ಹೆಣ್ಣು ಹೇಗಿರಬೇಕು 

ಹೇಗಿರಬೇಕು ಇವಳು ಹೇಗಿರಬೇಕು
ಹೇಗಿರಬೇಕು ಎನ್ನುವರುಕೆಲವರು
ಹೀಗೆಯೇ ಇರಬೇಕೆನ್ನುವರು ಹಲವರು
ಹೇಗಿದ್ದರೂ ಸುಮ್ಮನೆ ಬಿಡಲೊಲ್ಲರು
ಇವರು ಯಾವುದಕ್ಕೂ ಸಲ್ಲರು,

ಹೆಣ್ಣೆಂದರೆ ಹೀಗಿರಬೇಕು
ಮೈತುಂಬಾ ಸೆ ರ ಗೊದ್ದು
ಕೈತುಂಬಾ ಬಳೆತೊಟ್ಟು
ಕಾಸಗಲ
ಸಿಂಗಾರ ವಿಟ್ಟು
ಗಂಡನ ಕಣ್ಣುಗಾವಲಿನಲಿ
ಸದಾ ಅವನಿಂದೆ
ಎಲ್ಲರೂಳು ಇದ್ದು ಇಲ್ಲದಂತೆ
ಸದ್ದಿಲ್ಲದೆ ಮನದೊಳು ಗುದ್ದಾಡುತಾ
ಮೌನದೊಳು ಮಾತುಗಳನ್ನು ನುಂಗಿ
ಆಸೆ ಕನಸುಗಳನ್ನು
ಮಣ್ಣಲ್ಲಿ ಹೂತಿಟ್ಟು...
ನಾ ಸಹಧರ್ಮಿಣಿ
ಎನ್ನುವಳು ಎಲ್ಲರೆದುರು

ಹೆಣ್ಣೆಂದರೆ ಹೀಗಿರಬೇಕು
ಸ್ವಂತಿಕೆಯ ಕೊಲ್ಲುತ್ತ
ಪರರಿಚ್ಚೆಯ ಫಲಿಸುತ್ತ
ಆಸ್ತಿತ್ವವ ಮರೆಯುತ್ತ
ಸಮಾಜದ ಬಿಗಿ ಸರಪಣಿಯೂಳು ಬಂಧಿಯಾಗಿ
ಸ್ವಪ್ರತಿಭೆಯ ಹೃದಯದೊಳು ಬಚ್ಚಿಟ್ಟು
ನಾನು ಹೆಣ್ಣು ಸಂಸಾರ ದ ಕಣ್ಣು ಎನ್ನುವಳು,

ಹೆಣ್ಣೆಂದರೆ ಹೀಗಿರಬೇಕು
ಸೋಲೊಪ್ಪಿ ಕೊಳ್ಳಬೇಕು,
ನೋವೆಂಬ ಕಹಿಯನ್ನು ಇಷ್ಟವಿಲ್ಲದೆ
ಸಹಿಸಿಕೊಳ್ಳಬೇಕು,
ಅನ್ಯಾಯದ ವಿರುದ್ಧ ಎತ್ತಿದರೆ ಧ್ವನಿ
ಗಯ್ಯಾಳಿ ಎಂಬ ಬಾಣ,
ಸತ್ಯ ನಿರೂಪಿಸಲು ಹೋದರೆ
ವಿಚ್ಛೇ ಧನ ಎಂಬ ಅಸ್ತ್ರ,
ಕಣ್ಣೀರು ಹಾಕಿದರೆ
ನಾಟಕ ವಾಡುವಳು ಎಂಬ ಅಣಕು ಶಾಸ್ತ್ರ,

ಹೆಣ್ಣೆಂದರೆ ಹೀಗಿರಬೇಕು
ಕರುಣೆ ಪ್ರೀತಿ ಮಮತೆ ಎಲ್ಲವೂ ಅಮ್ಮನ
ತೋಳ್ತೆಕ್ಕೆ ಯಲ್ಲಿ ಮಾತ್ರ,
... ಗಂಡನ ಮನೆಯಲ್ಲಿ ಎಲ್ಲವೂ ನೆಪಮಾತ್ರ

ಆದರೂ ಕುಟುಂಬ ದಲ್ಲಿ ನಿರ್ವಹಿಸುವಳು
ಹಲವಾರು ಪಾತ್ರ,
ಆದರೂ ಇವಳಿಗಿನ್ನೂ ಸಿಕ್ಕಿಲ್ಲ...
ಯಾವುದರಲ್ಲೂ ಸ್ವಾತಂತ್ರ್ಯ
ಹೆಣ್ಣೆಂದರೆ ಹೇಗಿರಬೇಕು?
ಹೀಗಿರಬೇಕೆ?

✍️ ಕೀರ್ತಿ ಕಿರಣ್ ಕುಮಾರ್
ಜಂಭರಡಿ