ಅಂಕಿ ಸಂಖ್ಯೆಗಳ ಸಾಮ್ರಾಜ್ಯದಲ್ಲಿ

‘ಅಂಕಿ ಸಂಖ್ಯೆಗಳ ಸಾಮ್ರಾಜ್ಯದಲ್ಲಿ’ ಕೃತಿಯನ್ನು ಲೇಖಕ ಬಿ.ಕೆ. ವಿಶ್ವನಾಥರಾವ್ ಅವರು ರಚಿಸಿದ್ದಾರೆ. ಗಣಿತ ಶಾಸ್ತ್ರದಲ್ಲಿ ಹೆಚ್ಚಿನ ಆಸಕ್ತಿವಹಿಸಿ ಸಾಹಿತ್ಯ ರಚಿಸುತ್ತಿರುವ ಲೇಖಕರು, ಅಂಕಿ-ಸಂಖ್ಯೆಗಳ ಮಹತ್ವವನ್ನು ಜ್ಞಾನದ ಶಾಖೆಯಾಗಿಯೂ, ವ್ಯವಹಾರದ ವಿನಿಮಯವಾಗಿಯೂ, ಸಾಮಾಜಿಕವಾಗಿ ಸಾಮಾನ್ಯಜ್ಞಾನದ ದ್ಯೋತಕವಾಗಿಯೂ ಈ ಅಂಕಿ-ಸಂಖ್ಯೆಗಳು ಹೇಗೆ ತಮ್ಮ ಇರುವನ್ನು ಸಾಬೀತುಪಡಿಸುತ್ತವೆ ಎಂಬುದರ ಕಡೆಗೆ ಲೇಖಕರು ಓದುಗರ ಗಮನ ಸೆಳೆಯುವುದು ಈ ಕೃತಿಯ ಹೆಗ್ಗಳಿಕೆ. ಅಂಕಿ-ಸಂಖ್ಯೆಗಳದ್ದೇ ಒಂದು ದೊಡ್ಡ ಸಾಮ್ರಾಜ್ಯ. ಇಲ್ಲಿ ಪ್ರಶಂಸೆಗಳು ಇರುವ ಹಾಗೆ ಅಡೆ-ತಡೆಗಳೂ ಹೆಚ್ಚು. ಸವಾಲನ್ನು ಪರಿಹರಿಸಿದರೆ ಸಿಗುವ ಸುಖದಂತೆ, ಪರಿಹಾರ ಸಿಗದೇ ಹೋದಾಗ ದುಃಖವು ಆವರಿಸಿಕೊಳ್ಳುತ್ತದೆ. ಸಾಮ್ರಾಜ್ಯದಲ್ಲಿರಲು ಚಾಕಚಕ್ಯತೆ, ಜಾಣ್ಮೆ, ಕೌಶಲ ಅಗತ್ಯ. ತಪ್ಪಿದರೆ, ಅಲ್ಲಿರಲಾಗದು ಎಂಬ ವಾಸ್ತವವನ್ನೂ ಅಂಕಿ-ಸಂಖ್ಯೆಗಳ ಸಾಮ್ರಾಜ್ಯವು ಅನುಭವಕ್ಕೆ ತಂದು ಕೊಡುವ ಕೃತಿ. ಬದುಕು ಒಂದು ಲೆಕ್ಕಾಚಾರವೂ ಆಗಿದೆ ಎಂಬುದರ ದಟ್ಟ ಅನುಭವವನ್ನು ನೀಡುತ್ತದೆ.