ಎಂಟು ಗಂಭೀರ ಹರಟೆಗಳನ್ನು ಹೊಂದಿರುವ ಕೃತಿಯಲ್ಲಿ ಹಾಸ್ಯಗಾರ ಬೀchi ಅವರ ದಾರ್ಶನಿಕತೆ ಎದ್ದು ಕಾಣುತ್ತದೆ. ಕಾಮ ಎಂದರೆ ಆಸೆ, ಬಯಕೆ ಎಂಬರ್ಥದಲ್ಲಿ ಚಿತ್ರಿತವಾಗಿದೆ. ಬಯಕೆಗಳ ಲೋಕಕ್ಕೆ ಮನುಷ್ಯ ತೆರಳಿದರೂ ಭೂಲೋಕದ ಬಯಕೆ ಅವನನ್ನು ಬಿಡುವುದಿಲ್ಲ ಎಂಬುದನ್ನು ಮಾರ್ಮಿಕವಾಗಿ ಕೃತಿಕಾರ ಹೇಳಿದ್ದಾರೆ.
'ಕಾಮಲೋಕ' ಪ್ರಕಟಗೊಂಡ ಕೆಲವರ್ಷಗಳ ಬಳಿಕ ತತ್ವಶಾಸ್ತ್ರದ ಬಗೆಗೆ ಲೇಖಕರಿಗೆ ಆಕರ್ಷಣೆ ಕಡಿಮೆ ಆಯಿತು. ಅದಕ್ಕಾಗಿಯೇ ಈ ಕೃತಿಯ ಎರಡನೇ ಆವೃತ್ತಿ ಬರಬಾರದು ಎಂದು ಪ್ರಕಾಶಕರಿಗೆ ಸೂಚಿಸಿದ್ದಾಗಿ ಬೀchi ತಮ್ಮ ಆತ್ಮಕತೆಯಲ್ಲಿ ಉಲ್ಲೇಖಿಸಿದ್ದಾರೆ. ಆದರೂ ಕೃತಿ ಮತ್ತೆ ಮುದ್ರಣಗಳನ್ನು ಕಂಡಿದ್ದು ಅದರ ಜನಪ್ರಿಯತೆಗೆ ಸಾಕ್ಷಿ. ಪುಸ್ತಕ ಬರುವುದಕ್ಕೂ ಮುನ್ನ 'ಪ್ರಜಾವಾಣಿ' ಮತ್ತು 'ಸುಧಾ'ದಲ್ಲಿ ಈ ಹರಟೆಗಳು ಪ್ರಕಟಗೊಂಡಿದ್ದವು.
'ಬೀಚಿ' ಎಂಬುದು ರಾಯಸಂ ಭೀಮಸೇನರಾವ್ ಅವರ ಕಾವ್ಯನಾಮ. ಅವರು ಜನಿಸಿದ್ದು 1913ರ ಏಪ್ರಿಲ್ 23ರಂದು ಬಳ್ಳಾರಿ ಜಿಲ್ಲೆಯ ಹರಪನ ಹಳ್ಳಿಯಲ್ಲಿ. ತಂದೆ ರಾಯಸಂ ಶ್ರೀನಿವಾಸರಾವ್, ತಾಯಿ ಭಾರತಮ್ಮ. 'ಬೀಚಿ' ಯವರ ಹೆಸರಿನ ಹಾಗೆ ಅವರ ಸಹಿಯೂ ವಿಚಿತ್ರ- 'ಬಿ' ಕನ್ನಡವಾದರೆ 'ಚಿ' ಇಂಗ್ಲಿಷು. ಸತಿ ಸೂಳೆ, ಸರಸ್ವತಿ ಸಂಹಾರ, ಖಾದಿ ಸೀರೆ, ಹೆಂಣು ಕಾಣದ ಗಂಡ, ಸತ್ತವನು ಎದ್ದುಬಂದಾಗ, ಮೇಡಮ್ಮನ ಗಂಡ, ಏರದ ಬಳೆ, ಬಂಗಾರದ ಕತ್ತೆ, ಮೂರು ಹೆಂಣು ಐದು ಜಡೆ, ಸುನಂದೂಗ ಏನಂತೆ, ಲೇವಡಿ ಟೈಪಿಸ್ಟ್, ಆರಿದ ಚಹಾ, ಬಿತ್ತಿದ್ದೇ ಬೇವು, ಕಾಮಂಣ (ಕಾದಂಬರಿಗಳು). ತಿಂಮನ ತಲೆ, ಆರು ಏಳು ಸ್ತ್ರೀ ಸೌಖ್ಯ, ಅಮ್ಮಾವ್ರ ಕಾಲ್ಗುಣ, ...
READ MORE
Concept & Creation 
©2024 Book Brahma Private Limited.
