ವಿಮರ್ಶಾ ಕಾರಂಜಿಗಳು

‘ವಿಮರ್ಶಾ ಕಾರಂಜಿಗಳು’ ವಿ.ಗಣೇಶ್‌ರವರ ವಿಮರ್ಶಾತ್ಮಕ ಕೃತಿಯಾಗಿದೆ. ನಿರಂತರವಾದ ಸಾಹಿತ್ಯೋಪಾಸನೆಯಲ್ಲಿ ತತ್ಪರರು, ಕವಿತೆ, ವ್ಯಕ್ತಿಚಿತ್ರಣ, ಅನುವಾದ, ಕಥೆ, ಕಾದಂಬರಿ, ಸಂಪಾದನೆ ಮುಂತಾದ ಪ್ರಕಾರ ವೈವಿಧ್ಯಗಳಲ್ಲಿ ಎಪ್ಪತ್ತಕ್ಕೂ ಮಿಕ್ಕು ಕೃತಿಗಳನ್ನು ರಚಿಸಿದವರು. ವೃತ್ತಿಯಿಂದ ನಿವೃತ್ತರಾದರೂ, ಪ್ರವೃತ್ತಿಯಲ್ಲಿ ತಮ್ಮನ್ನು ಸದಾ ತೊಡಗಿಸಿಕೊಂಡು ಶಿಕ್ಷಕರಿಗೊಂದು ಮೇಲ್ಪಂಕ್ತಿಯಾಗಿದ್ದಾರೆ. ಪ್ರಚಾರ-ಪ್ರದರ್ಶನ ಪ್ರಿಯರಲ್ಲದ ಕಾರಣ ಶ್ರೀ ಗಣೇಶ್‌ರವರು ಹೆಚ್ಚು ಪ್ರಕಾಶಕ್ಕೆ ಬರಲಿಲ್ಲ. ಅವರು ತಮ್ಮ ಹೃದಯಕ್ಕೆ ಆಪ್ತವಾದ, ತಮ್ಮ ಮೂಲಕ ಸಹೃದಯರಿಗೂ ಪ್ರಿಯವಾಗುವಂತಹ ಆಂಗ್ಲ ಕವಿತೆಗಳಲ್ಲಿ ಕೆಲವನ್ನು ಕನ್ನಡಕ್ಕೆ ಅನುವಾದಿಸಿದ್ದಾರೆ. ಈಗಾಗಲೇ ಎರಡು ಇಂಗ್ಲೀಷ್ ಕಾದ೦ಬರಿಗಳನ್ನು, ಒಂದು ಆತ್ಮಚರಿತ್ರೆಯನ್ನು ಹಾಗೂ ಒಂದು ಕಥಾಸಂಕಲನವನ್ನು ಕನ್ನಡಕ್ಕೆ ತಂದ ಎ.ಗಣೇಶ್‌ರವರು ಇದೀಗ ವಿಮರ್ಶಾ ಲೋಕಕ್ಕೂ ಕಾಲಿಡುತ್ತಿದ್ದಾರೆ. ತಾವು ಓದಿದ ಕೆಲವು ಕಥೆಗಳ ಮೇಲಿನ ಅಭಿಪ್ರಾಯವನ್ನು ಈ ಸಂಕಲನದಲ್ಲಿ ವ್ಯಕ್ತಪಡಿಸಲಾಗಿದೆ.