‘ಮಾಯಾ’ ರಾಜಶೇಖರ ಭೂಸನೂರಮಠ ಅವರ ವೈಜ್ಞಾನಿಕ ಪತ್ತೆದಾರಿ ಕಾದಂಬರಿಯಾಗಿದೆ. ಈ ಕೃತಿಯಲ್ಲಿನ ಕೆಲವೊಂದು ವಿಚಾರಗಳು ಹೀಗಿವೆ : ಇಂಗ್ಲೆಂಡಿನಿಂದ ಮರಳಿ ಬಂದ ರೂಪಸಿ ಮಾಯಾ. ಕತಾನಾಯಕನ ಹೆಸರು ಡಾ. ಗೋಸಾವಿ. ಮಾಯಾಳಿಗಾಗಿ ಕಾದು ಆಕೆಯನ್ನು ಪಡೆಯಲು ತನ್ನ ವೈಜ್ಞಾನಿಕ ಪಾಂಡಿತ್ಯವನ್ನೇ ಅರ್ಪಿಸಿರುವ ಮೇಧಾವಿ ಗೋಸಾಮಿ. ಆತನ ತಂಗಿಯಾದ ಕುಸುಮಾಳ ಪ್ರೇಮಪಾಶದಲ್ಲಿ ಸಿಕ್ಕ ಪತ್ರಿಕಾ ಸಂಪಾದಕ ಮೃತ್ಯುಂಜಯ. ಗೋಸಾವಿಯವರ ಅಸಾಮಾನ್ಯ ಪ್ರಯೋಗ ಮತ್ತು ಮೃತ್ಯುಂಜಯನ ಹೋರಾಟ ಹೇಗೆ ಕೊನೆಗೊಂಡಿತು? ಎನ್ನುವುದನ್ನು ಇಲ್ಲಿ ವಿಶ್ಲೇಷಿಸಲಾಗಿದೆ.
ಕವಿರುದ್ರ ಕಾವ್ಯ ನಾಮಾಂಕಿತ ಆರ್.ಸಿ. ಭೂಸನೂರಮಠ (ರಾಜಶೇಖರ ಭೂಸನೂರಮಠ) ಅವರು ಧಾರವಾಡ ಜಿಲ್ಲೆಯ ಕೌಜಲಗಿಯವರು. ಹುಟ್ಟಿದ್ದು 1925 ಡಿಸೆಂಬರ್ 9 ರಂದು. ತಾಯಿ ಚನ್ನವೀರಮ್ಮ, ತಂದೆ ಚನ್ನವೀರಯ್ಯ. ಕೌಜಲಗಿಯಲ್ಲಿಯೇ ಪ್ರಾಥಮಿಕ ಶಿಕ್ಷಣ ಪಡೆದರು. ಹಿಂದಿ ವಿಶಾರದ ಪರೀಕ್ಷೆಯಲ್ಲಿ ಉತ್ತಮ ಶ್ರೇಣಿಯಲ್ಲಿ ಉತ್ತೀರ್ಣರಾದ ಇವರು ರಾಣೆಬೆನ್ನೂರು ಪ್ರೌಢಶಾಲೆಯಲ್ಲಿ ಅಧ್ಯಾಪಕರಾಗಿ ವೃತ್ತಿ ಆರಂಭಿಸಿದರು. ಕರ್ನಾಟಕ ಕಾಲೇಜಿನಿಂದ ಪದವಿ ಪಡೆದ ನಂತರ ದೇಶದ ನಾನಾ ಭಾಗಗಳ ಆಕಾಶವಾಣಿ ಕೇಂದ್ರದಲ್ಲಿ ಕಾರ್ಯ ನಿರ್ವಹಿಸಿದರು. ಪ್ರಮುಖ ಕೃತಿಗಳು: ಜೆಂಗೊಡ, ಕನಸಿನ ರಾಣಿ' (ಕವನಸಂಕಲನ), ಭಕ್ತಿ ಭಂಡಾರಿ ಮತ್ತು ಇತರ ನಾಟಕಗಳು (ನಾಟಕ) ಮುಂತಾದವು. ಕನ್ನಡ ...
READ MORE
Concept & Creation 
©2025 Book Brahma Private Limited.
