ಕಾಲವೆಂಬ ಔಷಧ

ಸಂಜೆಯಾಗುತ್ತಿದ್ದಂತೆ ನೆನಪುಗಳು ಕಾಡುತ್ತವೆ
ಖುಷಿಯ ನೆನಪು, ದುಃಖದ ನೆನಪು, ನಾನಾತರಹ ನೆನಪು..
ಒಂದರ ನಂತರ ಒಂದರಂತೆ ಬೆಂಬಿಡದೆ ಕಾಡುತ್ತವೆ
ನೆನಪುಗಳ ಹಾವಳಿಗೆ ತತ್ತರಿಸುವುದು ಮನವು..

ಕಾಲವೇ ಮರೆಸುವುದು ಎಲ್ಲವನ್ನೂ
ಎನ್ನುವ ನಂಬಿಕೆಯ ಮೇಲೆ
ಸಮಾಧಾನಗೊಂಡಿವುದು ಮನವು
ಕಾಲವೆಂಬ ಔಷಧ ಮತ್ತೊಂದಿಲ್ಲ

ಎಂತಹದೇ ಇರಲಿ ಸಮಸ್ಯೆ
ಮರೆಸುವುದು ಎಲ್ಲವನ್ನೂ ಕಾಲ
ಇಂದಿನ ಸೋಲಿನಿಂದ, ನಿರಾಶೆರಾಗಬೇಡಿ
ಜೀವಕ್ಕೆ ಕುತ್ತು ತಂದುಕೊಳ್ಳಬೇಡಿ

ಕಾಲವೇ ಔಷಧಿಯಾಗಿರುವಾಗ
ನಿನ್ನೆಯ ಹಾಳು ನೆನಪುಗಳ ಗೊಡವೆ ಏಕೆ ?
ಕಾಲದೊಂದಿಗೆ ಹೆಜ್ಜೆ ಹಾಕಿ
ಸಾಗಲಿ ಬದುಕಿನ ದಾರಿ ನಾಳೆಯ ಭರವಸೆಯೊಂದಿಗೆ

ನಿಮ್ಮಿಷ್ಠಕ್ಕೆ ನೀವು ಬದುಕಿ
ಉತ್ತರ ಕೊಡುವುದು ಕಾಲವೇ ಎಲ್ಲದ್ದಕ್ಕೂ.

✍️ - ರಾಜೇಸಾಬ ಕೆ. ರಾಟಿ, ಬೆದವಟ್ಟಿ