯೋಗಗಳ ಫಲಿತಾಂಶಗಳನ್ನು ಈ ಕೃತಿಯಲ್ಲಿ ಹಂಚಿಕೊಳ್ಳಲಾಗಿದೆ.
ಲೇಖಕ, ಚಿಂತಕ, ಅಂಕಣಕಾರರಾದ ಬೇದ್ರೆ ಮಂಜುನಾಥ್ ಮೂಲತಃ ಶಿವಮೊಗ್ಗದವರು, 10-06-1967ರಲ್ಲಿ ಕಡುಬಡತನದ ಕುಟುಂಬದಲ್ಲಿ ಹುಟ್ಟಿದ ಮಂಜುನಾಥ್ ಸದಾ ಕ್ರಿಯಾಶೀಲ ವ್ಯಕ್ತಿ. ತಮ್ಮ ಸ್ವ-ಪರಿಶ್ರಮದಿಂದಲೇ ಬೆಳೆದಿರುವ ಅವರು ಈ ವರೆಗೂ 50ಕ್ಕಿಂತಲೂ ಹೆಚ್ಚಿನ ಪುಸ್ತಕಗಳನ್ನು ರಚಿಸಿದ್ದಾರೆ. ಸದ್ಯ ಆಕಾಶವಾಣಿ ಮೈಸೂರು ವಿಭಾಗದಲ್ಲಿ ಕಾರ್ಯನಿರ್ವಹಿಸುತ್ತಿದ್ದಾರೆ. ಮಂಜುನಾಥ್ ಅವರು ಶಿವಮೊಗ್ಗದ ಸಹ್ಯಾದ್ರಿ ಕಾಲೇಜಿನಲ್ಲಿ ಬಿ.ಎ ಓದುವಾಗಲೇ ಇಂಗ್ಲೀಷ್ ಗ್ರಾಮರ್ ಬಗ್ಗೆ ಪುಸ್ತಕ ಪ್ರಕಟಿಸಿದ್ದರು. ಈ ಪುಸ್ತಕ 10 ಬಾರಿ ಮರು ಮುದ್ರಣಕಂಡು ದಾಖಲೆ ಸೃಷ್ಟಿಸಿತ್ತು. ಆನಂತರ ಕುವೆಂಪು ವಿವಿಯಲ್ಲಿ ಇತಿಹಾಸದಲ್ಲಿ ಪ್ರಥಮರಾಗಿ ಪದವಿ ಗಳಿಸಿದ್ದರು. ಇಂಗ್ಲೀಷಿನಲ್ಲಿ ಎಂ.ಎ.ಮಾಡಲು ಬಯಸಿದ್ದ ಅವರು ಮೈಸೂರಿಗೆ ತೆರಳಿದರು. ಎಂ.ಎ ...
READ MORE
Concept & Creation 
©2025 Book Brahma Private Limited.
