‘ಸಂಚಿ ಮುನ್ನುಡಿಗಳ ಸಂಕಲನ’ ಎಂ. ಎಸ್. ಆಶಾದೇವಿಯವರ ಮುನ್ನುಡಿಗಳ ಸಂಕಲನವಾಗಿದೆ. ಇದಕ್ಕೆ ಎಸ್. ದಿವಾಕರ್ ಅವರ ಬೆನ್ನುಡಿ ಬರಹವಿದೆ; ಕಳೆದ ಎರಡು ಮೂರು ದಶಕಗಳಿಂದ ಕನ್ನಡದ ಹಿಂದಿನ ಮತ್ತು ಇಂದಿನ ಸಾಹಿತ್ಯ ಕೃತಿಗಳನ್ನು ಮರುವ್ಯಾಖ್ಯಾನಿಸುತ್ತಿರುವ ಎಂ.ಎಸ್. ಆಶಾದೇವಿಯವರು ನಮ್ಮ ವಿಚಾರಗಳ, ಪ್ರತಿಮೆಗಳ ಮತ್ತು ನಂಬಿಕೆಗಳ ಸಂಕೀರ್ಣ ಜಾಲವನ್ನು ಜಾಲಾಡಿ ಅದರಲ್ಲಿ ಅಂತರ್ಗತವಾದ ಅರ್ಥ, ಮೌಲ್ಯಗಳನ್ನು ಬೆಳಕಿಗೆ ತರುತ್ತಿರುವ ಅಪರೂಪದ ವಿಮರ್ಶಕರು. ಕಾವ್ಯ, ಕತೆ, ಕಾದಂಬರಿ, ಪ್ರಬಂಧ, ಅಂಕಣ ಬರಹ, ಅನುವಾದ, ಹೀಗೆ ಅವರು ಯಾವುದರ ಬಗ್ಗೆ ಬರೆದರೂ ಅದರ ಹಿನ್ನೆಲೆಯಲ್ಲಿ ಅವರಿಗಿರುವ ಇಡೀ ಕನ್ನಡ ಸಾಹಿತ್ಯದ ಆಳವಾದ ಅಧ್ಯಯನ ಎದ್ದು ಕಾಣುತ್ತದೆ. ಅವರದು ಪ್ರತಿಯೊಂದು ಕೃತಿಯ ಸೂಕ್ಷ್ಮ ಓದಿನಿಂದ ಐತಿಹಾಸಿಕ ಮತ್ತು ಸಮಕಾಲೀನ ಒಳನೋಟಗಳನ್ನು ಬೆಸೆದು ತೋರಿಸುವ ಅಪರೂಪದ ಪ್ರತಿಭೆ; ನಿಷ್ಪಕ್ಷಪಾತ ವಿಮರ್ಶೆಯನ್ನು ಸಾಧ್ಯವಾಗಿಸುವ ವಿದ್ವತ್ತು. ಆದ್ದರಿಂದಲೇ ಅವರಿಗೆ 'ಪ್ರಮುಖ ಲೇಖಕನೊಬ್ಬನ ಕೃತಿ ಮನುಷ್ಯ ಲೋಕದ ಸಮಸ್ತ ವ್ಯಾಪಾರಗಳ 'ದರ್ಶನ'ವಾಗಿ ಕಾಣುವಂತೆ ಪ್ರಮುಖ ಲೇಖಕಿಯರ ಕೃತಿಗಳನ್ನು ಹಾಗೆ ಒಟ್ಟು ಬದುಕಿನ ಕ್ಯಾನ್‌ವಾಸಿನ ಹಿನ್ನೆಲೆಯಲ್ಲಿಟ್ಟು ನೋಡುವ ಪರಿಪಾಠ' ಸಾಧ್ಯವಾಗಿದೆ. ಹಲವು ಕ್ಷೇತ್ರಗಳ ಬಗ್ಗೆ ಯಾರಿಗೂ ಬೆರಗು ಹುಟ್ಟಿಸುವಷ್ಟು ಆಳವಾದ ಜ್ಞಾನವುಳ್ಳ ಈ ವಿಮರ್ಶಕಿ ನಮ್ಮ ಜೀವನದ ಪ್ರಬಲವೂ ನಿಯಂತ್ರಣಶಕ್ತಿಯೂ ಉಳ್ಳ ಕಥನಗಳನ್ನು ವಿಚಾರಣೆಗೊಳಪಡಿಸುತ್ತ ಅವುಗಳ ಒಳಸುಳಿಗಳನ್ನು ತೋರಿಸಿಕೊಡುತ್ತಾರೆ.
ಅನುವಾದಕಿ, ವಿಮರ್ಶಕಿ ಆಶಾದೇವಿ ಅವರು 1966 ಫೆಬ್ರವರಿ 26 ದಾವಣಗೆರೆ ಜಿಲ್ಲೆಯ ನೇರಳಿಗೆಯಲ್ಲಿ ಜನಿಸಿದರು. ತಂದೆ ಸೋಮಶೇಖರ್, ತಾಯಿ ಅನಸೂಯಾ. ಚನ್ನಗಿರಿ ಸಮೀಪದ ಹಿರೇಕೋಗಲೂರಿನವರು. ಬೆಂಗಳೂರು ವಿಶ್ವವಿದ್ಯಾಲಯದಲ್ಲಿ ಕನ್ನಡ ಎಂ.ಎ. ಡಿ.ಆರ್.ನಾಗರಾಜ್ ಮಾರ್ಗದರ್ಶನದಲ್ಲಿ ನವೋದಯ ವಿಮರ್ಶೆ ಮೇಲೆ ಪಾಶ್ಚಾತ್ಯ ವಿಮರ್ಶೆಯ ಪ್ರಭಾವ ಕುರಿತು ಪಿ.ಎಚ್ಡಿ. ಸ್ತ್ರೀಮತವನುತ್ತರಿಸಲಾಗದೇ(ಸಾಹಿತ್ಯ ಸಂಸ್ಕೃತಿ ಕುರಿತ ಲೇಖನಗಳು) ಉರಿಚಮ್ಮಾಳಿಗೆ(ಡಿ.ಆರ್.ನಾಗರಾಜ ಅವರ ದಿ ಪ್ಲೇಮಿಂಗ್ ಫೀಟ್ ಕೃತಿಯ ಅನುವಾದ). ವಚನ ಪ್ರವೇಶ( ಸಂಪಾದನೆ). ಭಾರತದ ಬಂಗಾರ ಪಿ.ಟಿ.ಉಷಾ, ಇವರ ಪ್ರಮುಖ ಕೃತಿಗಳು. ವಿವಿಧ ಸೆಮಿನಾರುಗಳಲ್ಲಿ ಪ್ರಬಂಧ ಮಂಡನೆ. ಪ್ರಸ್ತುತ ಬೆಂಗಳೂರಿನ ಮಹಾರಾಣಿ ವಿಜ್ಞಾನ ಕಾಲೇಜಿನಲ್ಲಿ ಕನ್ನಡ ಪ್ರಾಧ್ಯಾಪಕಿಯಾಗಿ ...
READ MORE
Concept & Creation 
©2025 Book Brahma Private Limited.
