ಯಾವುದು ಕವಿತೆ

ಕ್ಲಿಷ್ಟ ಪದಗಳ ಪೋಣಿಸಿ
ಒಳಾರ್ಥಗಳ ಕಲ್ಪಿಸಿ
ವ್ಯಾಕರಣಗಳ ಹೊಂದಿಸಿ
ಬರುವ ಪ್ರತಿಕ್ರಿಯೆಗಳ ಆಲೋಚಿಸಿ
ತನ್ನೊಳಗಿನ ಅರ್ಥವನ್ನು ಕೂಡಿಸಿ
ಸಾಲುಗಳ ಎಣಿಸಿ
ಪ್ರಾಸಗಳ ಜೋಡಿಸಿ
ಭಾವನೆಗಳನ್ನು ಬೇಯಿಸಿ
ಅಂತರಾಳದ ಮೌನವನ್ನು ಬೆರೆಸಿ
ಮೂರನೆಯವರಿಗೆ ಇಷ್ಟವಾಗಲೆಂದು ಬರೆಯುವುದೇ ಕವಿತೆಯ?

ನಾಲ್ಕೇ ನಾಲ್ಕು ಪದಗಳಿಗೆ ತನ್ನದೇ ಉಡುಪು ತೊಡಿಸಿ
ಬರುವ ಅರ್ಥಗಳ ಗೋಜಿಗೆ ಹೋಗದೆ
ಗೀಚಬೇಕನ್ನಿಸಿದಾಗಲೆಲ್ಲಾ ಗೀಚಿ ಗೀಚಿ ಸಾಲುಗಳ
ತನ್ನ ಮನದ ಆಕ್ರಂದಣವ
ಹೊರ ಹಾಕಲು ಬರೆವ ಸಾಲುಗಳು
ಪ್ರಾಸ ವ್ಯಾಕರಣಗಳ ಸೋಕದ
ನಗ್ನ ವಾಕ್ಯಗಳು ಕವಿತೆಯ?

- ಶೀತಲ್