ಆಧುನಿಕ ವೈದ್ಯ ವಿಜ್ಞಾನದ ಪಿತಾಮಹ ‘ಹಿಪ್ಪೋಕ್ರೇಟ್ಸ್‘ ಹುಟ್ಟುವುದಕ್ಕೆ ಸುಮಾರು 150 ವರ್ಷಗಳ ಹಿಂದೆ ಹುಟ್ಟಿರಬಹುದಾದ ಸುಶ್ರುತ, ಅದುವರೆಗಿನ ಭಾರತೀಯ ಶಸ್ತ್ರವೈದ್ಯ ವಿಜ್ಞಾನದ ಅರಿವನ್ನೆಲ್ಲ ಒಂದೆಡೆ ಸಂಗ್ರಹಿಸಿ ‘ಸುಶ್ರುತ ಸಂಹಿತೆ‘ ಎನ್ನುವ ಗ್ರಂಥವನ್ನು ಭಾರತೀಯ ಪರಂಪರೆಗೆ ನೀಡಿ ಮಹದುಪಕಾರವನ್ನು ಮಾಡಿದವರು. ಈ ಗ್ರಂಥವು ಆಧುನಿಕ ವೈದ್ಯಕೀಯದ ಮೇಲೆ, ಮುಖ್ಯವಾದ ಶಸ್ತ್ರವಿಜ್ಞಾನದ ಮೇಲೆ ಅಪಾರ ಪ್ರಭಾವ ಬೀರಿದೆ. ಇಂದು ‘ಸುರೂಪಿಕಾ ಶಸ್ತ್ರಚಿಕಿತ್ಸೆ‘ಯನ್ನು ಸುಶ್ರುತನು ಹೇಗೆ ವರ್ಣಿಸಿರುವನೋ, ಹೆಚ್ಚು ಕಡಿಮೆ ಹಾಗೆಯೇ ಇಂದೂ ನಾವು ಮಾಡುತ್ತಿದ್ದೇವೆ. ಸುಶ್ರುತ ವಿವರಿಸಿದ 20 ಹರಿತ ಹಾಗೂ 101 ಹರಿತವಲ್ಲದ ಶಸ್ತ್ರಚಿಕಿತ್ಸಾ ಉಪಕರಣಗಳಲ್ಲಿ ಬಹುಪಾಲು ಉಪಕರಣಗಳನ್ನು ಹೆಚ್ಚಿನ ಬದಲಾವಣೆಯಿಲ್ಲದೇ ಹಾಗೆಯೇ ಉಪಯೋಗಿಸುತ್ತಿದ್ದೇವೆ. ಇಂತಹ ಸುಶ್ರುತ ಸಂಹಿತೆಯನ್ನು ಕೊಡುಗೆಯಾಗಿ ನೀಡಿದ ಸುಶ್ರುತರ ವ್ಯಕ್ತಿತ್ವ-ಜೀವನ ಪದ್ಧತಿ- ಸಂಶೋಧನೆ- ಕೊಡುಗೆಗಳನ್ನು ರಸವತ್ತಾಗಿ, ಸವಿವರವಾಗಿ ತಿಳಿಸುವ ಕೃತಿ ಇದಾಗಿದೆ.
ಡಾ. ವಸುಂಧರಾ ಭೂಪತಿ ಕರ್ನಾಟಕದ ರಾಯಚೂರಿನಲ್ಲಿ 1962 ರ ಜೂನ್ 5 ರಂದು ಜನಿಸಿದರು. ಇವರು ಬರೆದಿರುವ ವಿಜ್ಞಾನ ಪ್ರಥಮ ಚಿಕಿತ್ಸೆ, ಶುಚಿತ್ವ, ಆರೋಗ್ಯ-ಆರೈಕೆ ಲೇಖನಗಳು ವಾರಪತ್ರಿಕೆ ಹಾಗೂ ದಿನಪತ್ರಿಕೆಗಳಲ್ಲಿ ಪ್ರಕಟಗೊಂಡಿದೆ. ವಸುಂದರಾ ಭೂಪತಿಯವರು ವೈದ್ಯಕೀಯ ಸಾಹಿತ್ಯ ಮಾಲೆ, ಕನ್ನಡ ಪುಸ್ತಕ ಪ್ರಾಧಿಕಾರ, ಕರ್ನಾಟಕ ರಾಜ್ಯ ವಿಜ್ಞಾನ ಪರಿಷತ್ತಿನ ಮಾಸಪತ್ರಿಕೆ ‘ಬಾಲ ವಿಜ್ಞಾನ’, ಆರೋಗ್ಯ ಅನುರಾಗ ಮಾಸಪತ್ರಿಕೆ, ಆಯುರ್ವೇದ ಮತ್ತು ಯೋಗ ಮಾಸಪತ್ರಿಕೆ, ವಿಜ್ಞಾನ ಲೋಕ ತ್ರೈಮಾಸಿಕ ಪತ್ರಿಕೆ ಹಾಗೂ ಆರೋಗ್ಯ ವಿಜ್ಞಾನ ತ್ರೈಮಾಸಿಕ ಪತ್ರಿಕೆಗಳ ಸಂಪಾದಕ ಮಂಡಳಿಯ ಸದಸ್ಯರಾಗಿದ್ದಾರೆ. ಮತ್ತು ವೈದ್ಯ ಲೋಕ ಮಾಸಪತ್ರಿಕೆಯ ಸಂಪಾದಕರಾಗಿ ...
READ MORE
Concept & Creation 
©2024 Book Brahma Private Limited.
