'ಸಾಹಿತ್ಯ ಮತ್ತು ಪುರಾಣ'- ಸಹಸಂಬಂಧಗಳ ಅಧ್ಯಯನ ತೌಲನಿಕ ಕ್ಷೇತ್ರದಲ್ಲಿ ಒಂದು ಅಮೂಲ್ಯ ಕೃತಿ. ಇದು ಅತ್ತ ಸಾಹಿತ್ಯವನ್ನೂ ಇತ್ತ ಪುರಾಣವನ್ನೂ ಒಂದು ಸಮಗ್ರ ನಿಟ್ಟಿನಲ್ಲಿ ನೋಡುವ ಗ್ರಂಥವಾಗಿದೆ. ಪ್ರೊ. ಮಲ್ಲೇಪುಂ ಜಿ. ವೆಂಕಟೇಶ ಅವರ ಅಪಾರವಾದ ವೈದುಷ್ಯ. ತೌಲನಿಕ ಜ್ಞಾನ, ಪ್ರಾಚೀನ ಸಾಹಿತ್ಯ ಕುರಿತ ಸೂಕ್ಷ್ಮ ತಿಳಿವಳಿಕೆಗಳು- ಈ ಗ್ರಂಥದ ಉದ್ದಕ್ಕೂ ಹೆಪ್ಪುಗಟ್ಟಿವೆ. ಈಚೀಚೆಗೆ ಅಂತರ್ ಶಿಸ್ತೀಯ ಅಧ್ಯಯನಗಳು ನಡೆಯುತ್ತಿವೆಯಷ್ಟೇ. ಇಂಥ ಅಧ್ಯಯನಗಳು ತೌಲನಿಕ ಕ್ಷೇತ್ರದಲ್ಲಿ ಪ್ರವೇಶ ಮಾಡಿವೆ. ಹೀಗಾಗಿ ಹೊಸ ಜೀವಗಳನ್ನೂ ಪ್ರಾಣಗಳನ್ನೂ ಸಾಧನಗಳನ್ನೂ ಇದು ಪ್ರಧಾನ ಮಾಡಿದೆ. ಇಂಥ ಅಂತರ್ ಶಿಸ್ತೀಯ ಕ್ಷೇತ್ರವನ್ನು ಆಯ್ದುಕೊಂಡು ರಚಿತವಾದ ಈ ಗ್ರಂಥ, ಹಲವು ಬಗೆಯ ಓದುಗರಿಗೆ ಉಪಯುಕ್ತ ತಿಳಿವಳಿಕೆಯನ್ನು ನೀಡುತ್ತದೆ.
ಕರ್ನಾಟಕ ಸಂಸ್ಕೃತ ವಿಶ್ವವಿದ್ಯಾಲಯದ ಮೊದಲ ಕುಲಪತಿಗಳಾಗಿದ್ದ ಮಲ್ಲೇಪುರಂ ಜಿ. ವೆಂಕಟೇಶ ಅವರು 1952, ಜೂನ್ 5ರಂದು ಬೆಂಗಳೂರು ಜಿಲ್ಲೆಯ ನೆಲಮಂಗಲದಲ್ಲಿ ಜನಿಸಿದರು. ತಂದೆ ಗಂಗಯ್ಯ, ತಾಯಿ ವೆಂಕಟಮ್ಮ. ಪ್ರಾಥಮಿಕ ಮತ್ತು ಪ್ರೌಢಶಾಲೆ ವಿದ್ಯಾಭ್ಯಾಸ ನೆಲಮಂಗಲದ ಸರ್ಕಾರಿ ಮತ್ತು ಹೈಯರ್‌ಸೆಕೆಂಡರಿ ಶಾಲೆ. ಮೊದಲ ಸಂಸ್ಕೃತ-ಕನ್ನಡ ಗುರುಗಳು ಎಸ್.ವಿ. ರಾಮಸ್ವಾಮಿ ಅಯ್ಯಂಗಾರ್. ಸಿದ್ಧಗಂಗಾ ಮಠದಲ್ಲಿ ಕನ್ನಡ ಪಂಡಿತ್ ಮತ್ತು ಸಂಸ್ಕೃತ ಅಲಂಕಾರವಿದ್ವತ್ ವ್ಯಾಸಂಗ. ವಿದ್ವಾನ್ ಬಿ. ವೆಂಕಟರಾಮಭಟ್ಟ, ಇವರಲ್ಲಿ ಕಾವ್ಯಾಲಂಕಾರಗಳ ಅಧ್ಯಯನ. ಬೆಂಗಳೂರಿನ ಶ್ರೀರಾಮಕೃಷ್ಣಾಶ್ರಮದಲ್ಲಿ ಸ್ವಾಮಿ ಆದಿದೇವಾನಂದರಿAದ ಅದ್ವೈತ ವೇದಾಂತದ ಅನುಗ್ರಹ. ಮೈಸೂರು ವಿಶ್ವವಿದ್ಯಾಲಯದಿಂದ ಕನ್ನಡ ಎಂ.ಎ., ಮೂರನೇ ರ‍್ಯಾಂಕಿನೊಡನೆ ಕುವೆಂಪು ಚಿನ್ನದ ...
READ MORE
Concept & Creation 
©2024 Book Brahma Private Limited.
