ಬ್ರಿಯಾನ್ ಟ್ರೇಸಿ ಅವರ ಯಶಸ್ಸಿನ ಗ್ರಂಥಾಲಯ ಮಾಲಿಕೆಯಡಿ ಅವರ ‘ಮ್ಯಾನೇಜ್ ಮೆಂಟ್ ’ ಎಂಬ ಕೃತಿಯನ್ನು ಲೇಖಕ ಶಿವಾನಂದ ಬೇಕಲ್ ಅವರು ‘ವ್ಯವಸ್ಥಾಪನೆ’ ಶೀರ್ಷಿಕೆಯಡಿ ಕನ್ನಡಕ್ಕೆ ಅನುವಾದಿಸಿದ್ದಾರೆ. ಯಾವುದೇ ಒಂದು ಕೆಲಸದ ಇಲ್ಲವೇ ಸಂಸ್ಥೆಯ ಇಲ್ಲವೇ ಸಂಘಟನೆಯ ಚಾಲನಾ ಶಕ್ತಿಗೆ ವ್ಯವಸ್ಥಾಪನೆ ಎಂದು ಕರೆಯಬಹುದು. ಇದು ಸಹ ಒಂದು ಕಲೆ. ಎಲ್ಲರಿಗೂ ಯಾವುದೇ ಒಂದು ವ್ಯವಸ್ಥೆಯನ್ನು ನಿರ್ವಹಿಸಲು ಬರುವುದಿಲ್ಲ. ಇದು ಬುದ್ದಿ ಕೌಶಲವೂ ಹೌದು. ವಿವಿಧ ರೀತಿಯ ವ್ಯವಸ್ಥಾಪನೆಗಳಿರುತ್ತವೆ. ಅವುಗಳ ವ್ಯವಸ್ಥೆಗೆ ಧಕ್ಕೆಯಾಗದ ಹಾಗೆ ಕಾರ್ಮಿಕರನ್ನೂ ಸಹ ಅಸಮಾಧಾನಗೊಳಿಸದೇ ಸಮತೂಕದಲ್ಲಿ ಕೆಲಸ ಆಗುವ ಹಾಗೇ ನೋಡಿಕೊಳ್ಳಬೇಕು. ಇಂತಹ ಕಲೆಯ ಕುರಿತು ಹಲವು ಸೂತ್ರಗಳನ್ನು ಹಾಗೂ ಉತ್ತಮ ವ್ಯವಸ್ಥಾಪಕರು ಆಗುವುದು ಹೇಗೆ ಎಂಬ ಬಗ್ಗೆ ಮಾಹಿತಿ ನೀಡಿರುವ ಕೃತಿ ಇದು.
ಡಾ. ಶಿವಾನಂದ ಬೇಕಲ್ ಅವರು ಹುಟ್ಟಿದ್ದು ಕೇರಳ ರಾಜ್ಯದ ಕಾಸರಗೋಡು ಜಿಲ್ಲೆಯ ಹೊಸದುರ್ಗ ತಾಲ್ಲೂಕಿನ ಐತಿಹಾಸಿಕ ಸ್ಥಳ ಬೇಕಲ್ ನಲ್ಲಿ. ತಂದೆ- ಬೇಕಲ್ ಸಾಂತನಾಯಕರು, ತಾಯಿ- ಲಲಿತಾಬಾಯಿ. ಪ್ರಾಥಮಿಕದಿಂದ ಹೈಸ್ಕೂಲುವರೆಗೆ ವಿದ್ಯಾಭ್ಯಾಸ ನಡೆದದ್ದು ಬೇಕಲ್‌ನಲ್ಲಿ . ಕಾಸರಗೋಡಿನಲ್ಲಿ ಬಿ.ಎಸ್ಸಿ, ಮೈಸೂರು ವಿಶ್ವವಿದ್ಯಾಲಯದಿಂದ ಬಿ.ಎಡ್, ಕರ್ನಾಟಕ ವಿಶ್ವ ವಿದ್ಯಾಲಯದಿಂದ ಎಂ.ಎ. ಮತ್ತು ಗುಲಬರ್ಗಾ ವಿಶ್ವ ವಿದ್ಯಾಲಯದಿಂದ ಡಾಕ್ಟರೇಟ್ ಪಡೆದರು. 16ನೇ ವಯಸ್ಸಿನಲ್ಲಿ ಬರೆದ ‘ಕೇದಗೆಯ ಹಾವು’ ಮೊದಲ ಕಥೆಗೆ 1968ರಲ್ಲಿ ಪ್ರಜಾವಾಣಿ ದೀಪಾವಳಿ ಕಥಾಸ್ಪರ್ಧೆಯಲ್ಲಿ ಬಹುಮಾನ ಗಳಿಸಿತು. ಇವರ ಲೇಖನ ಕೃಷಿ ಮಂಗಳೂರಿನ ನವಭಾರತ, ಕಿನ್ನಗೋಳಿಯ ಯುಗಪುರುಷ ನಂತರ ಸುಧಾ, ತರಂಗ, ಪ್ರಜಾವಾಣಿ, ...
READ MORE
Concept & Creation 
©2024 Book Brahma Private Limited.
