ಲೇಖಕ ಸಿ.ಎಸ್. ನಾಗೇಶ್ ಕುಮಾರ್ ಅವರ ಪತ್ತೆದಾರಿ ಕಾದಂಬರಿ ಕೃತಿ ʻಮುಳುಗುವ ಕೊಳʼ. ಇಲ್ಲಿ, ಅಂಚನಾ ಮತ್ತು ಕಂಚನಾ ಎಂಬ ಅವಳಿ ಜವಳಿ ಅಕ್ಕ ತಂಗಿಯಂದಿರ ಕುರಿತಾಗಿ ಹಾಗೂ ಒಂದು ದಿನ ಸಂಶಯಾಸ್ಪದವಾಗಿ ಈಜುಕೊಳದಲ್ಲಿ ಬಿದ್ದು ಸಾಯುವ ಅಕ್ಕನ ಸಾವಿನ ಹಿಂದಿನ ರಹಸ್ಯದ ಬಗ್ಗೆ ಕತೆಯನ್ನು ಹೆಣೆಯಲಾಗಿದೆ. ಸಾಯುವ ಮೊದಲು ಅಕ್ಕ, ತಂಗಿಯ ಹೆಸರಿನಲ್ಲಿ ಸುಮಾರು ಐದು ಲಕ್ಷದಷ್ಟು ರೂ. ಜೀವ ವಿಮಾ ಕೂಡಿಟ್ಟಿದ್ದು, ಆದರೆ ಆಕೆಯ ಅಕಾಲಿಕ ಮರಣ ಎಲ್ಲರನ್ನೂ ತಬ್ಬಿಬ್ಬಾಗಿಸುತ್ತದೆ. ಬಳಿಕ ಪತ್ತೆದಾರನ ಮೂಲಕ ಅದರ ಸತ್ಯಾಸತ್ಯತೆಗಳನ್ನು ತಿಳಿಯಲು ಮುಂದಾಗುತ್ತಿದ್ದ ಹಾಗೆ ತೆರೆದುಕೊಳ್ಳುವ ಕುತೂಹಲಕಾರಿ ರಹಸ್ಯಗಳು ಕತೆಗೆ ತಿರುವನ್ನು ನೀಡುತ್ತಾ ಹೋಗುತ್ತದೆ.
ಹವ್ಯಾಸಿ ದ್ವಿಭಾಷಾ ಬರಹಗಾರ ನಾಗೇಶ್ ಕುಮಾರ್ ಸಿ.ಎಸ್. ಅವರು ಜನಿಸಿದ್ದು ಬೆಂಗಳೂರಿನಲ್ಲಿ. ಸಿವಿಲ್ ಇಂಜಿನಿಯರಿಂಗ್‌ನಲ್ಲಿ ಸ್ನಾತಕೋತ್ತರ ಪದವಿ ಪಡೆದಿರುವ ಇವರು ಚೆನ್ನೈ ನಗರದ ಬಹುರಾಷ್ಟ್ರೀಯ ಸಂಸ್ಥೆಯೊಂದರಲ್ಲಿ ಮ್ಯಾನೇಜರ್ ಆಗಿ ಕಾರ್ಯ ನಿರ್ವಹಿಸುತ್ತಿದ್ದಾರೆ. ಇವರು ಬರೆದ ಸಣ್ಣ ಕತೆ, ಕಿರು ಕಾದಂಬರಿಗಳು ತರಂಗ, ತುಷಾರ ಉತ್ಥಾನ, ಸುಧಾ, ಕರ್ಮವೀರ ಸೇರಿದಂತೆ ಹಲವಾರು ನಿಯತಕಾಲಿಕಗಳಲ್ಲಿ ಪ್ರಕಟವಾಗಿದೆ. ರಕ್ತಚಂದನ, ನಾಳೆಯನ್ನು ಗೆದ್ದವನು ಇವರ ಪ್ರಮುಖ ಕೃತಿಗಳು. ‘ಕರಾಳ ಗರ್ಭ’ ಅವರ ಆಡಿಯೋ ಪುಸ್ತಕ ಇತ್ತೀಚೆಗೆ ಬಿಡುಗಡೆಗೊಂಡಿದ್ದು ಕೇಳುಗರಿಂದ ಮೆಚ್ಚುಗೆ ಪಡೆದಿದೆ. ...
READ MORE
Concept & Creation 
©2025 Book Brahma Private Limited.
